Champhai thleng tur hian Lunglei atang chuan khaw tam em em kaltlang a ngai a, Sumo pawha darkar 12 chuang (chuan fuhloh tum phei chuan darkar 14 chuang!) kan kal vang ngaihna hmun anih miau avangin taksa peng pakhat, mawng ber hian Champhai thlen meuh chuan a awmdan tur a theihnghilh a, thluak lamah suangtuahna mak pui pui a rawn tirlut zut zut tawh thin. Hmar lam tlangdung hian Chhim tlangdung hi mawina zawngah te, lung tileng zawngah te, ramngaw that zawngah te hian a lo khum hle mai a lo ni a, chuvang chuan a lawm, tum loh tak taka kan luanliam tak chiam chiam nachhan thin pakhat chu! Mahse lunglen lam biahthu zawng, Tebiaka te, Gilbert-a te, David-a te, Richard-a te, MZP ho te, Lalsi-i leh Pi Zomawii (lawm leh pek lovang) thleng hian, an tan Darbenthek ri mai mai zawng a lo chang thin a, chuvang chuan an lunglen ve nate hi kei zawng ka pawl phakloh thlarau hnathawh a ni ta ve thin ang!
Hun reilote chhung ka rawn hawng a, hawn kawnga ka phone call lo kalte lah chuan Lunglei pa emaw min lo la tih tlat avangin tihtur min han tuk ngawt dawn a, a rem tawh loh thu ka han fah ta zek anih ber kha! Prism hruaitu thlan ka rawn kaihruai thei hram erawh ka lawmna a ni ve a, anni hi Lunglei mipuite khan lo tawiawm tha ula, tute emaw tana hnawksak an nih ngei theih nan lo pui ve ang che u. Lunglei ti lungleitu, Chhumpui zing mup hnuaiah zawng lung pawh a zing duh khawp mai a lo ni a. Kan chanchin hriatve te tah chu chhungkaw pa ber hlate khuaa thawn thute a han ni ta dah a, lung zawng a zing chhah zual duh khawp mai. Ngawih hi thiam zawng ka thiam a lawm, mahse diklo taka che duh leh thuneihna lo chan ve tak mial a zara pawr thar ta em em ang chi laka ngawih reng hi zawng Uisa leh Chingit hmeh kawp inremloh tluk zeta inremlo a ni a, lo ngawi la, ka hriat hunah zawng tunhma ang kha chu ka ni mawlh tawh lovang!
Hringnunah hi rah pelh a lo awl a, thil tha tih kawngah lek phei chuan humsual dai a awl zual thin. Chutiang ang hun harsa paltlang changa fuihna thu chhakchhuak mihringte hi ngaihhlut fo tur an ni a, chutih laia kut zungte pawh la phut ngai lo mihring tena sawiselna leh hmuhsitna an lo chhakchhuak ve hi zawng, men-a thlak kual liam mai mai atan leh khawilai upui riltlam chilthli far duah duah, dawhkan kil laia sa them tla chang ang leka ngaih mai mai tur zawng an lo ni chiang e! Ui pawh hian sahrang tla a chhar chang chuan inti thei takin a pu vu vu a, hmun dangah amah chauhin a ei daih zel a nia! Chutiang ang pu nei pawh chuan mahni bak chaw an inkhawrh mawh hle a, lanmawi erawh an tum thin. Pu tha dawhkhan a satla chhar ui awmna in a awm ngai lova, uicho mai mai pawn mahni chaw eina tur hmun a nei hrang thlap zel a nia.
Ti daih ila, hmanni lawk khan a ni awm e, DC Office-ah thil pawimawh tiin thiante an han kal a, form fill-up tur a lo awm a. Tah chuan kan thupui ang khian nu leh pa hming fill-up na tur a lo awm ta a. Sorkar atang hian nu leh pa hming ngei ngeia fill-up tur tihna Thupek a chhuah awm reng reng ka la hre hauh lo tih kan tarlang hmasa lawk duh bawk. Ka thiante zinga mi pawh a nu leh pa an innei lo tih kan hre vek a, a Nu zawkin a enkawl seilen anih avangin thil reng rengah a pa hming a hmang ngai lo. A duhthlanna a thu a ni a, chu chu kan official pawh hian lo pawm ve mai awm a nih laiin thil tullo tak tak thlengin a lo zawt chiam a, rilru na takin ka thiannu hi a awm phah hial a ni.
Sorkar Official te pawn hei hi hre thar leh ang u, mawl takin i khawsa fo lo teh ang u tih hi! Hringnun harsatna i temloh avang mai khan midang nunah thil thleng a awm thin tih hai rual in ni lova, nupa kara harsatna avanga faten an tawrhna pawh hrethiam tura ngaih in ni. An nu emaw an Pate hming tarlan loh an nei anih chuan chhan a awmah ngai mai la, mi fel i ni mai dawn a ni. Chuti ni lova, i dul puar tha tak mil si lova thu i lo zawt chik chhen anih chuan Officer dulkiar mawl nih kha i hlawh mai tur a ni reng a ni. Dulkiar luah tawh chin zawng, Officer tura ngaih chin kan nei tlat tawh a, kei pawh hi min lo hua anih chuan Dulkiar Officer huatthuchhia i ni leh mai dawn a ni.
Mipui dawr tura Sorkarin sum leh pai tam tak senga a rawih thenkhat hi chuan mipui rawng in bawllo tih kan hai lova, Lunglei khawchhuanga Officer zawng zawng erawh faktlak in nih a, chawimawi tlaka hna in thawh theuh ka han duhsak ve che u a, chutiang taka in awm anih chuan Pu Lalkima, EE, PWD, Champhai pa ang mai hian, mipui a khawchhung a mite hian an ngaihlu ve tawh ang che u a, in harsat leh buaina karah pawh, CM hma meuhah pawh mipuiten in ai an awh ve tawh ang a, in hma-ah in sawi ngai lovin an din sak ve zat zat tawh mai ang che u! Anih loh chuan transfer hrat tak tak a te hian an transfer ve mai thei che u a sin!
Hun reilote chhung ka rawn hawng a, hawn kawnga ka phone call lo kalte lah chuan Lunglei pa emaw min lo la tih tlat avangin tihtur min han tuk ngawt dawn a, a rem tawh loh thu ka han fah ta zek anih ber kha! Prism hruaitu thlan ka rawn kaihruai thei hram erawh ka lawmna a ni ve a, anni hi Lunglei mipuite khan lo tawiawm tha ula, tute emaw tana hnawksak an nih ngei theih nan lo pui ve ang che u. Lunglei ti lungleitu, Chhumpui zing mup hnuaiah zawng lung pawh a zing duh khawp mai a lo ni a. Kan chanchin hriatve te tah chu chhungkaw pa ber hlate khuaa thawn thute a han ni ta dah a, lung zawng a zing chhah zual duh khawp mai. Ngawih hi thiam zawng ka thiam a lawm, mahse diklo taka che duh leh thuneihna lo chan ve tak mial a zara pawr thar ta em em ang chi laka ngawih reng hi zawng Uisa leh Chingit hmeh kawp inremloh tluk zeta inremlo a ni a, lo ngawi la, ka hriat hunah zawng tunhma ang kha chu ka ni mawlh tawh lovang!
Hringnunah hi rah pelh a lo awl a, thil tha tih kawngah lek phei chuan humsual dai a awl zual thin. Chutiang ang hun harsa paltlang changa fuihna thu chhakchhuak mihringte hi ngaihhlut fo tur an ni a, chutih laia kut zungte pawh la phut ngai lo mihring tena sawiselna leh hmuhsitna an lo chhakchhuak ve hi zawng, men-a thlak kual liam mai mai atan leh khawilai upui riltlam chilthli far duah duah, dawhkan kil laia sa them tla chang ang leka ngaih mai mai tur zawng an lo ni chiang e! Ui pawh hian sahrang tla a chhar chang chuan inti thei takin a pu vu vu a, hmun dangah amah chauhin a ei daih zel a nia! Chutiang ang pu nei pawh chuan mahni bak chaw an inkhawrh mawh hle a, lanmawi erawh an tum thin. Pu tha dawhkhan a satla chhar ui awmna in a awm ngai lova, uicho mai mai pawn mahni chaw eina tur hmun a nei hrang thlap zel a nia.
Ti daih ila, hmanni lawk khan a ni awm e, DC Office-ah thil pawimawh tiin thiante an han kal a, form fill-up tur a lo awm a. Tah chuan kan thupui ang khian nu leh pa hming fill-up na tur a lo awm ta a. Sorkar atang hian nu leh pa hming ngei ngeia fill-up tur tihna Thupek a chhuah awm reng reng ka la hre hauh lo tih kan tarlang hmasa lawk duh bawk. Ka thiante zinga mi pawh a nu leh pa an innei lo tih kan hre vek a, a Nu zawkin a enkawl seilen anih avangin thil reng rengah a pa hming a hmang ngai lo. A duhthlanna a thu a ni a, chu chu kan official pawh hian lo pawm ve mai awm a nih laiin thil tullo tak tak thlengin a lo zawt chiam a, rilru na takin ka thiannu hi a awm phah hial a ni.
Sorkar Official te pawn hei hi hre thar leh ang u, mawl takin i khawsa fo lo teh ang u tih hi! Hringnun harsatna i temloh avang mai khan midang nunah thil thleng a awm thin tih hai rual in ni lova, nupa kara harsatna avanga faten an tawrhna pawh hrethiam tura ngaih in ni. An nu emaw an Pate hming tarlan loh an nei anih chuan chhan a awmah ngai mai la, mi fel i ni mai dawn a ni. Chuti ni lova, i dul puar tha tak mil si lova thu i lo zawt chik chhen anih chuan Officer dulkiar mawl nih kha i hlawh mai tur a ni reng a ni. Dulkiar luah tawh chin zawng, Officer tura ngaih chin kan nei tlat tawh a, kei pawh hi min lo hua anih chuan Dulkiar Officer huatthuchhia i ni leh mai dawn a ni.
Mipui dawr tura Sorkarin sum leh pai tam tak senga a rawih thenkhat hi chuan mipui rawng in bawllo tih kan hai lova, Lunglei khawchhuanga Officer zawng zawng erawh faktlak in nih a, chawimawi tlaka hna in thawh theuh ka han duhsak ve che u a, chutiang taka in awm anih chuan Pu Lalkima, EE, PWD, Champhai pa ang mai hian, mipui a khawchhung a mite hian an ngaihlu ve tawh ang che u a, in harsat leh buaina karah pawh, CM hma meuhah pawh mipuiten in ai an awh ve tawh ang a, in hma-ah in sawi ngai lovin an din sak ve zat zat tawh mai ang che u! Anih loh chuan transfer hrat tak tak a te hian an transfer ve mai thei che u a sin!
No comments:
Post a Comment