Ar ang vaihna Zotlangsang

Ka chungturni a liam Kawl rawnah,
Hraileng zawng siangah lawi chhung kimten,
Kei zawng ka riang chuang mang e,
Ka lenna Zotlang sang tawnah mahriak ar ang ka vai!

Khawnge ka lenrualte thawm ri va?
Thenrual hlim zaivawr thawm khawnge?
Nau ang nui ri thawm hriattur khawnge?
Ka D te nui ri thangkhawk pawh hi?

Mahriakten ar ang vaihna khua a sei em mai!
Min hnemtu reng ka tawng si lo,
Ka lenna Zotlangsang atang hian,
Engtikah tawnni herchhuak leh ang maw?

Hmana hlimten kan lenna Chhim tual,
Sam ang thenni a rei em mai!
Dawnin thinlai ruk a riang vawng vawng,
Aw, ka duhtak tawnah ngei chuan!