A na ka tihpui ngei

I chan ka dawnin na ka ti,
Chunnu tellova seilian tura duangtu che hian,
A dawn kimlo em ni zawk?
I phur a rit lua, ka tuar zo lo,
Mahse hmangaihna, khawngaihna,tawrhchhelna, dawhtheihna,
I tan khuannu pek che an ni si,
Zuapa leh unau tan i tha famkim thlawt i tawrh erawh ka hre si,
I mangan leh thlaphan rukna ka hai ngai lova.
Ka hmangaih ti zualtu an ni zawk!
Lenrual zingah nu chan pa chan i zirna,
Hrethiamlo mahse a kawng chhuk chho ka hai lo!
Ka duhna che ti zualtu mai an ni zawk,
Nang ang reng an piang leh tawh lovang,
Nang ang reng duh ka tawng tawh lo,ng,
I tawrhna leh rilru hahna zawng zawng lakkian ka chun leh zua ten an phal,
I tellova ka tleiloh an hai hek lo!
Fanu en a an en che i hai bik lo,
Ka D, i tello hian koki sahthlak ka tem,
A nat ka sawifiah thiam lul lo!
Mahse lendun rem mai si lo hi,
Ka tuar reng thei dawn em ni?
Fam Lal Zova ianga D ngaia fam zawng,
Ka zuam mawlh lo a ni!
Mahse Hnukte, lunglen hnem zo ka tawng mawlh lo,
A ruak ka thinlai, mawi leh ropui hual vel karah hian!