The Winner Takes It All

Ka thiannu hlui ka hmuh hnuhnun ber takna kha a rei ta viau mai. Khuannu hian ka tana hun a her kual thin danah hian lungawi har ka va’n ti thin em! A sakhmel ka en nin ngai loh ka mitthla-a ui chung chunga ka lo nawhreh tawh ngei mai chu ka kawngka biangah chuan a lo ding van a. A hmel ka han hmuh vuai a, ka nawhreh hman chuan a hna a thawk tha tawklo hle tih ka hre chiang nghal mai a. A chhan chu ka hmaa ngawi reng leh engmah sawi lova min en rengtu, ka mitin a han hmuh chuan chu mihring ennawn leh ngai miah lo hian ka hrechiang thei nghal tlat a ni. A hmelah chuan mawina leh duhawmna ten zung an la kaih reng tih chu tarmit vuah kherlo pawh han hmuh hmaih chi rual a ni lo. Enge a rawn tih dawn tih ka hria em? Chu zawng thudang ni mawlh teh se, ka rilruah chuan he hla thu hi a lo lang ta nghal a ni.

I don’t wanna talk, about things we’ve gone through; though its hurting me, now it’s history. Chu hmeichhia duhawm lutuk vang chuan ka tunhma nunah thlipui chhem luih ang maiin ka let leh ta vawn vawn mai a. Thawk ka lak hma hauhin kan tunhma nun chu ka hmaah hian darthlalanga en theih ang maiin ka hringnun mitthlaah chuan a rawn lang nghal zut zut a. Chung hun hlimawm em em ka thlir reng lai pawh chuan ka rilru natna erawh chu a hma zawng aiin chu darthlalangah chuan a rawn lang chiang tlat si. Chutah ka tan nunhlui ngaihtuah letin awmzia a neih loh zia leh thawnthu hlui han thar thawh leh chiam chuan nat leh zual bak min rawn thlen dawn lo tih ka han hre chhuak nghal a. 

I've played all my cards, and that's what you've done too, nothing more to say, no more Ace to play; Ni e, kan tan khang hunlai ang tluka hlimna ang kha tawn leh theih ani tawh ngai dawn lo. Nawmna vawrtawp kan chan Thlarau kha chan nawn leh chi rual a ni tawh tlat lo. Hmangaihna chu a takin kan chen thiam ang ve ve in kan chendun a, mahse kei chu a tlawm zawkah ka tang ta tlat a ni. 

The Winner takes it all, the losers standing small, besides the victory, that's her destiny; Hlimna vawrtawp zawh chiahah chuan Inthenna a lo thleng a, chutah chuan ka chan a chau ta zawk a. Maian chan pawh ka tluk ta lo anih kha. Ani zawngin hlimna thar a chhar laiin kei chuan ka chantawk ve tura Khuannu ruat Maltlat nun ruak chu ka chhar thar ta a. Chu Khuanu remruat zet chuan min vaw na ngawih ngawih a, kum 2 dawn chuang chu engmah ka ti hlei thei meuh lo a ni ber. 

I was in your arms, thinking i belong there, I've figured it made sense, building me a fence; Mahse maw, ka han ti talh teh ang. Ka hmaa ding ngei mai chuan a hmangaihna min hlan a, a tanglum min belh tir thin. Chu hmunah chuan hlimna ka chhar a, lawm takin ka nui thin a ni. Duat taka min kuah laite khan hei ngei hi anih hi ka tan a Khuanu’n ka nakruhbo min pek tur chu tiin lungawina nen ka hun ka hmang liam thin a, hmalam hun beiseina nung nen ka thlir thin. 

Building me a Home, that i'll be strong there; But i was a fool, playing by the rules; A ang chhungah chuan chakna thahrui nen khawvel ka hmachhawn thin a. Ka theih bak zawng chu aman a rawn ti ve tawh thung thin. Mahse ka va’n tisual chiang teh lul em! Inngaizawngte khawvelah ka cheng mai a lo ni zawk. Chutah chuan Hmangaihna famkim a lova, induhtawnna khingbai hian chatuan a lo daih si lo. Hmangaihna thawnthu tawi, a tawp inthenna ramah chuan mang angin ka lo cheng reng a lo ni zawk. 

The Gods may throw the dice, their minds as cold as ice; And someone wait out here, losers someone Dear; Chung Pathiante pawh hian hringmi te induhtawn hi chu an van lo phal teh lul em! Mahse kan chan tur chu engpawh lo ni se, an tan enge lem tawh chuang ang? Hringmite inkawp chawi taka awm tur hian mawhphurhna neih kher ngai an lo ti lo em ni? Hnehna changtu leh Anchhe dawngtu tur leh zel pawh an lo ruat lawk hial em ni zawk? Nge kan chunga thil thlengah hian keimahni duhthlanna ngei kan thlen tir zawk?

Tell me does she kiss, like i used to kiss you? Does it feel the same, when she calls your name? V! Ka va’n ngai teh lul che em! Nikhatah vawikhat tal pawh i hmui ka fawh loh chuan ka awm theih loh thu ka hrilh thin che kha i la hre reng ang ti raw? I hmui chunglam ka seh ner ner ang chiah khan an seh sak ve ngai che em le? Duat tak maia ka koh dan che, tuman an hriat ve loh kan pahnih chauha kan awm a, ka koh thin ang che khan an ko ve ngai lo’ng che ti raw? 

Somewhere deep inside, you must know i missed you? But what can i say, rules must be obey; Kan inthen hnu pawn vawitam mittui nen ka rawn phone thin che atang ringawt pawh khan ka rilruah i awm reng zia chu i hai bik hian ka ring lo. Mahse, ti raw, enge ka tan sawi tur awm tawh chuang? Khuanu rel sumsuihah khan sal tang ka lo nih kha phunnawi thei ka ni si lo a lawm le.

The judges will decides, the likes of me bide, Spectators at the show, always stay in line; Khuanu rel ang ang kha ka hringnun lamtluang zawh tur a ni ta mai a, dal rual a ni si lo. Nang zawng zawnglai i ni mawlh si lo a, englai pawn kan awmdun thin lai pawh khan heltu i van ngai lo anih kha. Chuvang chuan ka tan dan ruallohin mual i liam ta reng anih kha. 

The game is on again, lover or a friend? A big thing or a small, the winners takes it all; V! Tunah hian thian angin a ni ti raw min hmu tura i lokal? Ka hmangaih thin, nang pawn i hmangaih thin hmu tur chuan i lo kal lo ti raw? Chuti anih chuan lawm takin ka lo dawngsawng ang che, ka tan chuan chu chu i chunga ka tih theih tawk a ni.

I don't wanna talk, cause it makes me feel sad; And i' understand, you've come to shake my hand; Lo kal la, Nunhlui lamah chuan i kir lul lo teh ang. Sawi pawh i sawi chhuak lo teh ang. Ka chan chu i hriat ve vek kha, chuvang chuan tunah hian min lawmpui tura lo kal inih ang ngeiin lawmpuina chibai mi han buk zawk teh. 

I apologised, if it makes you feel bad; seeing me so tense, no self confidence; Mahse ti teh nuaiha ka lo dawngsawng che erawh hi chu min ngaidam ang che. Khawngaihin nuamlo ti suh aw! Ka han hmuh thut che khan ka insum zo hlawl lo a ni zawk e.