Hmangaihna Thuk Zawng Teh Chi Em Ni?

Thinlung luangliamin a vei chu engtin nge ka teh ang?
Kil tin kil tang so liam chu eng hmanruain nge ka teh dawn?
Duhthusam fiah taka tehna ka bithliah thiam ang maw?
Hmangaihna thuk zawng tehfung a awm reng em ni?

Enteh, ka hmangaihna che tehfung min zawt maw?
Dawt thu mai chuan ka chhang lovang che.

Mahse...............................................

Tuifinriat thuk zawng an teh tawh em ni?
Vansan zawng pawh an hre tawh em ni?
Ni khat chhungin vawi engzat nge ka dawn lungruk thin che a,
Zing daifim engzat fakauvin nge rose par a far thin?

Kawlvalencham i tuanna tlang thleng turin,
Hringnun ke chheh engtia thui nge ka pen ngam?
Chawngmawii leh Hrangchhuana in D na kar engtia thui nge?
Nang thenna biahthu lo thleng ta sela,
Chhing mittui engzat fakau nge far ang ni?

Tuifinriat thuk zawng ka hriat lohva,
Van sanzia ka chhui phak lo ang hi a ni.

Nang ka hmangaihna che hi, Bahhnukte!