Thiam finna sang zawng pawn a damdawi an hre lo maw?
Lunglen tehna hmanrua reng a awm lovem ni?
Lunglen hian ngam loh reng a nei nahek lovem ni?
A lian a te, rethei pachhia zawng nen,
Hrisel damlo, a pui apang a lian a te;
Zuah reng a lo nei love,
A tawnah hnehna chang zo reng an lo awm lo!
Ka D thenna kawl lo eng chhuak,
Ka tuar zo lo, vartian mawina zawng pawh;
Leilung pawn lumna reng a nei lova,
Van meuh pawhin a mawina a chhuah love!
Chelh din rualloh thenna kawl hi,
Kawl a zawngah a kawlhrawng lua!
D zun phur ngaih reng ai chuan,
Kei zawng fam chan a awl awm ka ti!
Min dem lul su ka lenrual te u,
Ka lungdum, ka Bahhnukte tello khawvel zawng;
Chen ka zuam lo, a mawina zawng nen,
Ka tan hmun khawram mai a chang zo si!
No comments:
Post a Comment