Hmanah pipu ten luchhum banchhum huamin,
Nun chan ram chhan nan,
Hruaitu nih an tawnah a ropui chuang ngei,
Tunah zawng lo hawikir in lo thlir se,
An hmangaih Zoram sunin mittui a far ngei ang.
Chhak leh thlang ri an rawn nek e,
Pasaltha an fam zo ta em ni?
Hruaitu ngeng reng ralpui tawnah a mutthlu si!
Lo harh rawh, Zofa chhantlak ka la awm e ti a au ri chu!
Engtin chhang dawn che maw?
I ngawi reng dawn em ni?
Chakma leh vai lal tawnah pipu an zam ngai lo,
Saipui iangin ram an la a ni zawk!
Vote vanga ram hralh meuh zawng,
Thangthar ten an rolungmual chil an la chhak ang!
An sakhming hnaisailo an la sel ang a,
Zah zawng an zo ang, mahse phengphe khua a tlai tawh ang!
No comments:
Post a Comment