Kutchang thliak meuh a chhiar tham kum 4 lai mai kan lo inzui ve ta reng mai, kei atan chuan heng kum te hi kar khat liam ta ang leka niin ka la hre tlat! Ka hmuh hmasak ber ni che a i chappal bun (fiamthu thawh nana ka hman zui thin) leh i thawmhnaw hakte kha a rawng nen lam nang chuan hre tawhlo mahla kei atan chuan nimin lawka kawrthar eng i lei ang maiin a rawng pawh ka la hre chiang thei a, i bula thu i thiannu pawh kha (a tet khal ang angin) tunge anih ka la hrechiang em em bawk. In in kawngka ka rawn kik hmasak ber ni a ‘Lo leng ru’ i tihna awka leh nimin lawka ‘Mangtha muttui aw’ i tihna awka khan danglamna reng a la neilo, a no nalh hriatnuam thawpsat na kha a la pangngai reng tlat avangin.
Nitin inhmuh kan duh a, a hmuh pawh kan inhmu zing narawh. Biakina kan inkhawm dun apiangin in lamah kan haw dun thin a, i titi leh i thingpui siam (a tui ka ti lo, mahse ka sawichhuak ngai lo) tui tak mai in paha zan dar 10 kan hawl thleng zantin mai kha min ningtu tan chuan ninawm tak tur kan ni ang, mahse keini pahnih erawh kan in ning ngailo anih kha. ‘Chhim biala inhmangaih ber’ min titu tawngka te kha uanpui chang suhah chuan an tidiklo ka ti phal lo. E! ka sawi hmaih phalloh chu i teta phulova i ei theih si zia kha a ni tak e! Classic Restaurant kan tih hlawkthin zia kha kei chuan na ka ti ngailo reng reng, rilru leh taksa-in a ngeih tlat avangin. (Pi Parte-i hian lawmna chang a hrelo mai pawh a)
Nangmah vang liau liau-in Valentine’s Day te, Birthday te, Anniversary te, Holiday te, Festival te hian hlut thar riauna keimahah an neih phah a, X-Mas zaikhawm pawh a nawm phah thin. Tuk fuh tuma zing taka ka rawn leng hlawl mai min lo welcome dan te khan zahtheihloh thlak anihna min hriat chantirlo fo thin! A chang leh chhunah ka rawn kal a, a chang leh tlaiah, Hmangaihna an tih hi a mumallo ve fo thin bawk a tin ni. Zan dar 9 hnulama rawn len zauh thin erawh kha chu i duh vaklo anih kha, min ngaihloh vang ni miah si lovin. Ka sam Gel mawm taka in darthlalang ka nghen thin pawh i duhloh em avangin tunhnu hi chuan ka tih tawh ngai miah loh hi! Thingpui hang ka in ngailo tih vawikhat chiah ka hrilh che a, thingpui min lum sual sak ngai lova, a hmeh atan enge kan ei thin tih pawh i theihnghilh ngai lo!
Hetia kum 4 lai mai kan lo inzui ve tak-ah chuan Ralkhat hla tak atang pawn i pianzia ka hre tawh a, Feet 4 danah i rim ka hai tawh lo. Engin nge ti lungngai thin che a, Engin nge ti hlim thin che tih ka hre em em tawh a, I thil eiduh zawng leh ei chakloh lah ka hai tawh ngai heklo, I rawng ngainat zawng pawh ka hre em em a, Ka suangtuahna mitthla-ah hian a tak ang mai a chiangin ka hmu thei tawh che a, nuih i duh em avangin awlsam taka tih nuih che ka thiam tawh a, eng hming a koh nge i duh a eng hming nge i duhloh tih pawh ka hre chiang em em a ni. I thawmhnaw hak duh zawng leh design pawh ka hre lutuk! I thin chhiat leh chhiatloh pawh kei aia hrechiang an tam lovang! I ke zungpui tin awmdan thlengin ka hre ta.
I kum rualpuiah chuan nang ang reng renga mawhphurhna hria leh mawhphurhna nei lian ka hre hauh lo. I chhungte tana i pawimawhzia leh i hrisel siloh zia ka hai lova. Natna i ngah em em chung pawha i tawrhchhelzia te hi a mak ka ti fo thin! Nang ang reng renga nu leh pate thuawih ka la tawng ngai miah lova, ka thu pawh i awih em em fo. Kei nena tehkhin ralah chuan i taima em em a, mahse hna i thawh teuh a i hah te hian ka duat thiam tawklo fo che. Eng thil i tihin nge i natna a lo chhuah thin tih ka hria a, eng damdawi nge i tana tha ber tur tih pawh vawi tam damdawi ka leisak tawh che avangin ka hre em em a ni.
Mahse famkimlohna khawvela cheng kan ni tih erawh chu lanchhuah tir chang i nei fo! Ka duat than em avang chein i pangchang em em a, ka laka i phut tawh hi chu tih hlawhtlin ngei ngei a ngai thin. Ka tana i inpek thuk em avangin I thikthu a chhe telh telh a, min hmangaih vang a ni tih erawh ka chiang tulh tulh thung. Nang ang reng renga luhlul hi ka la hre ngai lo! I tihtawhloh chinah chuan eng ang pawn nawr che mah ila, i nghing chhin ngai lo reng reng. Mahse mi insum thei tak i nih erawh ka hai ngai lo thung! Chung zawng zawng khuhbo tur chuan mi khawngaih theihna i ngah em em a, englai pawn mirethei leh chanhai tanpui kawngah i tlanchhe ngai lova, mi thil i pek te hian i thil neih tha ber i pe thin a, hei hian ka lairil a fan a, ka hmangaih phah em em che a ni.
Englai mahin ka neih ve phak chinah i tan ui ka neih ka hre ngai lo! Thil tihsak i nuam em em a, hote anga lang ka tihsak che pawn i lawmna hi Bike thar ka neih ni a ka lawmna aiia nep chuanglo tihtur khawpin i lan chhuah tir thei tlat zel a, chuvang chuan ka zin apiangin thil ka hawn ziah thin che a ni. Nang pawn i theih ang angin thil min tihsak ve reng bawk a, nang ang erawh chuan ka lawmna ka tilang chhuak ve ngailo mai a ni zawk, mipa ka nih tlat avangin. Ka thil leisak zawng zawng che kha a mal malin ka la hre vek a, Shillong i kal tuma kawr bantlawn min leisak pawh kha chhe deuh tawh mahse ka Wardrob-ah ka la khai reng a nia aw!
Hetia kum 4 lai mai kan inzui tawh hnu pawh hian kan inti thiamlo ve fova, A chang phei chuan kan inbe lo vang vang fo mai! Inthen hial pawh kan rawt ut ut chang a awm fova, hei hi hmangaihna kawng a ni tih erawh kan hre chiang e. Mahse kan intih thiamloh chang hian keima thiamloh a tam tulh tulh a, ka hmangaih loh vang che a ni hauh lo a nia aw. Ho tak anga ka ngaih ho i lo tihloh tuma awm a, ka mittlunglova i awm erawh a tamlo! Kan han inbiakloh vang vangte hian a ruk tak chuan hreawm kan ti dun tih ka hai lova, upa zawk ka nihna anga inphahhniam tur ka nih reng lai pawn i thinrim han thlem lungawi che hi nuam ka tih em thin avangin i pawi ka sawi ta thin a, min ngaidam ang che.
Tunah chuan in In kalkawngah mitchhing pawn ka kal thei tawh a, Nang pawn kan inkawng chu engtikahmah i hai tawh ngai bik lovang. Mipa leh hmeichhia Inngaihzawnna (Love Relationship-ah) hian hlim taka inkawm reng theih a ni lo. Hmangaihna kawng hi kan duh emaw duhlo emaw a lem chuang lo a biboh a, kal hreawm chang a awm a, kawppuite-ah hian a chak zawk awm pawh a ngai thin. Nakin lawkah kan la inhau leh ang a, mahse inthen phah nan erawh kan hmang lovang. Ka thiamloh tum a awm ang a, i thiamloh tum pawh a awm ve ang. Chung hun a lo thlen hunah chuan Dawhtheihna nen nun i hmang chho zel ang aw. Inhriatthiam tawnna ngawt nen chauh lo chuan, Ka D, Hmangaihna khawvel-ah hian hnehna a chan theih loh tih ka chiang ta e. Happy Valentine’s Day!
Nitin inhmuh kan duh a, a hmuh pawh kan inhmu zing narawh. Biakina kan inkhawm dun apiangin in lamah kan haw dun thin a, i titi leh i thingpui siam (a tui ka ti lo, mahse ka sawichhuak ngai lo) tui tak mai in paha zan dar 10 kan hawl thleng zantin mai kha min ningtu tan chuan ninawm tak tur kan ni ang, mahse keini pahnih erawh kan in ning ngailo anih kha. ‘Chhim biala inhmangaih ber’ min titu tawngka te kha uanpui chang suhah chuan an tidiklo ka ti phal lo. E! ka sawi hmaih phalloh chu i teta phulova i ei theih si zia kha a ni tak e! Classic Restaurant kan tih hlawkthin zia kha kei chuan na ka ti ngailo reng reng, rilru leh taksa-in a ngeih tlat avangin. (Pi Parte-i hian lawmna chang a hrelo mai pawh a)
Nangmah vang liau liau-in Valentine’s Day te, Birthday te, Anniversary te, Holiday te, Festival te hian hlut thar riauna keimahah an neih phah a, X-Mas zaikhawm pawh a nawm phah thin. Tuk fuh tuma zing taka ka rawn leng hlawl mai min lo welcome dan te khan zahtheihloh thlak anihna min hriat chantirlo fo thin! A chang leh chhunah ka rawn kal a, a chang leh tlaiah, Hmangaihna an tih hi a mumallo ve fo thin bawk a tin ni. Zan dar 9 hnulama rawn len zauh thin erawh kha chu i duh vaklo anih kha, min ngaihloh vang ni miah si lovin. Ka sam Gel mawm taka in darthlalang ka nghen thin pawh i duhloh em avangin tunhnu hi chuan ka tih tawh ngai miah loh hi! Thingpui hang ka in ngailo tih vawikhat chiah ka hrilh che a, thingpui min lum sual sak ngai lova, a hmeh atan enge kan ei thin tih pawh i theihnghilh ngai lo!
Hetia kum 4 lai mai kan lo inzui ve tak-ah chuan Ralkhat hla tak atang pawn i pianzia ka hre tawh a, Feet 4 danah i rim ka hai tawh lo. Engin nge ti lungngai thin che a, Engin nge ti hlim thin che tih ka hre em em tawh a, I thil eiduh zawng leh ei chakloh lah ka hai tawh ngai heklo, I rawng ngainat zawng pawh ka hre em em a, Ka suangtuahna mitthla-ah hian a tak ang mai a chiangin ka hmu thei tawh che a, nuih i duh em avangin awlsam taka tih nuih che ka thiam tawh a, eng hming a koh nge i duh a eng hming nge i duhloh tih pawh ka hre chiang em em a ni. I thawmhnaw hak duh zawng leh design pawh ka hre lutuk! I thin chhiat leh chhiatloh pawh kei aia hrechiang an tam lovang! I ke zungpui tin awmdan thlengin ka hre ta.
I kum rualpuiah chuan nang ang reng renga mawhphurhna hria leh mawhphurhna nei lian ka hre hauh lo. I chhungte tana i pawimawhzia leh i hrisel siloh zia ka hai lova. Natna i ngah em em chung pawha i tawrhchhelzia te hi a mak ka ti fo thin! Nang ang reng renga nu leh pate thuawih ka la tawng ngai miah lova, ka thu pawh i awih em em fo. Kei nena tehkhin ralah chuan i taima em em a, mahse hna i thawh teuh a i hah te hian ka duat thiam tawklo fo che. Eng thil i tihin nge i natna a lo chhuah thin tih ka hria a, eng damdawi nge i tana tha ber tur tih pawh vawi tam damdawi ka leisak tawh che avangin ka hre em em a ni.
Mahse famkimlohna khawvela cheng kan ni tih erawh chu lanchhuah tir chang i nei fo! Ka duat than em avang chein i pangchang em em a, ka laka i phut tawh hi chu tih hlawhtlin ngei ngei a ngai thin. Ka tana i inpek thuk em avangin I thikthu a chhe telh telh a, min hmangaih vang a ni tih erawh ka chiang tulh tulh thung. Nang ang reng renga luhlul hi ka la hre ngai lo! I tihtawhloh chinah chuan eng ang pawn nawr che mah ila, i nghing chhin ngai lo reng reng. Mahse mi insum thei tak i nih erawh ka hai ngai lo thung! Chung zawng zawng khuhbo tur chuan mi khawngaih theihna i ngah em em a, englai pawn mirethei leh chanhai tanpui kawngah i tlanchhe ngai lova, mi thil i pek te hian i thil neih tha ber i pe thin a, hei hian ka lairil a fan a, ka hmangaih phah em em che a ni.
Englai mahin ka neih ve phak chinah i tan ui ka neih ka hre ngai lo! Thil tihsak i nuam em em a, hote anga lang ka tihsak che pawn i lawmna hi Bike thar ka neih ni a ka lawmna aiia nep chuanglo tihtur khawpin i lan chhuah tir thei tlat zel a, chuvang chuan ka zin apiangin thil ka hawn ziah thin che a ni. Nang pawn i theih ang angin thil min tihsak ve reng bawk a, nang ang erawh chuan ka lawmna ka tilang chhuak ve ngailo mai a ni zawk, mipa ka nih tlat avangin. Ka thil leisak zawng zawng che kha a mal malin ka la hre vek a, Shillong i kal tuma kawr bantlawn min leisak pawh kha chhe deuh tawh mahse ka Wardrob-ah ka la khai reng a nia aw!
Hetia kum 4 lai mai kan inzui tawh hnu pawh hian kan inti thiamlo ve fova, A chang phei chuan kan inbe lo vang vang fo mai! Inthen hial pawh kan rawt ut ut chang a awm fova, hei hi hmangaihna kawng a ni tih erawh kan hre chiang e. Mahse kan intih thiamloh chang hian keima thiamloh a tam tulh tulh a, ka hmangaih loh vang che a ni hauh lo a nia aw. Ho tak anga ka ngaih ho i lo tihloh tuma awm a, ka mittlunglova i awm erawh a tamlo! Kan han inbiakloh vang vangte hian a ruk tak chuan hreawm kan ti dun tih ka hai lova, upa zawk ka nihna anga inphahhniam tur ka nih reng lai pawn i thinrim han thlem lungawi che hi nuam ka tih em thin avangin i pawi ka sawi ta thin a, min ngaidam ang che.
Tunah chuan in In kalkawngah mitchhing pawn ka kal thei tawh a, Nang pawn kan inkawng chu engtikahmah i hai tawh ngai bik lovang. Mipa leh hmeichhia Inngaihzawnna (Love Relationship-ah) hian hlim taka inkawm reng theih a ni lo. Hmangaihna kawng hi kan duh emaw duhlo emaw a lem chuang lo a biboh a, kal hreawm chang a awm a, kawppuite-ah hian a chak zawk awm pawh a ngai thin. Nakin lawkah kan la inhau leh ang a, mahse inthen phah nan erawh kan hmang lovang. Ka thiamloh tum a awm ang a, i thiamloh tum pawh a awm ve ang. Chung hun a lo thlen hunah chuan Dawhtheihna nen nun i hmang chho zel ang aw. Inhriatthiam tawnna ngawt nen chauh lo chuan, Ka D, Hmangaihna khawvel-ah hian hnehna a chan theih loh tih ka chiang ta e. Happy Valentine’s Day!
No comments:
Post a Comment