I liam dawn si maw !

A hun an ti lenrual zawng ten,
Khiangawi a mawi ve tawh e tiin,
Lenlai a vul dawn chauh thian tha ten an ti,
Mahse Val hmanhmawh atan dal a mawi love!

Lanu valrual an tam Leitlang mawi tu,
Mahse chhungril takna leh zuate lunglawm siamtu,
An tam lo, lunglawm thlentu Zo lanu,
Mahse chu zawng hria an tam mawlh love!

Lalpa mi lanu val khawvel thilah,
Zei tak a awm theihloh,
Thiamloh bik vang ni lo, a rem lo a ni zawk,
Chak loh vang a ni love, daltu awm vang a ni zawk,
Chung tuar zo lo phattu kan tam lua e!

Kohhran, thalai pawl mawitu,
A naupan vanglai thleng chung Pathian tan,
Rinawm, chhel leh khawhar taka hmangtu,
Lo chawimawi ang che aw, a phu ang ngeiin!

Malsawm, duhawmna dawng tur val duhawm,
I chan that leh vanneih a va thuk em!
Hmeichhe ropui, thuhruk nun neitu,
Lo hmangaihin lo duat mawlh ang che!

Kan lenlai ni tawp mai tur,
Kan sulhnu zawng engtin ngai ve tak ang maw?
Lam hlim kan thai ve zawngte,
A la rei mawlh lo a sin!

Hunpui lo thleng tur dawnin,
I tello hlim a kim dawn em ni?
Thiani te lungleng tur dawnin,
Ngaihlai reng an bang lo'ng nge!

Ka thian ka thlahna che hnuhnung,
Tuantul vanga a rem lo anih pawn,
Thinrim chang lul suh se, 
Duhsakna mi hlan zawk rawh!