Hun tam liamin pâr tam an ţil zo ta,
Lungngaihna ngûlzem kâra'n bo zovin;
Hriat ngai loh ngena ka ţah vawng vawng a,
Hriat reng ţhinte ka hlauh ngawih ngawih ni le!
Ka kutthlakna sulhnu vanga inchhir,
Kutthlak loh suangtuaha ka châk si hi;
Tawn loh hmangaihna ngaia kûr diamin,
Ka tawn hmangaihna ka hlamchhiah si ţhin!
Engkim ka pual, engmah lem ka neih loh,
Ka hringnun keimaha ka zawn mek chu,
A tak ram chu chiang taka hmu tain,
Hringnun hi engmah lo mai a lo ni.
