Nangmaha fel lohna, i hming chhiatna,
NgΓͺtin pangpΓ’r a tih vuaina ngei chu,
Thiam taka thup boin i vul ni le!
Lang thei duhawmnate'n i hliahkhuh a,
I nihnaa puhtu puhna che lΓ m,
Fak hla mawiah i chhuah tak Ε£hin hi le!
Nangmahah khawlohna chu nuamsain,
A tΓ’na i siam biakbΓ»kah chengin,
I duhawmnain i hliah bo hneh e!
Nimahsela, ka duh tak fimkhur rawh,
I pawn lam mawina i hman khawloh chuan,
Chem, a hriamna hloh ang mai i ni ang!
No comments:
Post a Comment