Rev Vanlalbela’n ama chanchin a ziahna lehkhabu, ‘Ka hmaah dawhkan i buatsaih ลฃhin’ tih hi phek 350 dรขwna chhah ni mah se, Pastawr chanchin ka chhiar tawhte zingah chuan ngaihnawm ka tih berte zinga mi, fuihtu duhawm, thlarau tรขna chaw tui tak, Pathian rinawmzia leh rintlakzia min hmuhtirtu a nih tlat avangin, ลฃum khatah ka chhiar zo der! Ka kham lo takzet a ni.
Kan lehkhathiam hmasa hlawhtlingte leh kan Pastawr hmasate chanchina chhiar tur awm deuh ziah; retheihna leh pachhiatna, harsatna leh hreawmna kaltlanga hnehtu nun an sual chhuah dan chu, he lehkhabuah hian hmuh tur a awm ve mai ni lovin, a awm tluan parh emaw tih mai tur a ni! Thingtlang naupang, lehkha pawh zir sรขng lovin hnehtu nun a neih dan han bih ta thuak thuak ila.
Pawl 3 thleng lehkha zirin, ram a lo buai khan hnam sipai ni turin a hringnun a chhiar chho ta a. A sipai ลฃan lai nunte hi a ngaihnawm rem rem hle! Sipai hlaua a tlanchhiat chakzia, Aihniara chiah chiah tih tur a nih dan te, mak tak taka sipai laka him piala a chhuah dan te, Falam bank an rawk hlawhtlingin artui pum khat a lei huai dan, an ลฃhianpa Ramchhana ramhuaiin an rawn rim ลฃhin dan mak takte chu ngaihnawm takin a ziak chhuak thiam tlat a.
An rammut laia a pianthar dan, martar phet a tum dan, Haulawng nula nen lamtuala an inpawm chilh tlat dan, a thlahlel lutukin a tlanchhiatsan tawp dante hi a ngaihnawm ngang a nih hi. Chu bakah Pathianin rambuai laia a hman dan, Upa-a thlan a nih dan, a meizial nghei dan maksak tak takte chu hlim taka chhiar loh har tak a ni. Pawl 3 chauh pass chung si a Ebenezer Baibul College a luh dan mak tak mai, a pain an eizawn vena ber an bawngpui hralha cheng 250 nena phai a pan dante hi, lungchhiatthlak takin a ropui a ni ber!
He baibul sikula zir tur hian kum 3 Hindi zir phawt tura an tih dan, mahse lรป ลฃuak vek khawpa Hindi thiam tuma a beihna kawng bumboh lutuk, thla 3 pawh tling lova a thiam tur ang a thiam hman dante hi, sawi chhuah loh phal chi a ni lo! Inhlawh chawp tak meuha zirna a beih dan, thuamhnaw ลฃha pawh nei zo lo leh, classroom chhรปnga a ลฃhut ve an phal loh dan, ‘Mangan leh Zah a inkawp’ ti hiala thupui a vuah dante hi, a namailo a ni tawp! An zirlai ziah vena tur lehkhapuan pawh nei zo lo, an Principal pindana lehkha chhia a zawn tak mai dante mawlh hi!
Inrenchem tura a infuihna; toothpaste awh tawh loh, envelope leh ticket (stamp) leina neih loh vanga chhรปnga chanchin hrilh tawh loh, sahbawn sen hman ral rih loh mai, mahni inkhawngaih tawh loh tihte hi han chhiar teh! College aลฃanga hawn a huna hawna tur a neih loh laia, College enkawltu kohhranin an zinga chen ve an phal si loh dan, kawng awmchhun nia a hriat ticket tel lova rela chuan ve tawpa, in mantira Jail bang zuta Zoram lama hawn mai theih a inbeisei tak ngawt dan te, a tawpah Pathianin Zorama a hruai hawn dante hian thinlung a va khawih ngai รชm!
ลขawng hriat loh ngaisรขng lo ber, Pathianin Thlarau Thianghlim Baptisma kaltlanga a nun a thlak dan te, a zuk lawina ber Church of God lamin lehkha a zir zawha chhawr an tumna kawngah, Zoram lama kohhranin an lo mil loh dan, Synod Home Mission lama hna a va dil, ‘A, i thawh ve awm a awm lo’ tia an lo chhan dan leh, Pathian zawkin Hindi kaltlanga rawlbawlna lama a hruai tak dante hi a makin a ropui hle. Hnam dang zinga rawngbawltu hlawhtling ber a nih chhoh tak dante hi a ngaihnawmin a ropui mang e.
Chutah ATC lama B.Th a beih chhoh dan, sap ลฃawng kawi khat pawh thiam lova a hel nuai dan leh a hlawhtlin chhoh dan, pawl 3 chauh zir chhuakin BD Degree lai a neih tak hial hnua Pastawr a nih tak hlawl dante hi a makin, Pathianin mihringt e min hruaina kawng chhuk chhoh theihzia a va lang chiang รชm! Vai ramah Misawnari ni tura a chhuk thlak leh daih dan te, chung hmuna harsatna mak tak tak a tawh dan, a fate zirnain harsatna a tawh piahah a fanu a thih ลฃhelh dan te, mi sual tawpthรขng nena an inluhchhuah dante hi ngaihnawm loh tih a har mang tak e!
Lalpa hruaina zela Synod Mission Board Secy-a thlan a nih chhoh dan, a cancer natna Pathianin a tihdam dan, rinawm taka a rawng a bawl Pathianin a ensan lohzia, a fate hlawhtlinna kaltlanga chhiar tura a han pholangte hi a ropui thlawt a. Bawngkawna in leh lo a din dawna sipai nena an inhmachhawn dan te, a rawngbawlna chi hrang hrang a tarlante hian mi a va cho chiang รชm! Khawvel ram ropui US meuha thlawhnain an thlawh an fia fia dan, a pawisa ip a han tihbo hluai dan sawi tur a la tam mai.
A tawp lam lo hnaih ta ila. Rev Vanlalbela thil tawn zinga mak รชm รชm mai pakhat hi tarlan loh phal chi nia ka hriat loh vangin tarlang leh ta zawk ila. Chu thil chu Chandigarh lam mi, Sadhu James-a nena an intawn dan hi a ni. Vai puithiam anga inthuam niin, Himachal aลฃanga a lo hawn laiin Mizoram hun tawn tur inlรขrna a hmuh chungchang thu a ni a. Mizoram chungchang a ni tih chu chiang takin a hria a, mahse khawiah nge Mizoram a awm tih erawh a hre lo. Rev Bela hnenah heti hian lehkhathawn a ziak ta a.
Sept 2, 1998 Vision – Thla 5 liamtaah khan Lalpa Isua Krista rawngbawltu chhiahhlawh chuan inlรขrnaah hmuh a nei a. Mizoram leh a chhehvel State-te chu ramtiam zinga ram bung khat, Krista kum sรขng lal ram a la ni dawn tih a hmu a. Manali aลฃanga ka zin haw kawngah ka Lalpa Isua chuan he a chhiahhlawh hi inlรขrna min hmuhtir a. Ram thianghlim, mi thianghlim tam tak awmna ka hmu a, a kawng chuan ram thianghlim a chhun a, chu kawngah chuan mi thianghlim tam tak an vei suau suau a ni.
Kawng leh lam chuan Jentail-te ram chu phaizawl zau tak chu a daidang a, a chhiahhlawh hian ka lo thlir lawkna ram chu khawi lai ber nge tih ka hre lo. Mahse, a chhiahhlawh kalna tur chu Mizoram ngei a ni tih ka Lalpa hriattirna ka dawng ta a. (Kaitawi ta ila) Rev Vanlalbela nen hian mak takin an inhmu ta hlawl a. Mizoram hi Krista Isua hova kum sรขng lam ram rorรชlna hmun ram bung khat a nih tur thu a sawina a ni.
Aw le, he lehkhabu hi cheng 250 man chauh a ni a. Vai ram leh hnam dang mite zinga a hun tam zawk hmang chung si a, Zoลฃawnga thu sawi mai ni lo, a ziaha ziah pawh a lo thiam tawkzia hi sawi lang hram a ลฃulin ka hre bawk. Cheng 250 leka Pathian ropuizia, a mite a thlahthlam ngai lohzia, he ramah hian Pathian hriat Pastawr an la awmzia, ringtu dik tak an la tamzia, Pathianin a mite mal a sawm ลฃhinzia, kan ram min hmangaihzia, chhiar theih a ni mai hi, a hlu ngawih ngawih a. Nang pawhin he lehkhabu hi lo lei ve ngei ang che.
No comments:
Post a Comment