𝔗𝔥𝔦𝔫𝔩𝔲𝔫𝔤 𝔩𝔢𝔥𝔨𝔥𝔞𝔷𝔦𝔞𝔩𝔞 𝔥𝔯𝔦𝔞𝔱 𝔯𝔢𝔫𝔤𝔫𝔞.

 

Hringnun lehkhabu ruak mi pêk ngei kha,

Thinlung chauh zawngin ka hnawh khat zo tawh;

Lehkhazial luahtu hriat rengna ai chuan,

Ka thinlunga hriat rengna inkhawlkhawm;

Chu ngei chuan nghilh ni reng a nei lovang. 

Chung i chungchang thu ka ziah chuan hunbi,

Khuarei nen lam an la upat san ang;

Ka thluak leh lungphu an nun chhûng zawngin,

Nang hriat rengnate chu an bo hek lo'ng;

Nikhaw hriat lohna lo thlen hma loh zawng.

He i mi pêk lehkhabu riang tak hian,

Ka hriatna angin nang hriat rengna chu;

Fun khawm kim turin theihna a nei lo,

Ka hmangaih che tih hre reng tur pawhin;

Chhinchhiahna phek ka mamawh bawk hek lo.

Chuvang tak chuan a ni aw, ka hmangaih,

Lehkhabu mi pêk chu ka lak botir;

Kei zawng nang hriat rengna tur atâna,

Ţanpuitu mamawh ang ka nih si chuan;

Mi theihnghilh hmang ber ka ni dawn si a.

Princess....