Nehemia 5:15 - “Nimahsela tun hmaa ram awptu, mite lakah an lo hautak hle mai a, mi tangka sekel sawmli tiam lovin an chhangte leh uainte an laksak thin a; chu mi ahnu hmanah an chhiahhlawhte chu mite chungah an intilal hle mai a: nimahsela kei zawngin Pathian tihna avângin chutiang chuan ka ti ve lo. 5:16 A ni, he mi kulh hnathawk hian ka awm reng a, ram rêng rêng lei pawh ka lei lo va: ka tlangvâlho zawng zawng pawh hna chu thawkin chutah chuan an awm khâwm reng bawk a ni”
Tuna kan ram hruaitute dinhmun dik tak chu a chunga kan tarlan tak Nehemia hunlaia Israel Roreltute ang hi a ni, phat rual a awmlo! Nehemia hunlai hian Israel te chu Juda leh Israel anga thendarha an awmlai a ni a. Persia lal Artazerzia hnuaiah Nehemia hi No Vawngtu (Cup Bearer) a ni a, Juda te khawpui chu Jerusalem a ni bawk. Nehemia hi Jerusalem siamthat hna thawk tura penchhuak, mi hratkhawkheng tak mai a ni.
Hetih hunlai hian tam a tla nasa hle a, chhungkuaa eitur leina neilo an tam em em lai a ni a, mi hausa hnenah pawisa an puk loh vek chuan mi tam takin an in leh lo an hralh a, chuti chung pawha eitur an neihloh fo chuan an fanu an fapate sal atan an hralh hial thin a ni! Chung harsatna an tawh mek te chu an zinga mi hausate leh roreltute leh an thuihhruai te chuan remchang lo la in pawisa siam nan mi retheite chu an hmang nasa lutuk a, chuvang chuan mi rethei thinrim authawm a ring ta tual tual a, Nehemia beng a lo thleng ta a ni.
Heng mi hausa kan tihte hi Roreltute leh an Thuihhruai (Officials) te an ni a, sum leh pai an neih belh theihna tur anih phawt chuan mi retheite hnenah pung tam tak, an rulh theih loh tur hial khawp a sang khawpin pawisa an puktir thin a. Nehemia chuan chung mite chu a hau ta a, hetiang an tih chhan hi Pathian an zahlohna leh Pathian thupek an awihloh vang a ni tiin. Chu zilhna chu dik an tih em avangin an ngawi ta reng a!
Nehemia chuan chung Roreltute hnenah chuan mirethei an lo tih retheihna belhchhahna zawng zawng titawp vek tur leh an in leh lo an laksak pelet leh tur te, an fate sal tanna atanga chhuah vek turin a ti ta a. Nehemia hi hruaitu ve tho a ni a, nimahsela, Pathian a zah avang leh a thu a awih avangin ti thei dinhmun a ding ve tho nimahse thilsual a ti duhlo tih a sawi lang a, chu chuan Hruaitu Ropui tak dinhmunah a hlangkai ta a, Bible-ah hial a chanchin a lo chuang ta a ni.
Kan ram dinhmun leh kan roreltute chetdan leh an thuihhruai (sorkar hnathawk telin) sakechekho chetdan leh Israel hruaitute chetdan hi kan tun dinhmun dik tak a ni ve mek a. Nehemia an an sualnate a hrilh hnuin a thu zawmin roreltute chu an awm ta kha a ni a. Kan Zoram-ah ve thung chuan vawitam tak kan roreltute diklohna tarlan leh haichhuahin awm thin mahse an ni zawng sim riltu tun thleng hian an la pu ve thei ta lo a nih hi!
Kan roreltu (hruaitu ni bawk) te hian a lang chuan Pathianni leh biakin-ah chuan Pathian an tih lutuk, mahse biakin an chhuahsan atang chiah hian Pathian tihna pakhatmah nei lovin an duhna puitlin an hreh ngai reng reng lo, mahse piangthar chu an inti deuh vek thung awm si! Hetih hunlai vek hian Sanbalata te an awm ve a, thil tha duh niawm takin a awm a, a rilru erawh a kha em em thung si! Jerusalem siamthat hnathawh mek tih thuanawp duhna rilru zawng zawng nen dawt hmangin Nehemia a bei ta hial a ni.
Sanbalata ang hian kan roreltute zingah vek hian Zoram hian hma a sawn palh ang a, mi rethei chawikan a lo awmin, mi chumchhia ten dinchhuahna kawng an rawn zawh ve ang tih hlau em em an awm teuh anih hi! Heng mite avang hian a ni kan ram hian hma reng reng a sawn theih loh. Thiltha duh niin an insawi a, a tihdan pawh an hria, mahse a tak takin engmah tihduh an nei leh si lo. Eirukna do dan leh tihtawp dan an hai lova, hmasawnna nena hnathawh dan pawh an hai bawk hek lo. Mahse an rilru a kha em em a, an pumpui thepna tura hmalakna reng reng neih an duh ngai lova ni!
Kan hruaitute hian mipui hma a an thusawina-ah Pathian hming lam chungin vawitam tak an sual thupnan hun anlo hmang ral tawh thin a, an la hmang mek bawk. An zingah hian Nehemia anga Pathian tih avanga thil tisual duhlo, mahni thiante leh thawhpuite ngei pawh an diklo anih chuan zilh hrehlo engtikah nge kan neih ve dawn? Tuna kan roreltute leh an thuihhruaite chetdan en hi chuan a tam zawk hian Pathian tihna pakhatmah an neilo reng reng tih hai rual a ni lo! Mahse Zoram hian siamthat a mamawh em em a, Nehemia ang a ram reng reng lei lo, a thuihruaite pawh an pu ber hnathawhna bula awm reng mihring, rilru tak taka Pathian tihmi thlan tur nakum Assembly-ah hian an awm ang em?
Pu Hawl, Pu Zoram, Pu Duhawm, Lalpa tih chu sual kalsan a ni si a, a va Pathian thu em!
Tuna kan ram hruaitute dinhmun dik tak chu a chunga kan tarlan tak Nehemia hunlaia Israel Roreltute ang hi a ni, phat rual a awmlo! Nehemia hunlai hian Israel te chu Juda leh Israel anga thendarha an awmlai a ni a. Persia lal Artazerzia hnuaiah Nehemia hi No Vawngtu (Cup Bearer) a ni a, Juda te khawpui chu Jerusalem a ni bawk. Nehemia hi Jerusalem siamthat hna thawk tura penchhuak, mi hratkhawkheng tak mai a ni.
Hetih hunlai hian tam a tla nasa hle a, chhungkuaa eitur leina neilo an tam em em lai a ni a, mi hausa hnenah pawisa an puk loh vek chuan mi tam takin an in leh lo an hralh a, chuti chung pawha eitur an neihloh fo chuan an fanu an fapate sal atan an hralh hial thin a ni! Chung harsatna an tawh mek te chu an zinga mi hausate leh roreltute leh an thuihhruai te chuan remchang lo la in pawisa siam nan mi retheite chu an hmang nasa lutuk a, chuvang chuan mi rethei thinrim authawm a ring ta tual tual a, Nehemia beng a lo thleng ta a ni.
Heng mi hausa kan tihte hi Roreltute leh an Thuihhruai (Officials) te an ni a, sum leh pai an neih belh theihna tur anih phawt chuan mi retheite hnenah pung tam tak, an rulh theih loh tur hial khawp a sang khawpin pawisa an puktir thin a. Nehemia chuan chung mite chu a hau ta a, hetiang an tih chhan hi Pathian an zahlohna leh Pathian thupek an awihloh vang a ni tiin. Chu zilhna chu dik an tih em avangin an ngawi ta reng a!
Nehemia chuan chung Roreltute hnenah chuan mirethei an lo tih retheihna belhchhahna zawng zawng titawp vek tur leh an in leh lo an laksak pelet leh tur te, an fate sal tanna atanga chhuah vek turin a ti ta a. Nehemia hi hruaitu ve tho a ni a, nimahsela, Pathian a zah avang leh a thu a awih avangin ti thei dinhmun a ding ve tho nimahse thilsual a ti duhlo tih a sawi lang a, chu chuan Hruaitu Ropui tak dinhmunah a hlangkai ta a, Bible-ah hial a chanchin a lo chuang ta a ni.
Kan ram dinhmun leh kan roreltute chetdan leh an thuihhruai (sorkar hnathawk telin) sakechekho chetdan leh Israel hruaitute chetdan hi kan tun dinhmun dik tak a ni ve mek a. Nehemia an an sualnate a hrilh hnuin a thu zawmin roreltute chu an awm ta kha a ni a. Kan Zoram-ah ve thung chuan vawitam tak kan roreltute diklohna tarlan leh haichhuahin awm thin mahse an ni zawng sim riltu tun thleng hian an la pu ve thei ta lo a nih hi!
Kan roreltu (hruaitu ni bawk) te hian a lang chuan Pathianni leh biakin-ah chuan Pathian an tih lutuk, mahse biakin an chhuahsan atang chiah hian Pathian tihna pakhatmah nei lovin an duhna puitlin an hreh ngai reng reng lo, mahse piangthar chu an inti deuh vek thung awm si! Hetih hunlai vek hian Sanbalata te an awm ve a, thil tha duh niawm takin a awm a, a rilru erawh a kha em em thung si! Jerusalem siamthat hnathawh mek tih thuanawp duhna rilru zawng zawng nen dawt hmangin Nehemia a bei ta hial a ni.
Sanbalata ang hian kan roreltute zingah vek hian Zoram hian hma a sawn palh ang a, mi rethei chawikan a lo awmin, mi chumchhia ten dinchhuahna kawng an rawn zawh ve ang tih hlau em em an awm teuh anih hi! Heng mite avang hian a ni kan ram hian hma reng reng a sawn theih loh. Thiltha duh niin an insawi a, a tihdan pawh an hria, mahse a tak takin engmah tihduh an nei leh si lo. Eirukna do dan leh tihtawp dan an hai lova, hmasawnna nena hnathawh dan pawh an hai bawk hek lo. Mahse an rilru a kha em em a, an pumpui thepna tura hmalakna reng reng neih an duh ngai lova ni!
Kan hruaitute hian mipui hma a an thusawina-ah Pathian hming lam chungin vawitam tak an sual thupnan hun anlo hmang ral tawh thin a, an la hmang mek bawk. An zingah hian Nehemia anga Pathian tih avanga thil tisual duhlo, mahni thiante leh thawhpuite ngei pawh an diklo anih chuan zilh hrehlo engtikah nge kan neih ve dawn? Tuna kan roreltute leh an thuihhruaite chetdan en hi chuan a tam zawk hian Pathian tihna pakhatmah an neilo reng reng tih hai rual a ni lo! Mahse Zoram hian siamthat a mamawh em em a, Nehemia ang a ram reng reng lei lo, a thuihruaite pawh an pu ber hnathawhna bula awm reng mihring, rilru tak taka Pathian tihmi thlan tur nakum Assembly-ah hian an awm ang em?
Pu Hawl, Pu Zoram, Pu Duhawm, Lalpa tih chu sual kalsan a ni si a, a va Pathian thu em!
No comments:
Post a Comment