Ka vanglaini liam tate thlir kirin,
Hunbi chhiar vawi tam ka paltlangte nen,
Nipui hnah Ε£iak tir leh thing hnah tlakawlh,
Thlasika uaia chΓ»l tate zawng pawh.
Ka vanglai nite chuan keipui koham,
Zan vak sihal sa seh tur zawng ruai leh,
RΓ»l chΓΉk nΓ’ mi leh rΓ»lhlaite nen lΓ m,
Ka hringnun fiahtu an chang tawh ngei e.
Khaw pum natna ka phurh nite liamin,
Diriamna leh chΓͺksawlh tinrengte nen,
Hmai fang mawina chuaia chΓ»l tate pawh,
Mi chak ber angin ka hmachhawn Ε£hin kha!
Khuanu'n khaw vawt tawrh dam dan mi zirtir,
Mual liam tate mangΕ£ha thiamnate pawh,
Nipui leh Ε£o ruah do daih dan nen lΓ m,
Fiahna kaltlangin an thurΓ»k ka hria!
Mahse, aw nang mi alaia hmeichhia,
Ka chunga i thiltihtheihna thurΓ»k,
Tha reng thawh lova mi tukzalna hi,
A tawrh dam dan reng ka zir thiam thei lo!
Tharum chu hriamin a chhanglet lem lo,
Fakna pawh lawmthuin a chhunzawm lo,
Thinrimna chu reh ria tudaiin,
LunglΓͺnna lΓ m hnawl turin a chak si!
Thinlung ang renga sΓ k eng nge awm ngai?
Luhlulna tluka hmΓͺlma lian awm maw?
A tuamtu sakruang nu hnΓ’p phenah chuan,
Mi rilru sak ber a biru si a!
Khawiah nge thinlung nΓͺmna thurΓ»k chu?
Lung anga ngawichawi leili chakna pawh?
Ngaihtuahna tinreng luah Ε£hintu zawhna,
A chhanna reng hre lovin ka chau ta!
No comments:
Post a Comment