Ni hnuaiah ang khata leng kan ni!

Duhtak, hringnuna vanduaina lo thlen dan,
Ngun takin ngaihtuah la, chhut chiang rawh,
Vawnban bawhthlelh vang mai pawn,
Kumkhaw chawr lohna a lo thleng thei a,
Ni khat thil thuah nu leh pa channa lo thleng thei a ni!

Ni hnuaiah hian angkhat vek kan ni a,
A rethei a hausa, a thawkrim thatchhe chawheh chungah,
Khuarel chhiatna a lo thleng za vek a,
Thawkrimin engmah thihna a chhawm tur a nei lo ang bokin,
Thawklo pawh engmah reng pekbelh a ni chuang lo.

Kan zaa chuangah khuarel thuhmun a lo thleng a,
Tuman finna leh thiamna hmangin a chhan a chhut phak lo,
Rinnaa beiseina nen nung reng mi erawh zawngin,
Khawvel piahlam thlirin a nun a hmang zova,
Tawpna piah erawh khuarel thuhmun a ni dawn si lo!