Nula leh tlangval inhmangaihna hi,
Mei alh ang niin mei chu englai paw'n,
Duah takin a alh hluah hluah reng em ni?
An pahniha an chhawm nun Ε£hat leh,
Chhawm nun Ε£hat loh a zir zawkin a ni,
Mei chu a Γͺna a thim Ε£hin zawk ni.
Nupa nun chu thli thaw ang mai a ni,
Thli chu a ngai rengin a thaw ngai lo,
NΓ’ taka thawt Ε£um a nei Ε£hin angin,
Thlifim tak ngial pawh thawt loh Ε£um a awm,
Inhriat thiam tawnna nun a tel loh chuan,
Nupa nun hlimna neih theih a ni lo!
Ε’hian inkΓ’ra inΕ£hianΕ£hatna pawh hi,
Ruah kan sawi Ε£hin ang mai hi a ni,
Ruah hi eng lai pawhin a sΓ»r reng lo,
Hunbi neia sΓ»r Ε£hin a ni zawk e,
Dawhtheihna tel lo inΕ£hian Ε£hatna chu,
Engtikah mah a puitling thei ngai lo,
In mamawh tak tak hunah chauh lo chuan,
Kan tΓ’na Ε£hian Ε£ha a hriat theih ngai loh!
No comments:
Post a Comment