Rinawm !

Chhe lailet der chu zahawm ber angin,

Rinawmna diar khumtu a ni ang maw?

Zahpuiawm ber chu fel ber ang maiin,

Thianghlimna silhfen a sin ngam ang maw?

He thinlung khawngaihthlak ber hi em ni,

Lainatna tel lova an sawisak chu?

Rinna laka rinna nghattu em ni,

Rinawm lo taka an bum nilen chu?

Hmangaihna chuan hmasâng ata tawh kha,

Diriam leh chêksawlh hlawh tawh ţhin mah se,

Tukdawl rual loh thahrui a neih ţhin kha,

Tenawmnate'n hual vel ţhin teh mah se.

Ngaihdamna nun khawiah nge a awm tak?

Hriat thiamna chuan nâ tak maia mi khàk!

 

Me Before You...

 

     Before I've met you, my world was torn apart and i was alone. Alone with my darkened soul, i used to cried at night.

     All my hopes of future lies in a paper, written by a pencil. As it was erased slowly, my eyes grows dim and my soul departed from my body.

      I lived in a void where I'd  shouted for help. And no help came in my aid. So sorely did i feel defeated in life, i didn't know who i was anymore.

      Apart of my died that day, when my dreams was rudely shattered. And now, i felt those words of King Solomon -

      Ecclesiastes 1:13-15 - this sore travail hath God given to the sons of man to be exercised therewith. I have seen all the works that are done under the sun; and, behold, all [is] vanity and vexation of spirit.

     Like him, i found that laughter is madness and all the mirth and pleasures are nothing but an endless pit of wanting.

      Like a puff of smoke, i was ready to blow off into the horizon and steam no more. But fate has contradicted me so rudely.

     And then i met you. A maiden so versified in nature, you'd allured my non-judgemental mind. Then, out of the blue, you'd made me laugh!

     A laugh of joy! Somewhere in my mind, kept hidden by my blackened soul, a single ray of lights still shines!

      After a threesome week, that ray of lights became a radiant rainbow on a cloudy sky, a glory from above. Then i fell facedown and a gentle voice ushered a words -

     You are tormented enough. Too much toil had ridden you down. Now, be a man and get up. For you are beautiful like the sun set forth from the east.

     How can you lit a candle in my heart that's so dark, no one could found its entrance, i know not. Still, i am a man whose conscience hath a thousand several tongues, and every tongue brings in a several tale.

     How can a woman understand me? For there's many a man has more hair than wit and among them i count not myself. But how can i escaped from that very thing that chain my life to abyss?

     Alas! Love to faults is always blind, always is to joy inclined. Lawless, winged, and unconfined, and breaks all chains from every mind, so does my Shakespeare spoke!

    And so you kindle fire with snow, as seek to quench the fire of love with words. The very thing that destroyed me is, shamelessly, the very thing that made me whole again.

     And thus, this mortal life sucks. And I've  wasted time, and now doth time waste me along the shore of an endless ocean where time cease to exist!

     

Hringnun Hla Thûk !

 

Ka tân hmangaihna, ka sualna bul ber,

I ţhatna - huatna, ka sual i huatna,

Ka sualna, hmangaihna buzâwl luahtu!

Ka dinhmun leh i nihna khaikhin rawh,

'Tah chuan huat tur leh hauh tur i hmu lo'ng,

Hmangaihna zia; mahni inphat nun 'vang,

A ze tinreng dem tur a awm si lo!

Demna tur a nei a nih ngai pawhin,

Aw, i hmui aţanga chhuak ni suh se,

Amah chei mawina tihmêlhemtu mai,

A thuam tibawrhbângtu a ni dah ang,

I thinlungah lainatna tui chîk chhuak se,

Chu chuan nghet takin züng kaiin rah se,

I mitin hmangaih tur a zawn ruaiah,

Lainatnain a thungrul mahna che,

Mahse, nang ka hmangaihna che ang tak,

Ka laka i thup bo tlat ang erawh,

Zilhna talhfiak atân i chungah ngei,

Hmeichhe awm ţha duh lo an zilh fing ang,

I harh chhuah nân a lo la thleng ngei ang!

Vaya Con Dios

 

Tʜᴀᴛ Pʀɪɴᴄᴇss ﹗

Oᴜʀ sᴡᴇᴇᴛᴇsᴛ sᴏɴɢs ᴀʀᴇ ᴛʜᴏsᴇ ᴛʜᴀᴛ ᴛᴇʟʟ ᴏғ sᴀᴅᴅᴇsᴛ ᴛʜᴏᴜɢʜᴛ ﹣ Pᴇʀᴄʏ Bʏssʜᴇ Sʜᴇʟʟᴇʏ 

The love i dedicated to thee is flawless and without end. But mine verses are not worthy of my love for thee for they are untutored. But as always, i wish thee long life still lengthened with all happiness.

I know not if i offend thee with all of my verses. For they art a mixture of pain, suffering and emptiness !

Khawharna Khawvel !

I tel lo ka hringnun thlasik khaw vawt,

Tisa tinreng zûk thip ang a iang zo,

Nang lah dumde mei det chhûng lek; kum khat,

Fiah lo ruaia liam puat ang i lo ni!

 

I tel lo ka hringnun; vawt thîp takin,

Ruhrel lam an nawk thîp zawh vekna chu;

Tisa peng tinah dam lai reng awm lo,

Hmar tawpa khaw râm khawhar ka iang e!

 

Hun rei lo tê liam ta-a nang nena,

Kan hun hman, favang khaw nawm ber lai iang;

Thing tin zar tinte’n pâr mawi rim tui tak,

Sirvate zai ri nena inchhawn ang kha!

 

Tunah erawh favang khaw nawm vanglai,

Thing tin an pâr a, sirva tin zai hun,

Leilung harh thawm, lunglawma a lên lai,

Chung laka lak hran ang hlauh ka ni ta!

 

Ka zâr tinrengte tlakawlh zo vekin,

Ka pâr mawi tinreng nen làm ţilţiak zovin;

Nawmna reng pai lo leilung khawharthlak,

Hmar tawp reta mal lên ka iang zo ta!

𝐇𝐫𝐢 𝐂𝐡𝐡𝐢𝐚 !

 

Khawharna tawp hripui kâra lunglên,

Zan thim belhchhahtu thim thuah thum kârah;

Ngaihtuahna fim reng a nùt burh kâra'n,

Mumal reng nei lo ngaihtuahna fimah!

 

Sikserh natna, serh leh sâng pai si lo,

Tum bulfûk nei lo thlipui hrâng tleh iang;

Nun thlakhlelhna thlawhbotir chuang si lo,

Chûl tawh nunhlui suangtuahna a nâ chuang!

 

Hun liamta a suangtuah vâwng vâwngna chuan,

Amah ngaihna nei tawh lo thlakhlelhna,

Hremhmun mei vâm ianga nung rengah chuan,

Thinlung inhmu tawn lo luaithli nûlna!

 

Iau! Chhehei, Nunrâwnna, Anchhia vangin,

Natna vawrtawp ṭahna mittui ngei chu;

Zan anchhia tipunluna mi velin,

Ṭahna mittui, puar nân mi pêk tak chu!

 

𝐈 𝐭𝐞𝐥 𝐥𝐨 𝐧𝐮𝐧 !

 

Thlaler hmun khawro, tuihna reng awm lo,

Rah chhuah lova thing ro züng thi mek leh,

Thlasik khaw vawt tak, thlîngte lam vïlhtu,

Riakmaw ianga zâr tin hnawl ka hringnun!

 

Ka mawina, zan thim hnuaiah thâmralin,

Ka chakna thahrui hnùk, chhàha awmin,

Ka uanthuanna ngei chuan mi nuihsawh si,

Ka chhuan ber, ka tlakchhamna kumhlun tur!

 

Lawngpu rěngin an tlawh ngai loh tuipui,

Hruaitu hmar arsi bikbosan lawnglêng,

Hawi lam neia khalh ngiltu rěng nei lo,

Tuipui thlifimte chhem lên chhem lên chu!

 

Ka nunna hnùkpui chuan mi thlauhthla a,

Thlarau rethei vakvai, chawlhna hmu lo,

Chhûngril zialtu, nunhlui mual liam ngei chu,

A lo ni, ka chantawk, ka kumkhaw ro!

 

Kâr hla...

 

Keia tisa thinlung ngui nghiai mai hian,

Samzai khat tluk leka ngaituah hlawh se,

Chuti ni se kan kâr dantu mual lian,

Chhim tawp reta ka ke nghahna ata,

Ngaihtuahna chakin i hnen ka pan ang,

Ngaihtuahna zawngin hmun bik a ngaihtuah,

Chawplehchilha a thlen nghalna thurûk,

Lei thuahthip hnuaia phum ka hai hawng tur!

Chhei! Kei zawng ngaihven reng ka hlawh lo ang,

Chuvang mel za tam zuan khum ka zuam lo,

Vaivut leh tui maia siam ka ni si!

Hun in let thut thut thuhnuaiah kunin,

Chu tah chuan chengin ânhla ka chham nang!

Hun chet muan theihtawpna hnuaia khawlkhawm,

Lungngaihna leh khawharna tinreng te,

Duhsakna nopui ka chantawk niin,

Min ngai lo rengin a lêng ti r'u khai.

 

Tawnhriat Champha Phâk!

 

Sulhnu chûl tawh hnu ngei chu thlir letin,

A tak hlimthla a thlir hmasak ber ni,

A mitin a thinlung hnenah, ‘Hei hi!’

A thinlung mit làm a lungawi ni kha!

 

Ani kha zawng, duhawma khat a ni si,

Chuvang, ka thinlungin a rim thluk ni,

Hmeichhia a nih miau avangin a ni,

Kei, tlangval hian ka ngaihzawn êm êm ni!

 

Ani ka hmuh phata ka thinlungin,

Ri reng chhuah lova, ‘Nang tawn niah chuan,

Ka thinlung, i chhiahhlawh ni reng tura,

I hnenah a intukluh’ a tih ni!

 

‘No sooner met but they looked each other,

No sooner looked but they loved each other,

No sooner loved but they sighed at an end,

No sooner sighed but they asked what happened!’

 

Tia thinlung pahnih inthurualin,

Zawhna thuhmun an inzawh tawn tak ni!

Hmangaihna chim chin zawng, a sân poh leh,

A kawng zawh laiah tawhsual a tawk ţhin ngai!

 

Where love is great, the littlest doubts are fear;

When little fears grow great, great love grows there.

A lover's eyes will gaze an eagle blind.

A lover's ear will hear the lowest sound!

 

A tawpna chu !

 

Natna râpthlak tak ber a lo thlen huna,

Chhiatna tinrengin mi bawm lai ni hian,

Tlawmna kraws lera hmangaihna luangliam,

Khawngaihna chanchin mawi ber hriatna chu!

 

Hmangaihna kehsawm vanga mittui luang chu,

Hmangaihna vekin a tuamhlawm tak vang a,

Nun inthlakthleng thâwk lo thleng dunte chu,

A chhan leh vang hmangaihna an ni si!

 

Nun Thurûk

 

Thlaler ang maia nun khawrâm nun chu,

Hma lam pan châkna thahrui awm lohna,

Ruahmanna, vei leh ding reng awm lo chu,

Duhthusam, luang tlusawp ro tak anna!

Sakruangah laitha reng a zam lo a,

Thluak chawlawlna chuan mi eiral zo ta,

Châkna pawhin hmelma ang mi en a,

Beiseina thâmral lo a thâmral ta!

Hringmi chauh chhan a hringpui mi ngei chu,

Hringmi kaithotu pawh a hringpui mi,

Nun khawrâma tuihna luantirtu chu,

Thilsiam azawnga duhawm ber a ni!

Kiang rawh lungngaihna leh nun khawharna,

Lo hnai rawh ka duhthusam ka damna!

PACHUAU HLA HRIL

 

Ka vanglaini liam tate thlir kirin,

Hunbi chhiar vawi tam ka paltlangte nen,

Nipui hnah ţiak tir leh thing hnah tlakawlh,

Thlasika uaia chûl tate zawng pawh.

 

Ka vanglai nite chuan keipui koham,

Zan vak sihal sa seh tur zawng ruai leh,

Rûl chùk nâ mi leh rûlhlaite nen làm,

Ka hringnun fiahtu an chang tawh ngei e.

 

Khaw pum natna ka phurh nite liamin,

Diriamna leh chêksawlh tinrengte nen,

Hmai fang mawina chuaia chûl tate pawh,

Mi chak ber angin ka hmachhawn ţhin kha!

 

Khuanu'n khaw vawt tawrh dam dan mi zirtir,

Mual liam tate mangţha thiamnate pawh,

Nipui leh ţo ruah do daih dan nen làm,

Fiahna kaltlangin an thurûk ka hria!

 

Mahse, aw nang mi alaia hmeichhia,

Ka chunga i thiltihtheihna thurûk,

Tha reng thawh lova mi tukzalna hi,

A tawrh dam dan reng ka zir thiam thei lo!

 

Tharum chu hriamin a chhanglet lem lo,

Fakna pawh lawmthuin a chhunzawm lo,

Thinrimna chu reh ria tudaiin,

Lunglênna làm hnawl turin a chak si!

 

Thinlung ang renga sàk eng nge awm ngai?

Luhlulna tluka hmêlma lian awm maw?

A tuamtu sakruang nu hnâp phenah chuan,

Mi rilru sak ber a biru si a!

 

Khawiah nge thinlung nêmna thurûk chu?

Lung anga ngawichawi leili chakna pawh?

Ngaihtuahna tinreng luah ţhintu zawhna,

A chhanna reng hre lovin ka chau ta!

 

𝐀 𝐭𝐡𝐚𝐫 𝐥𝐞𝐡 \𝐡𝐢𝐧 !

 

Hleite'n an dang si lo kan lênna tlâng,

Fan châng ni lo herin ka thlir \hin a,

Kei zawng lungrûkah \ah ka bâng thei lo,

I han thlir chângin ngai ve \hin che maw?

 

Awmhar valêng riakmaw iangin ka bel,

Thiang maw tiin thing tin ka zawt ruai a,

Ngaihngamtea riahrûn remna \ang nêm,

Aw i zilhpuan hlün iang zo an awm lo.

 

Zantiang chhin har lunglên a zual nitin,

Nang ngaia ar ang vaih khua a sei thlawn,

Nang nen hlimte'n kan lên lai ni zawng kha,

Chhingmit rauthlaa'n an hlui thei mawlh lo!

 

Ka thlir ka ngai zual \ah ka bâng thei lo,

Zantiang chhin har lunglên a zing lua e,

Lungmawl luat vang em sam ang min lo \hen,

Lêngzawng zinga Rualtinkhum ka tih khân!

 

Tawnmangah tal nang nen lêng dun ila,

A dam mahna ka thinlai chhum zing hi,

Mahse, a rem si lo nang nen lên dun,

Râirah a nâ chuang ka ti lungrünpui.

 

𝐍𝐮𝐧 𝐚 𝐝𝐚𝐦 𝐥𝐨 !

 

Aw, ka thinlung natna thawm ri zet chu,

Tuifinriat rüm thawm aia a nat hi,

Aw, ka chhûngril natna vawrtawp zet chu,

A inmûng thawm ngawt râpthlâk tham hi!

 

Luipui luang lai meuh an tawpna hi,

Arsi in her vel meuh pawh chiaina,

Leilung meuhin lû a sûnna hi,

Hringfate an lo inchaldelh chhanna!

 

Thawk lak khat lek pawh a nâ ngawih ngawih e,

Mit hmuhna tinreng an thim zawk tak hi,

Thinlung ril ber a chavai ngawih ngawih e,

Mahni hmasialna khawvela khat hi!

 

Pang damin lêng rawh a pawi reng lo ve,

Thinlung erawh a dam tawh ngai lo'ng e!

Love & Hate Collide

 

Engtin zinkawng nuam ka zawh theih ang ni?

Hahchawlhna hlimawm, ka lakah inthupin,

Laikhumah mutmu reng ka tuah lohna,

Khawvar chhûng ka laka inluling chu.

 

Chhun leh zan in hmelma reng \hinte chuan,

Thu khat vuain sa ui an tan dun a,

Hreawm taka min nghaisak dun tak hi,

Ţiauvut tluk ka lungngaihna rih zawng chu.

 

Mahse, inthiamlohna nei duh lem suh,

Rose pâr mawi tak chuan hling a nei a,

Tui hna fim tak paw'n chirhdiak a pai hi,

Ngêt pawhin pangpâr an ker ve châwk ngai!

 

I fel lohnate'n chhiatna inelna hmaah pharhin,

Mahni leh mahni ka inngensak a,

Hmangaihna leh huatna, min kârchehtu.

 

Hmelma duhawm ber chu do zo loin,

Darkar tin sawisakin ka awm nang e.

Zan lai \ah hla !

 

Aw nang hmuipui pu, fak hla siam thiam ber,

‘Hmangaih chaw tui ber; ri mawi’ titu khân,

Hmangaihna vanga veka hla lungrûn lo piang,

Chhûngril \ah mittui tlingte’n an thuam mawi!

 

Khawharna peng \huam tin mil hla thlûk nâ,

Lûnglênna vawrtawpte’n an hrin hla tlar,

A remna ri mawia’n dam lai thlan zawh thawm,

Tlar tin lûngchhe insût thawm ri’n an zem,

 

Sirva zai thiam âw lungkuai iang an rem,

Ri fán kâra nunhlui ngaihawm thawnthu,

Nghilh rual loha inlâr chhuahtir theitu hla,

Kham hnawka ngaihthlak i nuam takzet maw?

 

Aw Shakespeare, rimawi chu la bo daih la,

A ni, chhepchher tum ri nen làm la bo r’u!

Lunglên hla hril phuah bansan la’ngin,

Khawhar hla lungrûnte mual liamtir zawk rawh!

 

Ka bengin ri mawi thawm a ngêi hluah hluah a,

Ka tisa pengte’n fak hla diriam an châk!

Hla mawi rem thiamte huatnaa khatin,

Hmangaih hla lung tilêng phuahtu zawng pawh!

 

Chung ri mawi rem thawm leh hla hril tlarte’n,

Hmangaihna thük dai hnu chhem nung \hinin,

Nawmna reng pai lo, vur khawna saruak,

Silhfen lova zâl nun min chantir si!

 

Hringnun Tuifinriat Lawnglêng.

 

Tuifinriat zau taka lawnglêng vakvai,

Tui fawn nawrna lam apianga tawlh \hin,

Vaukam thleng tura kal ngaihna hre lo,

Pan tur pawha tha chakna nei lo chu!

 

Vawi tam thlipui leh ruahpui do hântu,

Enkawltu mumal reng tawng ngai lo chu!

Lawng thing leh a karfungte làm mawih tawh,

Li vir pana muang taka tawlh del del chu!

 

Chhei! a vanglai nite chuan lawng chungnung,

Mit la tak, chuan hlawh ber a nih vei nen!

Chhul thinga a keu tirh phat ata tawh,

Tuipui thlifimte nghahfâk a nih kha!

 

Litengsawl leh suar kâm chhia dai dárin,

Tui zàng khauh lakah hnehna a chang \hin,

Tuipui suamhmang leh thil chhe vakvai pawh,

Hmar arsi êng hnuaiah a tudawl \hin!

 

Hriatpuitu lawngin a sut hma loh zawng,

A  hriat chian lawngin a suasam hma leh,

A thahrui chakna a chhàh hma kha chuan,

Hnehtu lawnglêng, tuipui ngamtu a ni!

 

Thahrui chakna ni lo, hmuh theih loh thâ,

Thapui reng thawh lova mi tudawl thei,

Tuifinriat mawnga rûn rem tawh tura,

Thihna tem lova dam lai sûn ta chu!

 

Sûnna !

 

Aw thihna! lo hnai la mi han hnaih teh,

Thlanvawng kuangah muangte’n mi zâltir la,

Aw nunna thaw! nang paw’n mi liam san teh,

Nunrâwng hmel\ha mi hliamna a nâ lua!

 

Mipain a tih ngam chu! a cho chhuah,

I kâmchhuak tina thinrimna ka hmu,

I kâmchhuak erawh hriat thiam tura phuah,

Ka thinlung tâna ni ngai lo tur chu!

 

Aw hmêl\hatna! dawithiam mi aikaih thei,

Pathian zahngaihna aia mipa tân,

Thlakhlelh awm zawka insiam danglam thei,

Bumtu duhawm bera lo chang tân -

 

Rûl leh a tûr inkârah lo hnai suh!

Ka thinrim nghawk phakah lo kal hek suh!

 

Hun liamtaah !

 

Tuifinriat mawngah a ni, an thlak ni,

Ka hringnun hlimna leh lawmna chabi,

Tuipui thûk tak thim ber, tihên rual loh,

A panna kawng làma an chhilh bo hi!

 

Rorêlna thutluknaah ka hlimna leh,

Lalte lal\hutphah dupahte ka lawmna ber,

Mi hausate nawmchenna hmunah nen làm,

Aw, an awm lo, an awm mawlh lo ka ti!

 

Huan liamtate chuan ka lawm thurûk,

Hun kaltate pawhin ka hlimna bul,

Laih chhuah rual lohva an phum bo zawh ni,

Koh kir rual loh hun vei khat liamteah!

 

Khawharna !

 

Thlaler hnahthel, thli ro chhem lên chhem lên,

Riakmaw ianga belhbul tur vâi tak chu!

A then velna leilung hnâwng reng tawng lo,

Lei khi chat hrup hrut veltu hnah khawro!

 

Thlaler tuihna duhawm chawi lên thing buk,

A zâr hlim hnuaia sirva hahchawlhna,

Tuhrik leh maimawm làmin an belh \hin,

Thlalera dâng rote hahchawlhna \hin kha!

 

Ngêtin bumna hmanga a kêr chhiat hma,

Lungchim taka a nunrâwnna \angah,

A pawm tlei hma loh ni duhawmahte khân,

Khawharna reng a hmelhriat ngai si lo!

 

Tunah zawng, mi azawnga khawhar tawp,

Hnemtu reng tawnga mawi lo Vanlaitla!

 

A Blank Verse !

 

Hunbi khat chhûng hmangaihna saltangah,

Khawvel hmaa inchhal a lungmawl lua!

Hmangaihna; hun bi hnuaichhiah ni lovin,

Mahni zawk intihchhiatna nun nei chu!

 

Kum khat chhûng hripui veia inchhal chuan,

Kum a vei hmain a nun a thlah ang,

Chuvang, a kâmchhuak tu’n an awih lo ang,

Kum khat daih hri vei nun nei hek lo i!

 

 Lungngaihna dangte chuan laizawn neiin,

Lungngai tak chungin an lungchhiat theih hi,

Manganna hrang hrangte paw’n hringnunah,

A panin min pan zawk \hin a ni ngai.

 

Hmangaihna erawhin zawl a nei lo,

Laina leh chhûngkhat kual hnaivai nen làm!

Mahse, thirhip angin min hip tlat a,

Kan pumin a kâ-ah min lem zawk \hin.

 

Chuti hmangaihna chu hlimthla ni se,

Ka thinlungah eng thil nge lo thleng ta?

Hmangaihnain mi tuamhlawm ni ta la,

Thinlung kehsawmin mi hnutchhiah lo tur!

 

Hmangaihna chu lungngaihna phirpui mai,

Natna vawrtawp nena inlaichin tlat,

Chhiat vekna nena rual taka ke pen,

Hlimna tluantling la hmelhriat ngai lo chu!

Khawnvar Êng !

 

Khawnvar êng tak \hin kha,

Var\ian khuavel ang mai,

Chhak kâwlrâwna ni zung,

Ni thlarte'n an chei ang,

Chhun vanglai tak ang kha!

Tunah erawh thlan thim,

Tuifinriat tluka thim,

Êng reng chhun tlang zawh loh,

Thim lal fachuam duat lai,

A thlah zalen loh tur,

A kumkhaw sal ni ta chu!

I tel lo chuan...

 

Nunrâwnna, râwng taka mi chiltu chuan,

Kir lehna lamtluang reng a chhui mawlh lo,

Hringnun kal chhiar kim ni a awm ang maw?

Khuareiin nang thlah zai a rel lo’ng e.

 

Chinlem nei lo lunglênna thangvanah,

Hliamthla mi chhiah reh thei tawh lo tura’n,

Thinlai dam ni a her chhuak thei ang maw?

Nang ngaih banzai rel zawng ka thiam mawlh lo!

 

Aw nun hian engtin awmzia a neih ang?

I tel lo hringnun chhiar kim a har ngei,

Uitu nei lo va hmangaih thâmral tur,

Kei zawng ka ngai thiam thei mawlh lo va ni!

 

REVOIR

 

Châkna chawpa boral mek ka hringnun,

Hma lam pan tura chakna reng nei lo,

Thlakhlelh nun mitthi khuaa liam ta chu.

 

Duhthusam thâmral ta suangtuah nunah,

Beiseina mei talh êngtu vakvaiin,

Nguina thlarau chuan a chenchilh reng \hin.

 

Hmangaihna chu tawrhna nasa tak ang,

Hmangaih loh pawh lungngaihna mai a ni,

Huat ahneka hmangaih tial tialna chu.

 

Aw ka nunna, chhel takin nghak fan rawh,

Aw ka thlarau, chau mai lovin \ang rawh,

Aw ka tisa, tlawmin peih lo mai suh.

 

Ka chakna hnûkpui ber chu ka ngai a,

Ka phûrna kawltu chu ka thlahlel \hin,

Ka thlarau làmin amah an chák ni!

 

Mi mawl saltang

 

A tân thu chuan awmzia reng nei lovin,

Thutiam pawh tin ther tlukin a hlu lo,

A kâm chhuak feikibar ang niin,

Thinlung hliamtu a nih a in hre lo.

 

Chhechhamna chu nawhchizuar tiamkam ang,

Thu thlunna pawh pângla anga nghet lo,

Phuar zawmtu thir hrui, lazai sîn tak ang,

Mahni inkhawngaihnaa khat liam fo!

 

Hmar arsi anga nghet thinlung ngei chu,

Ek lûng ang maiin ka thinhrik zo va,

Ni anga danglam ngai lo ngaihtuahna,

Chu ngei chu ka chhiatna bul a ni ta!

 

Chakna chu kâwlah Ni anga liamin,

Thahrui pawh zan thimah a tlanchhia a,

Lungchimna chuan lungtenna a hringin,

Lungngaihna chuan thimah a hnutchhiah ta!

My muse, my fever…

 

Nang, sikserh natna ka hmangaih chu,

Thlakhlelh chitin renga ka thlakhlelh reng;

Dam lohna tizual thei apiang hmanga,

Inhnângfáka danglam thuai ṭhin chákna;

Dodaltu atân ka duhthusam chu,

Ka chhia ṭha hriatna nâ enkawltu chuan,

Ka hmangaih chu enkawl chiam mah se, a thu;

Zawma dam chákna reng ka nei si lo,

A damdawi chawh chhawrbawk lohnaah chuan;

Thinrima thi tura mi kalsanin,

Damna reng awm lohna hmun ka thleng ta;

Ka ngaihtuahna lam a bawraw zova,

Thutak reng ka pai tak loh chinah pawh;

Nang, ka natna chu i duhawm chungchuangin,

I êng no nalh ka la ti hle si a.

 

 

Ngawiveina!

 

Ani chu rakzu fir tui ber ang hian,

Kam chhûngah thlum taka inchiahzawpin;

Hrawka sâ thla riai riai, nawmna pai a,

Pumpui siam nuam \hin ang a ni si a.

 

Ani chu rimawi fân riai ang a ni,

Bengin lungchim taka a ngaihthlak a,

Tisa peng tinrenga mur rawn thlen a,

Lunglênna khawvel mi hruttirtu chu.

 

Chuvang chuan a ni, ngawlvei ang ka nih,

Ka kâ leh beng reng, nitin nâ an tawrh!

 

Oh My Memoirs

 

Engkim hmachhawn dan min zir thiamtir a,

Hringnuna favang nun duhawm laia lam thai dan,

Hringnun thlasik khaw vawt vin tawrh dam dan,

Hringnun nuihna lawmpui thiam dante nen,

Hringnun \ahna lungngaihpui thiam dan pawh,

Mahse, hmangaihna tawna khawsak dan,

A mi hrenna hruihrual tal chah dan leh,

A nunrâwnna leh ngaihzawn awmna laka,

Khawsak dan mumal leh mawihnai reng reng,

Aw, mi lo zirtir thiam mawlh si lo a!