Mihring hi Beiseina avang chauha hmalam pana kal a, harsat manganna kar pawha chuai mai lova parvul ve tlat thin a ni a. Mihring taka a beih tak tlauh tlauhah chuan a tawpah a beiseina ngei chu tihhlawhtlinin a lo awm ve mai bawk thin. Mahsela, chumi zui ziah chu thil dang beiseina bawk a ni a, tawpchin nei lo beiseina a ni a, hlimna leh thlamuanna tak tak pawh mihring nunah hian a awm ta lo em ni tih hial tur a ni fo reng a ni. Chutih lai reng chuan hnah hlui an lo til a, hnah thar an chawrno tiam tiam a, khawvel reng a danglam chak mai.
Thlahtute sulhnu chhui a buai reng reng te, thangtharte tana kawngsial a hmanhlel reng reng te, mahni chhungkaw khawsak ngaihtuah a buai em em te, khawtlang leh ram tan tia theihtawp chhuah te, rilru leh taksa nawmna tinreng ngaihtuah thin te nen kan luahza he khawvel hian engchen tak daih ang maw tiin ka ngaihtuah a ni.
Mihring nih ve hi zawngin beisei leh lairil fantu thil an awm thin. Naupan, tleirawl, puitlin, upat leh tar beisei leh lunglai luahtu thil hi han inang ta thup mai sela, a inchuktuahrem hauhvin a rinawm loh. Chutiang a siam kan nih loh zia chu zing thawh phat atang hian a lang chhuak thin a, kan duhzawng leh chak zawng in anglo tak tak, kan lairil fantu leh chanpual hrang hrang tiin kan phe suau suau thin anih hi!
Mihring chuan, ngaihzawng, rosum, hausak nawmna, in leh lo, hmuhtheih ropuina, thian, hriselna tha etc te hi kan nuna kan zawn anih tlat avangin heng ang neih tuma tlante hi kan dem ngawt thiang dawn em ni? Heng mite hi han dem ngawt teh, anni anga i che chhuak anih si loh chuan hreawmna leh harsatna i tawk ang a, hringnun nuamsain i hmang hauh dawn si lo. Rethei pachhia tan dinchhuah a theih lohva, taimakna kawngah Eirute tluklo hian nawmsak reng a tawng ngai lo!
Anih leh dikna, rinawmna leh hmangaihna hmachhuante chan pawh enge anih bik a? An damchhung tawite a mi huat zawng tih leh midangte tana malsawmna niha an boral hnua fak an hlawh hi a thlakhlehawm kan ti em ni? Chuti si anmahni ang kan va tam lua lo ve! Kan ngaihsan zawng a dang a, thil tha nia kan hriat pawh a in ang chuang lova, midangte tana nun kan tih pawh a in ang chuang hek lo. Dikna hmachhuan tam apiang tan thawipikna a lo thleng a ni zawk si a!
Khawvel thil tak pawn ngaihtuah chiana nun hmang tha nih hi enge a hlawkna bik chuang? Ram leh Hnam, mimal leh mipui tana hun hmanral pawh enge a hlawkna? Hlimna reilote min pek hi maw? Chu hlimna tawite chu tuman an thlakhlelh loh laia a a fal lo ni tan chuan Hringnunah hian hmachhuan tur a nei tam ngai lova, a bet tlawk tlawk zawk thin a, chu chu tuman an awt love!
Heng ang kan tiha beiseina kan neih hi mahni leh mahni mihringpuite damlai veka tawp a ni mai lovem ni? Enge kan beisei chu ni ta ber? Va ho riaua hriatna i nei lo maw? I thih leh i dam inkarah hian thil tam tak a inphum a, tarlanin an awm bawk thin. Mahni tu leh fate tana thawh chiam pawh kan thih hnuah eng an an chuan si loh avangin awmze neilo thawhrimna leh beiseina thamral an ni zawk a ni lovem ni? Ni, khawvel hian beiseina tam tak min pe mahse, an tawpna en hian beisei chak tur an nihna lai ka va hmu lo ve? Thamral riai riai a, bo hlen ta thin beiseina hian innghahfakna min thlen si loh chuan kan tih, kan thawh, kan beih, kan lungngaih lawmna zawng pawh engmah lo mai an lo ni e!
Anih Chatuan Beiseina chungchangah hian sawi tur kan nei ve dawn em? Khawvel beiseina kan sawi hi Pathian laka kan beiseina nen chuan tehkhin rual a ni dawn em ni? He leia beiseina zawng fam chan ni a thamral mai, Vanlam beiseina erawh nakin lawka kan nawmna tur thil a lo ni zawk a. Nakin lawka kan thlamuan famkimna tur a lo ni zawk. Chuvang chuan Vanlam beiseina neilo tan he leia inchhekarbawm leh midangte tana thil tha tih kawnga theihtawp an chhuah thin hi a lo mak hran love! Chu chu mihring lo piang tawh zawng zawngin an tihmakmawh a ni si a.
Thlahtute sulhnu chhui a buai reng reng te, thangtharte tana kawngsial a hmanhlel reng reng te, mahni chhungkaw khawsak ngaihtuah a buai em em te, khawtlang leh ram tan tia theihtawp chhuah te, rilru leh taksa nawmna tinreng ngaihtuah thin te nen kan luahza he khawvel hian engchen tak daih ang maw tiin ka ngaihtuah a ni.
Mihring nih ve hi zawngin beisei leh lairil fantu thil an awm thin. Naupan, tleirawl, puitlin, upat leh tar beisei leh lunglai luahtu thil hi han inang ta thup mai sela, a inchuktuahrem hauhvin a rinawm loh. Chutiang a siam kan nih loh zia chu zing thawh phat atang hian a lang chhuak thin a, kan duhzawng leh chak zawng in anglo tak tak, kan lairil fantu leh chanpual hrang hrang tiin kan phe suau suau thin anih hi!
Mihring chuan, ngaihzawng, rosum, hausak nawmna, in leh lo, hmuhtheih ropuina, thian, hriselna tha etc te hi kan nuna kan zawn anih tlat avangin heng ang neih tuma tlante hi kan dem ngawt thiang dawn em ni? Heng mite hi han dem ngawt teh, anni anga i che chhuak anih si loh chuan hreawmna leh harsatna i tawk ang a, hringnun nuamsain i hmang hauh dawn si lo. Rethei pachhia tan dinchhuah a theih lohva, taimakna kawngah Eirute tluklo hian nawmsak reng a tawng ngai lo!
Anih leh dikna, rinawmna leh hmangaihna hmachhuante chan pawh enge anih bik a? An damchhung tawite a mi huat zawng tih leh midangte tana malsawmna niha an boral hnua fak an hlawh hi a thlakhlehawm kan ti em ni? Chuti si anmahni ang kan va tam lua lo ve! Kan ngaihsan zawng a dang a, thil tha nia kan hriat pawh a in ang chuang lova, midangte tana nun kan tih pawh a in ang chuang hek lo. Dikna hmachhuan tam apiang tan thawipikna a lo thleng a ni zawk si a!
Khawvel thil tak pawn ngaihtuah chiana nun hmang tha nih hi enge a hlawkna bik chuang? Ram leh Hnam, mimal leh mipui tana hun hmanral pawh enge a hlawkna? Hlimna reilote min pek hi maw? Chu hlimna tawite chu tuman an thlakhlelh loh laia a a fal lo ni tan chuan Hringnunah hian hmachhuan tur a nei tam ngai lova, a bet tlawk tlawk zawk thin a, chu chu tuman an awt love!
Heng ang kan tiha beiseina kan neih hi mahni leh mahni mihringpuite damlai veka tawp a ni mai lovem ni? Enge kan beisei chu ni ta ber? Va ho riaua hriatna i nei lo maw? I thih leh i dam inkarah hian thil tam tak a inphum a, tarlanin an awm bawk thin. Mahni tu leh fate tana thawh chiam pawh kan thih hnuah eng an an chuan si loh avangin awmze neilo thawhrimna leh beiseina thamral an ni zawk a ni lovem ni? Ni, khawvel hian beiseina tam tak min pe mahse, an tawpna en hian beisei chak tur an nihna lai ka va hmu lo ve? Thamral riai riai a, bo hlen ta thin beiseina hian innghahfakna min thlen si loh chuan kan tih, kan thawh, kan beih, kan lungngaih lawmna zawng pawh engmah lo mai an lo ni e!
Anih Chatuan Beiseina chungchangah hian sawi tur kan nei ve dawn em? Khawvel beiseina kan sawi hi Pathian laka kan beiseina nen chuan tehkhin rual a ni dawn em ni? He leia beiseina zawng fam chan ni a thamral mai, Vanlam beiseina erawh nakin lawka kan nawmna tur thil a lo ni zawk a. Nakin lawka kan thlamuan famkimna tur a lo ni zawk. Chuvang chuan Vanlam beiseina neilo tan he leia inchhekarbawm leh midangte tana thil tha tih kawnga theihtawp an chhuah thin hi a lo mak hran love! Chu chu mihring lo piang tawh zawng zawngin an tihmakmawh a ni si a.
No comments:
Post a Comment