Turn back the hands of time

Lei lunglawm kimna i lo ni ngei a,
Lunglen hnemtu atana thlan tur lanu awm chuang lo;
Hun hi ti em hian ral chak lo sela,
Josua ianga Ni chelhdin mai ka nuam e!

A nalh e, ka lungdumi chu,
Derhken par a iang chhing chheng;
Engtik chuan ka tawnah runrem ve tak ang maw?
Chu mawlh chu ka lungkham ber a ni si a!

Khiangawi kei zawng ka lunglai an luah love,
Ka lungdumtu ka Hnukte ngei chauh chuan;
Ka thinlai ril a fan si a,
Mahse thenna ni kawl lo chhuak tur mawlh saw!

A tawi lua tawnni her chhun,
Tuantul vanga liam hmasa leh hnuhnung;
Tawn leh ni lo her tur zawng duhthusam,
Hei hi a ni Hringnun Thawnthu chu!

Kawlrawn lo herchhuak tur sawn,
Ka tuar zo dawn em ni, biahthu min hlan tur;
Thenna leh luaithli nul bak thuchah reng a pai lo,
Lengi tawnah her chhuak lul suh, Turnipui!