Please forgive me.

Duhber, englai chiah khan nge ka ke hi,
Ka chhehsual tan ka hre thei ta lo!
A rei ve thawkhat tih erawh ka hai ngai lo,
Ka ke chhehsual in a hrin i rilru natna,
Ngawi renga tawrhna i chunga ka thlen,
Ka hriat bakin a lo va tam em!

I hmangaihna atanga chhuak zilhna leh ngenna,
Dawhthei taka i nghah thin thlen thei lo ka nihna,
Ka hai mawlh love, a kawng a chhuk chho em a ni!

Ka sual, felloh, thatloh, phatsanna zawng ka hai lo,
Khati taka dawhtheihna kha khawi a i neih nge?
Hmangaihna thinlung atanga chhuak a ni lo thei lo,
Chu hriat tharna chuan lawmna thuruk min pe a ni.

Thiamthu sawi tur ka dap kual ngial pawn,
Ka hmu zo ngang lo, ka thiam lo tawp ka hria e,
Ngaihdam phu lo ngaihdam hi a har tur zia ka hria,
Min ngaidam rawh tih tawngkam aia hniam,
Tawngkam reng ka zawng hmu zo lo,
Mahse voikhat chiah zawng ka han dil leh a che.

Khawvela ka tawn zingah hian,
nang ang reng,
Ka duhthusam ka la tawng lo,
Tawn leh tur pawh awm se ka thlan a dang chuang lovang,
Min kalsan lul suh ang che,
Ka aw hi van mi aw, dawt tel loah lo ngai mawlh ang che aw!