Mizoram Chief Minister hna hi term khat chhung chauh pawh han chelh ve ta ila tih hi ka rilruah a lian thei hle mai a, ka mangphan phah hial a ni. Zoram dinhmun chhe lutuk siam tha ngam tumah kan nei bawk si lova, kan hmabak thim lutuk tur lak atanga Mizoram leh a chhunga chengte chhanchhuak tur hian Mizo Pa diktak leh ram hmangaihtu an awm ta lo em ni le?
Han CM ta chiah ila chuan Sawrkar Hnathawk 60/100 te hi chuan min haw ngawih ngawih ang a, thenkhat phei chuan min thah duhna rilru hial an neih phahin ka ring. A chhan pawh Sawrkar hnathawk zawng zawng te thla khat hlawh an lak luh leh an hmanral dan chhui chiang turin CBI chah chhoh an nih dawn avangin eiru tan chuan ngaihdamna chhete mah a awm dawn lova, insawisakin awmzia a nei bawk hek lovang!
Mi tam tak Jail-ah thawn liam an ni ang a, Aizawl khawpuia mi lian chhungkaw tam tak te leh ka chhung te ngei pawn min hua-in min thah hial duh pawh an awm mai thei ang. Tin, Thingtlang khuaah Sawrkar hnathawk indaihlohna zawng zawng hrut rual anih dawn avangin ka laka lungawi lo fe fe hi an tam em em dawn a ni! Nimahsela, Thingtlang lam unaute erawh chuan an nunna chhalin min humhim duh ngei thung ang. Kum 15-20 a ral meuh chuan mipui tam zawk ten nasa takin min chawimawiin min zah em em tawh thung ang.
CM han ni ta ila chuan Tlabung Tuipui khu sumdawng lawng lian te an kal theihna tura thukin ka khuap dawn a, Zoram mamawh zat electric pe chhuak thei tura lian Hydel Project ka siam bawk ang. Kum 5-7 a ral meuh chuan eng neih loh avanga buaina zawng zawng te a awm leh tawh ngai lovang. Ram hmasawnna tur anih dawn phawt chuan Compensation hming hi sawirik awih anih dawn loh avangin mi thenkhat tan chuan ka huatthlala em em bawk ang.
Zoram kawng zawng zawng siamthat hna kalpui a ni ang a, kum 5 a ral meuh chuan kawng chhiat avanga phunna ri leh lungawilohna zawng zawng a reh thuap tawh ang. Shillonga lung tha leh chang te khu Zoram kawng zawng zawng daih tur kum 2 chhungin ka la khawm ang a, a hnu kum 3 chhungin kawng zawng zawng siam that hman vek a ni ang. Kawng tha neihna tur anih dawn avangin Contractor tam tak hi chuan an damchhungin min be tha duh tawh kherlo bawkin ka ring!
Chumi hnuah chuan Thingtlang khaw kawng zawng zawng te motor lian kal theihna tura siam that vek an ni ang a, kum 10 a ral hnu chuan kawng chhia leh diak avanga harsatna Thingtlang lam unauten an tawh thin te kha a awm leh tawh ngai lovang.
CM ni ta ila chuan kum 5-8 chhung ngeiin Lo neituten ram hal miah lovin buh an thar tawh ang a, buhfaiah Mizoram kan intodelh tawh ang. India leh Ram pawn lam mi Agriculture lam mithiam leh Scientist rual chahluh an ni ang a, anni’n kan ram leilung rawn enfiahin hlawk zawk leh tha zawk a buhfai leh thlai kan thar theihna turin kawng min sialsak ang a, kum 5-8 chhungin ei leh inah kan intodelh em em tawh ang.
Ram leilung thatna mil-in khawtinah thlai an ching ang a, Market lama harsatna an tawh thin zawng zawng te a awm tawh bawk hek lovang. Kum 3-5 hnuah chuan Zoramin a mamawh bak buh leh thlai a thar chhuah zawng zawng te chu State dangah Lawng lianin kan thawnchhuak sup sup dawn a ni. Silchar atangin buaina vawikhatmah kan tawk leh tawh ngai bawk hek lovang.He hmalakna avang hian Party Block, Unit leh Tualchhung mite huat ka hlawh ngawih ngawih ang, diklo taka chanvo an neih thin a tawp dawn tlat avangin!
CM han ni ta ila chuan Sawrkar hnathawk tur lakna reng rengah a thiam thiam lak an ni tawh ang a, mahni phu ang tawk zel hna thalai ten an hmu tawh ang. Education System thlakin Syllabus thar hlak, India mai ni lova khawvelin a pawm tlan Syllabus State danga International School ten an hman mek ang leh a aia tha zirlai naupang ten an zir tawh ang a, IAS, IPS thalai rual an pung thur thur tawh ang. Tin, Sawrkar hnathawk tha peihlo leh dan pel china nuar reng reng te chungah a na thei ang ber a action lak a ni ziah ang a, a tul phei chuan Dan ang takin an Hnathawh (Employment) na atangin Paihthlak (Terminate theih anih chuan) an ni hmiah hmiah zel ang.
CM han ni ta ila chuan kum 2-3 chhungin khaw hrang hranga Tourist Lodge leh Resort zawng zawng ka thiat vek ang a, Zo Khualbuk (Tourist Lodge) tinah chuan Zopa in, a chung di leh concrete hman miah lohna, Mizo Culture ti lang chiang thei tur ang chi zawng zawng awmna siam a ni zawk ang a, Zin veivak (Tourist) tam tak Mizoramah an lo luh phah tawh ang. A chhan chu Zoram tlawha rawn zin te hian concrete building tha pui pui leh changkang tak tak hmuh an chak lova, Mizo nunphung leh nundan tarlanna thil hlui hmuh an chak zawk a ni tih ka hriatchian em vang a ni.
Zoram hmun hrang hrang, a theihna leh remchanna apiangah Khualzin Hipna (Tourist Attraction) Mizo Nihphung leh Hnam dan ang taka lanna siam a ni zel ang. Sap nunphung kan lak tam tak, a tulna leh a hlawkna awm miahlo, intih changkanna atana kan hman ang chi ho reng reng chu Zo Style-a thlak vek a ni bawk ang.
CM han ni ta ila chuan Damdawi lam mithiam (Scientist & Researcher) rual ten Zoram thing chi hrang hrang an rawn endik ang a, Damdawi atana hman thin leh damdawi siamna tur thing an hmuh chhuah atangin sum leh pai tam tak kan thawk chhuak dawn a, kum 5 a ral meuh chuan damdawi siamna in lianpui pui leh Institution lian tak tak ten Zoram hmun hrang hrangah bu an rawn khuar ang a, keini’n a hlawkna zawng zawng kan lo tel thung dawn a ni.
CM han ni ta ila chuan Durtlang atang khian Bawngkawn leh Chaltlang leh Zemabawk kalna tur Rope-way siam a ni ang. Chaltlang atangin Chanmari leh Upper & Lower Zarkawt kalna siam a ni ang a. Tuikhuahtlang atangin Mission Veng te, College Veng te, ITI Veng te, Rope-way hmanga inkalpawh theih tura hmalak vek a ni ang. Hei hi a takin tih theih ani tih Sikim tlawh en tawh chuan kan hria!
CM han ni ta ila chuan ka CM tirh phat atangin State Capital atana hman turin Thenzawl-ah hmalakna lian em em kalpui a ni nghal ang. Aizawl a Sawrkar Department zawng zawng Thenzawl-ah sawn phei vek an ni ang a, Aizawl hi chu Mumbai anga sumdawnna hmunpui atan chauh hman a ni thung tawh ang. Chandigarh leh Noida anga Thenzawl hi Plan City a siam anih theih nan mithiam rual rawnin hmalak a ni ang a, kum 5-7 a ral meuh chuan engkim peihfel vek a ni tawh ang.
CM han ni ta ila chuan NGO reng rengah Sawrkar hnathawk pakhatmah an tel theih lohna turin Dan siam anih bakah hma lak a ni ngei ngei ang. Tin, Dan dang, NGO chunga thuneihna tur siam a ni leh ang. Heng bakah hian hmalakna tur tam tak, sawisen loh a la awm a, chung ang zawng zawng tipuitling tur chuan a lo berah kum 15-20 chhung a ngaih dawn avang erawh chhuan dawhtheihna kan neih a ngai em em dawn a ni.
A tawp berah chuan CM han ni ta ila chuan MLA hlawh tam uchuak tak hi tih tlem vek a ni ang a, motor pawh pawisa hehlo thei ang ber chi leh man tlawm tha tak ang chi hman a ni ang a, tuna car changkang tak tak te hi chu tihral vek an ni ang. Tin, in lama mipuiten MLA dawr an tumna hi tihtawp a ni nghal ang a, a lo berah MLA te hian kum khat chhungin an Bial theuhah ni 100 chuang tal an khawsak ngei ngeina tur Dan siam a ni bawk ang.
Kan ram siamtha tur chuan khitiang ang taka che chhuak ngam Chief Minister leh MLA kan mamawh tawh a, chutih laia kan ram hruaitute khawsak dan leh ram hruai dan han en hi chuan hetiang ang taka hma la ngam pakhatmah an awm si loh avang hian kan ram dinhmun hi chuan that lam aiin chhiat lam a pan zel dawn niin a lang!
Ram hruai tha tur chuan chan ngam neih a ngai a sin!
Han CM ta chiah ila chuan Sawrkar Hnathawk 60/100 te hi chuan min haw ngawih ngawih ang a, thenkhat phei chuan min thah duhna rilru hial an neih phahin ka ring. A chhan pawh Sawrkar hnathawk zawng zawng te thla khat hlawh an lak luh leh an hmanral dan chhui chiang turin CBI chah chhoh an nih dawn avangin eiru tan chuan ngaihdamna chhete mah a awm dawn lova, insawisakin awmzia a nei bawk hek lovang!
Mi tam tak Jail-ah thawn liam an ni ang a, Aizawl khawpuia mi lian chhungkaw tam tak te leh ka chhung te ngei pawn min hua-in min thah hial duh pawh an awm mai thei ang. Tin, Thingtlang khuaah Sawrkar hnathawk indaihlohna zawng zawng hrut rual anih dawn avangin ka laka lungawi lo fe fe hi an tam em em dawn a ni! Nimahsela, Thingtlang lam unaute erawh chuan an nunna chhalin min humhim duh ngei thung ang. Kum 15-20 a ral meuh chuan mipui tam zawk ten nasa takin min chawimawiin min zah em em tawh thung ang.
CM han ni ta ila chuan Tlabung Tuipui khu sumdawng lawng lian te an kal theihna tura thukin ka khuap dawn a, Zoram mamawh zat electric pe chhuak thei tura lian Hydel Project ka siam bawk ang. Kum 5-7 a ral meuh chuan eng neih loh avanga buaina zawng zawng te a awm leh tawh ngai lovang. Ram hmasawnna tur anih dawn phawt chuan Compensation hming hi sawirik awih anih dawn loh avangin mi thenkhat tan chuan ka huatthlala em em bawk ang.
Zoram kawng zawng zawng siamthat hna kalpui a ni ang a, kum 5 a ral meuh chuan kawng chhiat avanga phunna ri leh lungawilohna zawng zawng a reh thuap tawh ang. Shillonga lung tha leh chang te khu Zoram kawng zawng zawng daih tur kum 2 chhungin ka la khawm ang a, a hnu kum 3 chhungin kawng zawng zawng siam that hman vek a ni ang. Kawng tha neihna tur anih dawn avangin Contractor tam tak hi chuan an damchhungin min be tha duh tawh kherlo bawkin ka ring!
Chumi hnuah chuan Thingtlang khaw kawng zawng zawng te motor lian kal theihna tura siam that vek an ni ang a, kum 10 a ral hnu chuan kawng chhia leh diak avanga harsatna Thingtlang lam unauten an tawh thin te kha a awm leh tawh ngai lovang.
CM ni ta ila chuan kum 5-8 chhung ngeiin Lo neituten ram hal miah lovin buh an thar tawh ang a, buhfaiah Mizoram kan intodelh tawh ang. India leh Ram pawn lam mi Agriculture lam mithiam leh Scientist rual chahluh an ni ang a, anni’n kan ram leilung rawn enfiahin hlawk zawk leh tha zawk a buhfai leh thlai kan thar theihna turin kawng min sialsak ang a, kum 5-8 chhungin ei leh inah kan intodelh em em tawh ang.
Ram leilung thatna mil-in khawtinah thlai an ching ang a, Market lama harsatna an tawh thin zawng zawng te a awm tawh bawk hek lovang. Kum 3-5 hnuah chuan Zoramin a mamawh bak buh leh thlai a thar chhuah zawng zawng te chu State dangah Lawng lianin kan thawnchhuak sup sup dawn a ni. Silchar atangin buaina vawikhatmah kan tawk leh tawh ngai bawk hek lovang.He hmalakna avang hian Party Block, Unit leh Tualchhung mite huat ka hlawh ngawih ngawih ang, diklo taka chanvo an neih thin a tawp dawn tlat avangin!
CM han ni ta ila chuan Sawrkar hnathawk tur lakna reng rengah a thiam thiam lak an ni tawh ang a, mahni phu ang tawk zel hna thalai ten an hmu tawh ang. Education System thlakin Syllabus thar hlak, India mai ni lova khawvelin a pawm tlan Syllabus State danga International School ten an hman mek ang leh a aia tha zirlai naupang ten an zir tawh ang a, IAS, IPS thalai rual an pung thur thur tawh ang. Tin, Sawrkar hnathawk tha peihlo leh dan pel china nuar reng reng te chungah a na thei ang ber a action lak a ni ziah ang a, a tul phei chuan Dan ang takin an Hnathawh (Employment) na atangin Paihthlak (Terminate theih anih chuan) an ni hmiah hmiah zel ang.
CM han ni ta ila chuan kum 2-3 chhungin khaw hrang hranga Tourist Lodge leh Resort zawng zawng ka thiat vek ang a, Zo Khualbuk (Tourist Lodge) tinah chuan Zopa in, a chung di leh concrete hman miah lohna, Mizo Culture ti lang chiang thei tur ang chi zawng zawng awmna siam a ni zawk ang a, Zin veivak (Tourist) tam tak Mizoramah an lo luh phah tawh ang. A chhan chu Zoram tlawha rawn zin te hian concrete building tha pui pui leh changkang tak tak hmuh an chak lova, Mizo nunphung leh nundan tarlanna thil hlui hmuh an chak zawk a ni tih ka hriatchian em vang a ni.
Zoram hmun hrang hrang, a theihna leh remchanna apiangah Khualzin Hipna (Tourist Attraction) Mizo Nihphung leh Hnam dan ang taka lanna siam a ni zel ang. Sap nunphung kan lak tam tak, a tulna leh a hlawkna awm miahlo, intih changkanna atana kan hman ang chi ho reng reng chu Zo Style-a thlak vek a ni bawk ang.
CM han ni ta ila chuan Damdawi lam mithiam (Scientist & Researcher) rual ten Zoram thing chi hrang hrang an rawn endik ang a, Damdawi atana hman thin leh damdawi siamna tur thing an hmuh chhuah atangin sum leh pai tam tak kan thawk chhuak dawn a, kum 5 a ral meuh chuan damdawi siamna in lianpui pui leh Institution lian tak tak ten Zoram hmun hrang hrangah bu an rawn khuar ang a, keini’n a hlawkna zawng zawng kan lo tel thung dawn a ni.
CM han ni ta ila chuan Durtlang atang khian Bawngkawn leh Chaltlang leh Zemabawk kalna tur Rope-way siam a ni ang. Chaltlang atangin Chanmari leh Upper & Lower Zarkawt kalna siam a ni ang a. Tuikhuahtlang atangin Mission Veng te, College Veng te, ITI Veng te, Rope-way hmanga inkalpawh theih tura hmalak vek a ni ang. Hei hi a takin tih theih ani tih Sikim tlawh en tawh chuan kan hria!
CM han ni ta ila chuan ka CM tirh phat atangin State Capital atana hman turin Thenzawl-ah hmalakna lian em em kalpui a ni nghal ang. Aizawl a Sawrkar Department zawng zawng Thenzawl-ah sawn phei vek an ni ang a, Aizawl hi chu Mumbai anga sumdawnna hmunpui atan chauh hman a ni thung tawh ang. Chandigarh leh Noida anga Thenzawl hi Plan City a siam anih theih nan mithiam rual rawnin hmalak a ni ang a, kum 5-7 a ral meuh chuan engkim peihfel vek a ni tawh ang.
CM han ni ta ila chuan NGO reng rengah Sawrkar hnathawk pakhatmah an tel theih lohna turin Dan siam anih bakah hma lak a ni ngei ngei ang. Tin, Dan dang, NGO chunga thuneihna tur siam a ni leh ang. Heng bakah hian hmalakna tur tam tak, sawisen loh a la awm a, chung ang zawng zawng tipuitling tur chuan a lo berah kum 15-20 chhung a ngaih dawn avang erawh chhuan dawhtheihna kan neih a ngai em em dawn a ni.
A tawp berah chuan CM han ni ta ila chuan MLA hlawh tam uchuak tak hi tih tlem vek a ni ang a, motor pawh pawisa hehlo thei ang ber chi leh man tlawm tha tak ang chi hman a ni ang a, tuna car changkang tak tak te hi chu tihral vek an ni ang. Tin, in lama mipuiten MLA dawr an tumna hi tihtawp a ni nghal ang a, a lo berah MLA te hian kum khat chhungin an Bial theuhah ni 100 chuang tal an khawsak ngei ngeina tur Dan siam a ni bawk ang.
Kan ram siamtha tur chuan khitiang ang taka che chhuak ngam Chief Minister leh MLA kan mamawh tawh a, chutih laia kan ram hruaitute khawsak dan leh ram hruai dan han en hi chuan hetiang ang taka hma la ngam pakhatmah an awm si loh avang hian kan ram dinhmun hi chuan that lam aiin chhiat lam a pan zel dawn niin a lang!
Ram hruai tha tur chuan chan ngam neih a ngai a sin!
No comments:
Post a Comment