Mi rawn tamna chi a ni lova, mahni a phak ang tawk tawka chhui keuh keuh chi thil anih avangin mimal hming leh veng ang pawn chiang takin thil engmah kan tarlang lovang. Mahse tuemaw chuan he khehpuam chungchang hi an ziah a hun tawh a, chuvang chuan midangte pawn an la rawn ziah tho ka beisei avangin ka hriat ang ang ka han tarlang dawn a ni. Pseudophedrine tawlhrukna hi hun rei tawh tak atanga lo intan daih tawh a ni a, a ti hmasatute hian engtin chiah nge tawlhruk nachang an hriat tih chu hriatchian theih nilo mahsela, ngaihtuahna rawn luanchhuahna hmun chu ruihhlo siam nachang hria, Burma ram mi leh sate nena inhnamhnawihna lo nei tawhte atang bakin a ni thei lo reng reng a. Anni sawihmuhna atanga he ruihhlo tawlhrukna hi lo intan ni ngeiin a lang. A tirah chung mite chu mi hausa sa an ni hauhlo bawk. Hun rei tak chhung ruihtheihthil chi hrang hrang lo zuar ve tawh an ni zawk a, chuta tanga kangkai ta chu a ni.
Delhi hmunah khuan Pseudophedrine hi an lei ber a, Strip khatah hian mum 10 a awm a, tunhma kha chuan Rs 8/- in an lei thin a. Tunah erawh hi chuan khulam pang pawh an fing tawh a, Strip khat hi Rs 12/- in an hralh mek a ni. Mizoramah hian Strip anga rawn ken a hlawkloh avang leh ken tam a har em avangin an kheh lawk vek zel a, Khehpuam tiin a lo thang ta chiam anih hi! Tichuan Burma ramah Mum 1 hi Rs 8/- huin an hralh chhawng ve leh ta a. Burma lamte hian a Kg lo chuan an lei ngai lova, Excise lam ka zawh chianna-ah chuan Kg-1 ah hian mum 6000 a awm an ti a. Chuti a lo nih chuan Kg-1 hi Rs 48,000/- man a lo ni a, chu chu Strip 600 ang a lo ni ta a. Strip 600 man chu Rs 7200/- a lo ni a, Rs 40,000/- chuang an hlep ta phawt a ni.
Mahse, heng ruihhlo tawlh thinte hian tih thin pakhat an neih leh chu Thamna pek an ching leh ta a ni. Kalkawng tluanah engtin nge man tawk miah lova an rawn kaltlang par par theih tak kan tih chuan Check Gate-a an tlang par par theihna turin Official thamna an pe thin a, thamna an pek zat hi inang chiahlo mahse, nuai hnih khata vawm mai mai an pawisa lovin sawi tur an hre em em zawk a ni. Pawisa fai hi anmahni-ah hian a nuai tel an ak reng ang a ngaih a ni, man an tawh pawh hian Thamna hmanga intlanchhuah an tum hram hram thin a, Official rinawmna neilo chu an hausa thut thut zel reng a ni. Man an tawh hnu hi chuan anmahni leh anmahni an inpuang zut zut tawh thin a, an thiante motor hman number thleng hian Officialte an hrilh zung zung hreh hauh lo. Mahse chuti chung chuan man tawk miahlo an awm thin si hi eng dang vang mah a ni lo. Official tham theih an awm teuh vang a ni tih hi Mizoram Sorkar hian hrechiang hle rawh se.
Bank lam kaihhnawiha thawk kan ni bawk a, Zokhawthar leh Champhai chiah ka la hrechiang a, mahse sum lengvel lian lutuk tak mai hi Mizoram State Matching Share leh Budget atang leh Distrcit Wise Allocation atanga ka chhutin a awm tur aia tam a awm tih hi ka chiang em em a ni! Mimal hminga Khehpuama inhnamhnawih nia an sawi ho sawichhawn tur pawh tunah chuan ka hre nual tawh bawk! Sumdawnna hmunpui pakhat zawng a ni ngei mai a, mahse sumdawnna boruaka sum lengvel hi keini aia hrechiang an awm bik chuang lovang. Chuvang chuan heng sumdawnna leh Sorkar Pawisa phenah hian pawisa tam tham tak a lengvel tih hi hairual a ni lo. Sandalwood chungchang kan la sawilo mah mah zawk a ni a, chuvang chuan kan ngaihtuahna kha han seng kual vel tak tak teh u.
Anih leh mi thenkhat, mi rethei ve tak tak nia langte hian engtin nge vawilehkhatah Pseudophedrine hi tam tham tak, a nuai tel tel man an zuk lei theih tak tlat mai? Anni phenah hian mihring an awm a, chung mite chuan nuai khat te, nuai 5 te, a aia tam te an thawh thin a lo ni a. Chuvang chuan chung mite chu an mi tirh ten man tawk mahsela, khawih thianglo ang maiin an chungah engmah a thleng ve ngai tlat lo! Mahse chung mite chu an awm ngei tih tawngkain dawng mah ila, proof awm pakhat chu an in leh lo leh an lirthei neihdan atangin a chiang em em tih ka hria! Sorkar hnathawh emaw sumdawnna lian nei hauh si lo, mahse vawilehkhata inhmun lo ram lian leh tha tak tak lei pawp pawp thei, motor leh bike chhuak thar ber ber nen lama lei thei, an inkawta Official motor inhung hmuh tur awm zut si an awm atang hian hei pawh hi a chiang em em a ni.
Mak leh em em pakhat chu hei hi a ni. Tumah an tangrei hman ngai tlat lo! Bus chung zawng zawng khat tlat a Damdawi phur an man pawh nise, a tang rei thei chuang lo! Thla 6 an tang anih chuan a tang rei pawl tak an ni tlangpui a, mahse hei hi chu Dan lam thil a ni tawh a, Sorkar hian Dan a siamtha anih ngawt loh chuan Bailable Case ang anih avang hian leh na taka nawrna a awmloh avang leh heng mite hian pawisa an neih tlat si avangin an tang rei hman lo a ni ber. Thamna la hrehlo Official an awmchhung chuan he damdawi hi a rem dawn lo phawt a. He sumdawn hlawkna hi chhut chah anih hma chuan a titu tana Addict theih anih tlat avangin a bo mai mai bawk hek lovang. Sum leh pai awlsam taka neih hi mi tam tak tan chuan thlemna a zawng a thlemna hautak ber anih tlat avangin tawngpawng indem ngawt chi a ni bawk hek lo. Heng mite man chhuah an har loh lehna pakhat chu an sum leh paite hi Bank-ah an Deposit ve ngai mang lova, a chhan chu hlauh an neih avang a ni. Chuti anih chuan inlamah pawisa an kawl teuh tihna a ni a, Warrant nena manchhuah an har em em lo tawp ang tih a rin theih.
Inhnamhnawih lian tak tak te, manchhuah mai mai loh tur leh a tawlhrutute fin leh em em na pakhat chu an thil neih Khawtlang leh Kohhran tan an ui tlat lo hi a ni. Champhai Kohhran pakhatah chuan thlatin thawhlawm an chhiar a, thawhlawm ip pakhat, thawhlawm ip pangngai ni lovah chuan Rs 200,000/- a lo awm tawp mai a, tu thawh nge tih hriat rual ni lo mahse a lo kalna awm chu a rin hriat theih lutuk tlat! Chutiang chiah chuan Khawtlang thiltih a awm a motor thawh thei thei leh ui hauh lo tute an nih tlat avangin Khawtlang tan pawh enhran mai chu harsa tak an ni tlat a ni. Dik tak chuan mi tam zawk hian an awt letling hial niin a lang. Mahse he damdawi kheh avanga in leh lo zawng zawng chan a, neih engkim hloh an awm tan ta bawk. Chu chu Bible-in a sawi anih avangin an chungah hian engtikah emaw chuan a thleng dawn tho tho tih an hre lo a ni.
Metamphetamine hlauhawmzia hi thangtharte tan han tarlang lawk teh ang. Vawikhat tihah darkar 12 chuang an ruih theih avangin a ruih a man em em a, vawikhat tih tawh vaih chuan a zunah an uai tlangpui bawk a. Kum 20-30 inkar vela upate hian an han tih tak tak chuan pitar putar hmel an pu bawih tawh a, an ha a balin a bal nasa a, an cher em em a, dam ni leh nuam tih ni hmel an hmu ngai tawh lo reng reng ang a ni. Sap ho Rehab changkang ber bera lutte pawn kum khat chuang an nghei hnuah pawh nitin he ruihhlo bawihah hian an la tang reng tih an pha lova, nitin hian tih leh an chak em em reng mai a ni. Chutiang chiah chuan vawikhat lo inkheh vir laklawh tawh chuan khehpuam nawn leh hi an chak em em a ni! Ruihhlo dang a ang ve lova, thih thut thut a awlsam em em bawk a, mitvai an ching a, hmuh an nei fova, thil tih awmloh tih ngai tlata hriatna an thinlungah a awm a, chu chuan thihna hmunah mi tam tak a hruai thleng tawh a ni.
Chuvang chuan a ni Khehpuamtute u, in ngaihtuah chiang rawh u. In thiltih hi nakin lawkah chuan a rah sengtu turte chu tudang ni lovin i tu leh fate an la ni dawn a, chutih hunah chuan a damdawi a awm tawh lovang. Kan pawisa neih leh rosum hi enga tan mah a ni dawn lo. Chuvang chuan a ni Sorkar hi in ngaihtuah harh se ka tih ni. Tham theihloh tih hriat chian chin bak chu Border-ah hian Duty tir lo sela, Posting ti bawk hek suh se. Official hmingchhia a hrem thenkhat te an awm tawh, mahse man chhuahloh an la kat nuk mai. Zoram thalai te tana German Footballer kan chah chhuah mek lai hian Mizo Football khel mi tlemte let engemawzatte hi hmun hlauhawmah an ding mek a, chunglam hawi chuan hmalak a hun tawh zawk a ni. Engtin nge ni ta ang le?
Delhi hmunah khuan Pseudophedrine hi an lei ber a, Strip khatah hian mum 10 a awm a, tunhma kha chuan Rs 8/- in an lei thin a. Tunah erawh hi chuan khulam pang pawh an fing tawh a, Strip khat hi Rs 12/- in an hralh mek a ni. Mizoramah hian Strip anga rawn ken a hlawkloh avang leh ken tam a har em avangin an kheh lawk vek zel a, Khehpuam tiin a lo thang ta chiam anih hi! Tichuan Burma ramah Mum 1 hi Rs 8/- huin an hralh chhawng ve leh ta a. Burma lamte hian a Kg lo chuan an lei ngai lova, Excise lam ka zawh chianna-ah chuan Kg-1 ah hian mum 6000 a awm an ti a. Chuti a lo nih chuan Kg-1 hi Rs 48,000/- man a lo ni a, chu chu Strip 600 ang a lo ni ta a. Strip 600 man chu Rs 7200/- a lo ni a, Rs 40,000/- chuang an hlep ta phawt a ni.
Mahse, heng ruihhlo tawlh thinte hian tih thin pakhat an neih leh chu Thamna pek an ching leh ta a ni. Kalkawng tluanah engtin nge man tawk miah lova an rawn kaltlang par par theih tak kan tih chuan Check Gate-a an tlang par par theihna turin Official thamna an pe thin a, thamna an pek zat hi inang chiahlo mahse, nuai hnih khata vawm mai mai an pawisa lovin sawi tur an hre em em zawk a ni. Pawisa fai hi anmahni-ah hian a nuai tel an ak reng ang a ngaih a ni, man an tawh pawh hian Thamna hmanga intlanchhuah an tum hram hram thin a, Official rinawmna neilo chu an hausa thut thut zel reng a ni. Man an tawh hnu hi chuan anmahni leh anmahni an inpuang zut zut tawh thin a, an thiante motor hman number thleng hian Officialte an hrilh zung zung hreh hauh lo. Mahse chuti chung chuan man tawk miahlo an awm thin si hi eng dang vang mah a ni lo. Official tham theih an awm teuh vang a ni tih hi Mizoram Sorkar hian hrechiang hle rawh se.
Bank lam kaihhnawiha thawk kan ni bawk a, Zokhawthar leh Champhai chiah ka la hrechiang a, mahse sum lengvel lian lutuk tak mai hi Mizoram State Matching Share leh Budget atang leh Distrcit Wise Allocation atanga ka chhutin a awm tur aia tam a awm tih hi ka chiang em em a ni! Mimal hminga Khehpuama inhnamhnawih nia an sawi ho sawichhawn tur pawh tunah chuan ka hre nual tawh bawk! Sumdawnna hmunpui pakhat zawng a ni ngei mai a, mahse sumdawnna boruaka sum lengvel hi keini aia hrechiang an awm bik chuang lovang. Chuvang chuan heng sumdawnna leh Sorkar Pawisa phenah hian pawisa tam tham tak a lengvel tih hi hairual a ni lo. Sandalwood chungchang kan la sawilo mah mah zawk a ni a, chuvang chuan kan ngaihtuahna kha han seng kual vel tak tak teh u.
Anih leh mi thenkhat, mi rethei ve tak tak nia langte hian engtin nge vawilehkhatah Pseudophedrine hi tam tham tak, a nuai tel tel man an zuk lei theih tak tlat mai? Anni phenah hian mihring an awm a, chung mite chuan nuai khat te, nuai 5 te, a aia tam te an thawh thin a lo ni a. Chuvang chuan chung mite chu an mi tirh ten man tawk mahsela, khawih thianglo ang maiin an chungah engmah a thleng ve ngai tlat lo! Mahse chung mite chu an awm ngei tih tawngkain dawng mah ila, proof awm pakhat chu an in leh lo leh an lirthei neihdan atangin a chiang em em tih ka hria! Sorkar hnathawh emaw sumdawnna lian nei hauh si lo, mahse vawilehkhata inhmun lo ram lian leh tha tak tak lei pawp pawp thei, motor leh bike chhuak thar ber ber nen lama lei thei, an inkawta Official motor inhung hmuh tur awm zut si an awm atang hian hei pawh hi a chiang em em a ni.
Mak leh em em pakhat chu hei hi a ni. Tumah an tangrei hman ngai tlat lo! Bus chung zawng zawng khat tlat a Damdawi phur an man pawh nise, a tang rei thei chuang lo! Thla 6 an tang anih chuan a tang rei pawl tak an ni tlangpui a, mahse hei hi chu Dan lam thil a ni tawh a, Sorkar hian Dan a siamtha anih ngawt loh chuan Bailable Case ang anih avang hian leh na taka nawrna a awmloh avang leh heng mite hian pawisa an neih tlat si avangin an tang rei hman lo a ni ber. Thamna la hrehlo Official an awmchhung chuan he damdawi hi a rem dawn lo phawt a. He sumdawn hlawkna hi chhut chah anih hma chuan a titu tana Addict theih anih tlat avangin a bo mai mai bawk hek lovang. Sum leh pai awlsam taka neih hi mi tam tak tan chuan thlemna a zawng a thlemna hautak ber anih tlat avangin tawngpawng indem ngawt chi a ni bawk hek lo. Heng mite man chhuah an har loh lehna pakhat chu an sum leh paite hi Bank-ah an Deposit ve ngai mang lova, a chhan chu hlauh an neih avang a ni. Chuti anih chuan inlamah pawisa an kawl teuh tihna a ni a, Warrant nena manchhuah an har em em lo tawp ang tih a rin theih.
Inhnamhnawih lian tak tak te, manchhuah mai mai loh tur leh a tawlhrutute fin leh em em na pakhat chu an thil neih Khawtlang leh Kohhran tan an ui tlat lo hi a ni. Champhai Kohhran pakhatah chuan thlatin thawhlawm an chhiar a, thawhlawm ip pakhat, thawhlawm ip pangngai ni lovah chuan Rs 200,000/- a lo awm tawp mai a, tu thawh nge tih hriat rual ni lo mahse a lo kalna awm chu a rin hriat theih lutuk tlat! Chutiang chiah chuan Khawtlang thiltih a awm a motor thawh thei thei leh ui hauh lo tute an nih tlat avangin Khawtlang tan pawh enhran mai chu harsa tak an ni tlat a ni. Dik tak chuan mi tam zawk hian an awt letling hial niin a lang. Mahse he damdawi kheh avanga in leh lo zawng zawng chan a, neih engkim hloh an awm tan ta bawk. Chu chu Bible-in a sawi anih avangin an chungah hian engtikah emaw chuan a thleng dawn tho tho tih an hre lo a ni.
Metamphetamine hlauhawmzia hi thangtharte tan han tarlang lawk teh ang. Vawikhat tihah darkar 12 chuang an ruih theih avangin a ruih a man em em a, vawikhat tih tawh vaih chuan a zunah an uai tlangpui bawk a. Kum 20-30 inkar vela upate hian an han tih tak tak chuan pitar putar hmel an pu bawih tawh a, an ha a balin a bal nasa a, an cher em em a, dam ni leh nuam tih ni hmel an hmu ngai tawh lo reng reng ang a ni. Sap ho Rehab changkang ber bera lutte pawn kum khat chuang an nghei hnuah pawh nitin he ruihhlo bawihah hian an la tang reng tih an pha lova, nitin hian tih leh an chak em em reng mai a ni. Chutiang chiah chuan vawikhat lo inkheh vir laklawh tawh chuan khehpuam nawn leh hi an chak em em a ni! Ruihhlo dang a ang ve lova, thih thut thut a awlsam em em bawk a, mitvai an ching a, hmuh an nei fova, thil tih awmloh tih ngai tlata hriatna an thinlungah a awm a, chu chuan thihna hmunah mi tam tak a hruai thleng tawh a ni.
Chuvang chuan a ni Khehpuamtute u, in ngaihtuah chiang rawh u. In thiltih hi nakin lawkah chuan a rah sengtu turte chu tudang ni lovin i tu leh fate an la ni dawn a, chutih hunah chuan a damdawi a awm tawh lovang. Kan pawisa neih leh rosum hi enga tan mah a ni dawn lo. Chuvang chuan a ni Sorkar hi in ngaihtuah harh se ka tih ni. Tham theihloh tih hriat chian chin bak chu Border-ah hian Duty tir lo sela, Posting ti bawk hek suh se. Official hmingchhia a hrem thenkhat te an awm tawh, mahse man chhuahloh an la kat nuk mai. Zoram thalai te tana German Footballer kan chah chhuah mek lai hian Mizo Football khel mi tlemte let engemawzatte hi hmun hlauhawmah an ding mek a, chunglam hawi chuan hmalak a hun tawh zawk a ni. Engtin nge ni ta ang le?
No comments:
Post a Comment