"Tawrhna zawng zawngte chuan Chakna a thlen ang che,
Hlauhna zawng zawngte chuan Huaisenna a pe ang che;
Thinlung kehchhiatna erawh chuan Finna a pe thung dawn che a ni"
"Kristian ten thinlung taka Pathian chibai an buk dan hi,
Nang ka tawn hma che chuan a awmzia reng ka hre si lova"
"Hmangaihna Tak Tak kan tih hi Hmuithla ang mai a ni a,
Mi tam takin a chanchin sawi thin mahse;
A tak taka hmu erawh mi tlemte an ni si a"
"Kum tamna avang kum tlem zawk,
Tawnfuh changa thinlung natna chuan;
Pawisawi reng reng lo hun thlengin,
Anchhe lawh tur a vai ruai thin a lo ni"
"Van mi thianghlimte hming chhal meuhin ka sawi e,
A ruka Inbumna leh anchhe lawhna reng reng;
A ruk bawkin bengin a hriat a thinlunga a cham hma ngei hian,
Thamral leh mai sela a tha zawk si a"
"Thil reng reng hi a tluan loh lak lawh tawh chuan,
Hun engemawchen a daih ngei ngei thin.
Nimahsela, thil reng reng a kaltluan lak lawh chinah chuan,
Engkim mai hi a tluang purh tawh mai thin a lo ni"
"I kephah hi ka hmangaih hle si a,
Ani chuan he khawvel hi dai dar in,
Thlipui leh ruahsur hnuaiah,
Ka hnen a rawn hruai thleng ta si che a"
"Thil pakhat pek theihna che nei ni ila,
Heti kauva mi bik i ni tih i inhmuhfiah theih nan,
Ka mit atanga thil thir theihna ka pe ngei ang che"
"I ngainat loh thil i tawng anih chuan,
Thlak danglam mai rawh,
I thlak danglam thei lo anih erawh chuan,
I rilru put hmang thlak danglam thung thin ang che"
"Nang ka hmangaihna che hi,
Tawngkam mawi tinrengin ka chham pual ang maw?
Ka leh leili tangkawp ten an sawifiah phak rual loh chu,
He anchhe dawng hmui atang hian,
A der maiin rimawi angin thangvel se i chak a maw?
Nang ka hmangaihna sawifiah thiam tawngkam reng,
He leiah hian an la piang lo a ni zawk e"
"He khawvelah hmun pahnih, bik em em an awm a,
Tuemaw rilru ngaihtuahna luah veng vengna hmun nuam ber leh,
Hmun a zawng a hmun him ber,
A milengin min tawngtaisakna ngei chu a lo ni e"
Lung a leng zual em mai!
"Ka tak Zotlangsangah a zal na a,
Ka rauthla leng kharlai lo hawn rawh, Lenmoi,
Tun zan chu a lo lawi dawn i laikhum belhna runah!
Ti a zantin duhaisam chu,
Kawlvalen chham romei zing riai hnuaiah,
Chhim thli hrangin kawlrawn a liampui si thin"
"A eng ber chu nge dik ni ta ngai a,
Ti a i thinlung hriatna leh,
Dik ni a midang ngaihdan inkara a ngaihna reng,
Hre lova i talbuai anih ngai chuan,
Dik ni a i hriat zawk ni lovin,
I hlimna thlentu zawk zawk chu thlang thin ang che,
I mimal hlimna aia Mi zawng zawng hlim i duh anih ngawt loh chuan!"
"Hringnun khawvela kan chakna phuhruk tute hi,
Insengso tak taka kan neih an nih laiin,
Hringnuna lungawina min thlentu tak takte erawh,
A thlawna kan neih an ni si thin -
Hmangaihna, Hlimna leh Nuih"
"Mipa leh hmeichhia zingah,
Tha fal leh chhe dum bik,
Duhawm zual leh lungrun khawpa hmelchhe sa reng an awm lo,
A hmutu mit atang leh a thinlung pawm dan atanga,
Chhia leh tha mai an ni zawk si a"
"Hlutna nei chin reng reng,
Hmuh theih leh hmuh theih loh thlengin;
Awlsam taka va neih ngawt theih an awm lo,
Awlsam taka neih theih reng reng ten;
Hlutna tak tak an nei ngai si lova"
"Nula tlangval inkara Tisa inhiptawnna hi,
Thil thleng vantlang tak a ni,
Thinlung inzawmna tak tak erawh,
Thil thleng zen zen lo a ni si a"
"An awm reng laia thinlunga,
Anmahni ngaih avanga natna lo thleng a ni love,
Nun chhungril atanga bo hlen an nih avanga,
Ngaihtuahna lairil bera an sulhnu cham reng,
Chumi ngaihna avang zawka natna tawpkhawk lo thleng a ni zawk e"
