Ka lunglΓͺnna khawharthlak khawhar chu,
Thlasik vanglai taka thinghnah tlakawlh,
A zΓ’r bel Ε£hin sirva leh a zai thawm mawi,
Khaw lum lam pana an hnutchhiah thing mal tla!
Thlalera hnimbΓΉk Ε£o ri rΓ« ang ka ni,
Tuihna reng pai lo vut khawro ang chu,
Ε’halchar chhum, ruah reng pai lo va lΓͺng chu,
Natnate'n lungchim taka an tuam chhuah!
Ka natna kawltu ka damna neitu chu,
Hriat thiam lohna thlipuiin a nuai chiam a,
Hriat fiahna pawh a hnenah a awm lo,
Chuti'n a lΓͺng e, lunglam vai ruaiin!
No comments:
Post a Comment