An thinlunga hriat thiamna, khawiah nge?
An mita fiah taka hmuh theihna pawh?
An benga nghik thawm ngaihthlak thiamna pawh,
Hriat fiahna ruai reng an kil thiam si lo.
Puanzar phena hlimthla hmu thiam lovin,
Lukhum hnuaia sakruang zinkawng zawh nen,
Ri lo va rum thawm, Ε£ap rawih rawih thawm leh,
Pindan ril chhΓ»nga mangang aurΓ’wl nen!
A zinkawng zawh khawharthlak, thim chhahzia,
A chhΓ»ngril ber rilΕ£amna tlai ni awm lo,
A thlarau nun lΓ m saruaka vakvai,
Lei hreawma lungchhe vankaia chu!
A kΓ’ rengin a tawrhzia puang lovin,
A chetzia pawhin a hreawm chanchin,
A leili nen an puangzar ngai lo ve,
Ngawih rengna, a Ε£anga a pawmtlei chu!
No comments:
Post a Comment