Mangtha Lenrualte U!

Har teh mahse, suihlunglen thu dawn lovin,
Sam ang then nan chawnban i hmer ang,
Hleiten kumpui sul a lo vei leh ang a,
Dar ang tawnni awm leh na ngai e.

Dam takin leh, hal lo te'n sam ang inthen ang,
Vangkhua zau mahse chhingkhual kan iang,
Lunglam ka vai, tuantul reng ka tum nem maw,
Hrilh lai puan ang hian i bang lawng aw.

Zaleng tinkim te'n kan lenna Leitlangpui hi,
Par ang a chul lawng khua rei mahse,
Min lo nghak la, lam ang ka lo let leh ang,
Hal lo te'n len za ka rel dawn nia.