" Hringnuna i thian chhar thar reng rengte chu,
I laka an rinawmna i hriatchian tawh hnu chuan;
Kahpathira siam khaidiatin an thinlungah zem tlat ang che!
Hringnuna i thian chhar thar nazawng erawh,
I sum leh pai sengin tlawn huam suh ang che;
Hmuhsit i hlawh piah lamah in inthianthatna a daulau zui palh ang!
Mihring kara intihbuainaah chuan inrawlh tum lo la,
Loh theih lohna in a nawr che anih ve thung erawh chuan;
I thinrimna chu i thatawpin lantir hreh thung suh ang che!
"Pastor rinawmna neilo thenkhat angin,
Tha lam kawng harsa leh ing-euh,
Mi kawhhmuh lai hian,
Zilhtu lungfing hi lepchiahna kawng,
Kawng nuam leh zauah lo kal bik hauh suh ang che"
"Hringnun khawvel danah chuan,
Thil reng reng hian chintawk a bithliah thiam tur a ni,
Chintawk nei lek lova lusunna zawng,
A mawihawih leh tih awmah a kal tawh lova,
Thinlung tuarna ai chuan luhlulna leh,
Rilru kim hlelhna lam lantirtu mai a ni tawh zawk thin"
"Mihring thinlung kaihruaitu atan chuan,
Thluak aia tangkaina nei an awmlo ang bawkin,
Pumpui hrai tlai nan pawh,
Fu-ke aia tangkai an awm thei lo"
No comments:
Post a Comment