Sᴀᴘʜᴏ ʀɪɴɢᴛᴜ Mɪᴢᴏ Kʀɪsᴛɪᴀɴ ﹗

             

        𝑀𝑎𝑘 𝑡𝑖𝘩𝑛𝑎 𝑒𝑚𝑎𝑤, 𝑎𝑤𝑚 𝑙𝑜 𝑡𝑖𝘩𝑛𝑎 𝑡𝘩𝑖𝑛𝑙𝑢𝑛𝑔 𝑙𝑖𝑎𝑛 𝑡𝑎𝑘 𝑖 𝑛𝑒𝑖𝘩 𝘩𝑚𝑎𝑖𝑛, 𝑛𝑔𝑢𝑛 𝑡𝑎𝑘𝑎 𝑛𝑔𝑎𝑖𝘩𝑡𝑢𝑎𝘩𝑛𝑎 𝘩𝑚𝑎𝑛𝑔 𝘩𝑚𝑎𝑠𝑎 𝑧𝑒𝑡 𝑡𝑢𝑟𝑖𝑛 𝑘𝑎 𝑓𝑢𝑖𝘩 𝑝𝘩𝑎𝑤𝑡 𝑑𝑢𝘩 𝑐𝘩𝑒 𝑎 𝑛𝑖. 𝐾𝑎𝑛 𝑘𝑜𝘩𝘩𝑟𝑎𝑛𝑎 𝑏𝑎𝑛 𝑝𝑎𝑤𝑖𝑚𝑎𝑤𝘩 𝑙𝑒𝘩 𝑟𝑖𝑛𝑡𝑙𝑎𝑘 𝑏𝑒𝑟 𝑏𝑒𝑟𝑡𝑒 𝑒𝑛𝑡𝑎𝑤𝑛 𝑙𝑒𝘩, 𝑐𝘩𝑎𝑘𝑛𝑎 𝘩𝑛𝑎𝑟 𝑝𝑎𝑘𝘩𝑎𝑡; 𝑆𝑎𝑝𝘩𝑜 𝑙𝑒𝘩 𝑘𝑒𝑖𝑛𝑖 𝑀𝑖𝑧𝑜 𝐾𝑟𝑖𝑠𝑡𝑖𝑎𝑛-𝑡𝑒 𝑖𝑛𝑙𝑎𝑖𝑐𝘩𝑖𝑛𝑛𝑎 𝑘𝑎𝑛 𝑠𝑎𝑤𝑖 𝑑𝑎𝑤𝑛 𝑚𝑖𝑎𝑢 𝑎𝑡𝑖𝑛 𝑛𝑖!

             𝑃𝑎𝑡𝘩𝑖𝑎𝑛𝑖𝑛 𝐴𝑏𝑟𝑎𝘩𝑎𝑚𝑎 𝘩𝑛𝑒𝑛𝑎 𝑡𝘩𝑢 𝑎 𝑡𝘩𝑙𝑢𝑛 𝑑𝑎𝑤𝑛 𝑡𝑒, 𝑀𝑜𝑠𝑖𝑎 𝘩𝑛𝑒𝑛𝑎 𝑡𝘩𝑢 𝑎 𝑡𝑖𝑎𝑚 𝑙𝑎𝑖 𝑡𝑒 𝑙𝑒𝘩, 𝘩𝑛𝑎𝑚 𝑡𝑖𝑛 𝘩𝑛𝑒𝑛𝑎 𝑡𝘩𝑢 𝑎 𝑡𝘩𝑙𝑢𝑛 𝑙𝑎𝑖 𝑘𝘩𝑎𝑛, 𝑡𝑢 𝑡𝘩𝑢 𝑧𝑖𝑎𝑘 𝑚𝑎𝘩, 𝑡𝑢 𝑟𝑖𝑛 𝑑𝑎𝑛 𝑚𝑎𝘩, 𝑡𝑢 𝘩𝑟𝑖𝘩 𝑓𝑖𝑎𝘩𝑛𝑎 𝑚𝑎𝘩 𝑎 𝑚𝑎𝑚𝑎𝑤𝘩 𝑙𝑜 𝑎. 𝐶𝘩𝑢𝑡𝑖𝑎𝑛𝑔 𝑏𝑎𝑤𝑘𝑖𝑛, 𝑡𝘩𝑢 𝑎 𝑣𝑎 𝑡𝘩𝑙𝑢𝑛𝑛𝑎𝑡𝑒 𝑝𝑎𝑤𝘩𝑖𝑛 𝑎𝑛 𝑚𝑎𝑚𝑎𝑤𝘩 𝑏𝑎𝑤𝑘 𝘩𝑒𝑘 𝑙𝑜. 𝐻𝑛𝑎𝑚 𝑎𝑧𝑖𝑟 𝑧𝑒𝑙 𝑧𝑎𝑤𝑘𝑖𝑛 𝑎𝑛 𝑡𝘩𝑖𝑛𝑙𝑢𝑛𝑔𝑎𝘩 𝑡𝘩𝑢 𝑎 𝑑𝑎𝘩 ţ𝘩𝑖𝑛 𝑎 𝑛𝑖 𝑠𝑖 𝑎.

             𝑀𝑖𝑧𝑜𝑟𝑎𝑚𝑎 𝑘𝑜𝘩𝘩𝑟𝑎𝑛 𝑙𝑖𝑎𝑛𝑡𝑒 𝑘𝑎𝑙𝑝𝘩𝑢𝑛𝑔 𝘩𝑖 𝑛𝑔𝑢𝑛 𝑡𝑎𝑘𝑖𝑛 𝘩𝑎𝑛 𝑧𝑖𝑟 𝑡𝑎 𝑙𝑎. 𝐵𝑎𝑖𝑏𝑢𝑙 𝑘𝑎𝑛 𝑧𝑖𝑟 𝑐𝘩𝑢𝑎𝑛 𝑆𝑎𝑝𝘩𝑜 𝑙𝑒𝘩𝑘𝘩𝑎𝑏𝑢 𝑧𝑖𝑎𝘩 𝑏𝑒𝘩𝑐𝘩𝘩𝑎𝑛𝑖𝑛 𝑡𝘩𝑢𝑡𝑙𝑢𝑘𝑛𝑎 𝑘𝑎𝑛 𝑠𝑖𝑎𝑚 𝑎. 𝑇𝘩𝑙𝑎𝑟𝑎𝑢 𝑇𝘩𝑖𝑎𝑛𝑔𝘩𝑙𝑖𝑚 𝑙𝑒𝘩 𝑎 𝘩𝑛𝑎𝑡𝘩𝑎𝑤𝘩 𝑑𝑎𝑛 𝑘𝑎𝑛 𝘩𝑚𝑒𝑙𝘩𝑟𝑖𝑎𝑡 𝑝𝑎𝑤𝘩𝑖𝑛, 𝑆𝑎𝑝𝘩𝑜 𝑡𝘩𝑢 𝑙𝑒𝘩 𝘩𝑙𝑎 𝑎ţ𝑎𝑛𝑔𝑖𝑛 𝑡𝑒𝘩𝑓𝑢𝑛𝑔 𝑘𝑎𝑛 𝑟𝑢𝑎𝑖 𝑎. 𝐾𝑜𝘩𝘩𝑟𝑎𝑛 𝑘𝑎𝑙𝑝𝘩𝑢𝑛𝑔 𝑙𝑒𝘩 𝑖𝑛𝑘𝑎𝑖𝘩𝘩𝑟𝑢𝑎𝑖𝑛𝑎 𝑟𝑒𝑛𝑔 𝑟𝑒𝑛𝑔, 𝑆𝑎𝑝𝘩𝑜 𝑡𝑖𝘩𝑑𝑎𝑛 𝑘𝑎𝑛 𝑒𝑛𝑡𝑎𝑤𝑛 ţ𝘩𝑖𝑛.

             𝑃𝑎𝑡𝘩𝑖𝑎𝑛 𝑡𝘩𝑢 𝑡𝘩𝑖𝑎𝑚𝑡𝑒’𝑛 𝐵𝑎𝑖𝑏𝑢𝑙 𝘩𝑟𝑖𝑙𝘩 𝑓𝑖𝑎𝘩𝑛𝑎 𝑙𝑒𝘩 𝐷𝑖𝑘𝑠𝑎𝑤𝑛𝑎𝑟𝑖 𝑎𝑛 𝑏𝑢𝑎𝑡𝑠𝑎𝑖𝘩 𝑣𝑒𝑡𝑒 𝑝𝑎𝑤𝘩, 𝑆𝑎𝑝𝘩𝑜 𝑡𝘩𝑢 𝑙𝑒𝘩 𝘩𝑙𝑎 𝑎ţ𝑎𝑛𝑔𝑎 𝑐𝘩𝑎̂𝑘 𝑙𝑎 𝑧𝑒𝑡𝑖𝑛 𝑎𝑛 𝑏𝑢𝑎𝑡𝑠𝑎𝑖𝘩 𝑡𝑎 𝑧𝑒𝑙 𝑎. 𝑃𝑎𝑡𝘩𝑖𝑎𝑛 𝑛𝑖𝘩𝑛𝑎 𝑡𝑒, 𝑃𝑎𝑡𝘩𝑖𝑎𝑛𝑎 𝑚𝑖 𝑝𝑎𝑡𝘩𝑢𝑚 𝑒𝑚𝑎𝑤 𝑃𝑎𝑡𝘩𝑖𝑎𝑛 𝑝𝑎𝑘𝘩𝑎𝑡 𝑡𝘩𝑢 𝑡𝘩𝑙𝑒𝑛𝑔𝑖𝑛, 𝑆𝑎𝑝𝘩𝑜 𝘩𝑟𝑖𝑙𝘩 𝑓𝑖𝑎𝘩𝑛𝑎 𝑎ţ𝑎𝑛𝑔𝑖𝑛 𝑘𝑎𝑛 𝑖𝑛𝑘𝑒𝑢 𝑐𝘩𝑎𝑤𝑝 𝑎. 𝐻𝑟𝑒 𝑏𝑒𝑟 𝑛𝑖 𝑡𝑎-𝑎 𝑖𝑛𝑛𝑔𝑎𝑖𝑖𝑛 𝑘𝑎𝑛 𝑖𝑛𝘩𝑛𝑖𝑎𝑙 𝑙𝑢𝑖𝘩 𝑙𝑢𝑖𝘩 ţ𝘩𝑖𝑛!

             𝐶𝘩𝑢 𝑆𝑎𝑝𝘩𝑜 𝑟𝑖𝑛𝑐𝘩𝘩𝑎𝑛𝑛𝑎 𝑛𝑢𝑛 𝑎ţ𝑎𝑛𝑔 𝑐𝘩𝑢𝑎𝑛 𝑟𝑖𝑛𝑛𝑎 𝑡𝑢𝑘𝑣𝑒𝑟𝘩𝑎𝘩 𝑘𝑎𝑛 𝑑𝑎̂𝑘 𝑐𝘩𝘩𝑢𝑎𝑘𝑎, 𝑟𝑖𝑛𝑛𝑎 𝑘𝘩𝑎𝑤𝑣𝑒𝑙 𝑘𝑎𝑛 𝑡𝘩𝑙𝑖𝑟 𝑡𝑎 𝑎. 𝐾𝑎𝑛 𝑃𝑎𝑡𝘩𝑖𝑎𝑛 𝑡𝘩𝑢𝑖𝑛 𝘩𝑚𝑎𝑠𝑎̂𝑛𝑔 𝑎𝑡𝑎 𝑡𝑎𝑤𝘩 𝘩𝑛𝑎𝑚 𝑧𝑒 𝑡𝑖𝑛, 𝑎𝑛 𝘩𝑛𝑎𝑚 𝑚𝑖𝑙𝑝𝑢𝑖 𝑧𝑒𝑙𝑖𝑛 𝑎𝑛 𝘩𝑛𝑒𝑛𝑎𝘩 𝑎 𝑖𝑛𝑝𝑢𝑎𝑛 ţ𝘩𝑖𝑛 𝑡𝘩𝑢 𝑎 𝑙𝑜 𝑠𝑎𝑤𝑖𝑡𝑒 𝑐𝘩𝑢𝑎𝑛, 𝑘𝑎𝑛 𝑡𝘩𝑖𝑛𝑙𝑢𝑛𝑔 𝑎 𝑠𝑎𝑤𝑖 𝑛𝑔𝘩𝑖𝑛𝑔 𝑧𝑜 𝑡𝑎 𝑚𝑒𝑢𝘩 𝑙𝑜. 𝐻𝑒 𝑆𝑎𝑝𝘩𝑜 𝑟𝑖𝑛𝑛𝑎 𝑛𝑢𝑛 𝑎ţ𝑎𝑛𝑔 𝘩𝑖𝑎𝑛 𝑎 𝑛𝑖, 𝐾𝑟𝑖𝑠𝑡𝑖𝑎𝑛 ţ𝘩𝑒𝑢𝘩 ţ𝘩𝑒𝑢𝘩 𝑠𝑖 𝘩𝑖 𝑘𝑎𝑛 𝑑𝑎𝑟𝘩𝑠𝑎𝑟𝘩 𝑡𝑎𝑘 𝑛𝑢𝑎𝑖 𝑟𝑒𝑛𝑔 𝑛𝑖!

             𝐶𝘩𝑢𝑣𝑎𝑛𝑔 𝑡𝑎𝑘 𝑐𝘩𝑢𝑎𝑛 𝑘𝘩𝑎𝑤 𝑙𝑎𝑖𝑎𝘩 𝑃𝑎𝑡𝘩𝑖𝑎𝑛 𝑐𝘩𝘩𝑖𝑎𝘩𝘩𝑙𝑎𝑤𝘩𝑡𝑒 𝑎𝑛 𝑙𝑜 𝑎𝑢 𝑎, 𝑚𝑖𝑖𝑛 𝑘𝑎𝑛 𝘩𝑛𝑎𝑚 𝑐𝘩𝑢𝑛𝑔𝑎 𝑃𝑎𝑡𝘩𝑖𝑎𝑛 𝑡𝘩𝑢, 𝑎 𝘩𝑛𝑒𝑛 𝑎ţ𝑎𝑛𝑔𝑎 𝑣𝑎𝑢𝑛𝑎 𝑡𝘩𝑢𝑡𝑒 𝑙𝑒𝘩 𝘩𝑟𝑖𝑙𝘩 𝑙𝑎𝑤𝑘𝑛𝑎 𝑡𝘩𝑢 𝑎𝑛 𝑝𝑢𝑎𝑛 𝑙𝑒𝘩 𝑠𝑎𝑤𝑖𝑡𝑒 𝑟𝑒𝑛𝑔 𝑟𝑒𝑛𝑔, 𝑀𝑖𝑧𝑜 𝘩𝑛𝑎𝑚 𝑏𝑖𝑙 𝑏𝑖𝑘 𝘩𝑛𝑒𝑛𝑎 𝑎 𝑝𝑒̂𝑘𝑡𝑒 𝑝𝑎𝑤𝘩 𝑚𝑖 𝑡𝑎𝑚 𝑧𝑎𝑤𝑘 𝑐𝘩𝑢𝑎𝑛 𝑡𝘩𝑙𝑎𝑟𝑎𝑢 𝑠𝑢𝑎𝑙 𝘩𝑛𝑎𝑡𝘩𝑎𝑤𝘩𝑎𝘩 𝑛𝑔𝑎𝑖𝑖𝑛, 𝑆𝑎𝑝𝘩𝑜 𝑟𝑖𝑛𝑔𝑡𝑢 𝑀𝑖𝑧𝑜 𝐾𝑟𝑖𝑠𝑡𝑖𝑎𝑛 𝑏𝑒𝑛𝑔 𝘩𝑖𝑎𝑛 𝑎 𝑛𝑔𝑎𝑖𝑡𝘩𝑙𝑎 𝑡𝘩𝑖𝑎𝑚 𝑡𝑎 𝑟𝑒𝑛𝑔 𝑟𝑒𝑛𝑔 𝑙𝑜 ţ𝘩𝑖𝑛 𝑎 𝑛𝑖𝘩 𝘩𝑖!

             𝐻𝑒 𝑆𝑎𝑝𝘩𝑜 𝑟𝑖𝑛𝑛𝑎 𝑛𝑢𝑛 𝑎ţ𝑎𝑛𝑔 𝑣𝑒𝑘 𝘩𝑖𝑎𝑛 𝑀𝑎𝑡𝑡𝘩𝑎𝑖𝑎 𝟤𝟣:𝟥𝟥 𝑡𝘩𝑢𝑎, ‘𝐺𝑟𝑒𝑝 𝘩𝑢𝑎𝑛 𝑡𝘩𝑙𝑎𝑤𝘩 𝘩𝑙𝑎𝑤𝘩 𝑡𝑒𝘩𝑘𝘩𝑖𝑛 𝑡𝘩𝑢’ 𝑎𝑤𝑚𝑧𝑖𝑎, 𝐿𝑎𝑙 𝐼𝑠𝑢𝑎 𝑛𝑔𝑒𝑖𝑖𝑛 𝐼𝑠𝑟𝑎𝑒𝑙 𝑝𝑢𝑖𝑡𝘩𝑖𝑎𝑚 𝑙𝑎𝑙𝑡𝑒 𝑙𝑒𝘩 𝑃𝘩𝑎𝑟𝑖𝑠𝑎𝑖𝑡𝑒 𝘩𝑛𝑒𝑛𝑎𝘩, ‘𝑃𝑎𝑡𝘩𝑖𝑎𝑛 𝑟𝑎𝑚 𝑐𝘩𝑢 𝑖𝑛 𝘩𝑛𝑒𝑛 𝑎𝑡𝑎  𝑙𝑎𝑘𝑠𝑎𝑘 𝑎 𝑛𝑖 𝑎𝑛𝑔 𝑎, 𝑎 𝑟𝑎𝘩 𝑐𝘩𝘩𝑢𝑎𝘩 𝑡𝑢𝑟 𝘩𝑛𝑎𝑚 𝘩𝑛𝑒𝑛𝑎𝘩 𝑝𝑒̂𝑘 𝑎 𝑛𝑖 𝑎𝑛𝑔’ 𝑎 𝑡𝑖𝘩 𝑡𝘩𝑢𝑡𝑒 𝑝𝑎𝑤𝘩, 𝘩𝑎𝑛 𝑐𝘩𝘩𝑖𝑎𝑟 𝑛𝑎𝑤𝑛 𝑙𝑒𝘩 ţ𝘩𝑖𝑛 𝑡𝑒𝘩.

             𝐼𝑠𝑟𝑎𝑒𝑙 𝘩𝑟𝑢𝑎𝑖𝑡𝑢𝑡𝑒’𝑛 𝑎𝑛𝑚𝑎𝘩𝑛𝑖 𝑐𝘩𝑢𝑛𝑔𝑐𝘩𝑎𝑛𝑔 𝑡𝘩𝑢, 𝘩𝑚𝑎̂𝑛𝑎 𝑎𝑛 𝘩𝑛𝑒𝑛𝑎 𝑃𝑎𝑡𝘩𝑖𝑎𝑛𝑖𝑛 𝑡𝘩𝑢 𝑎 𝑡𝘩𝑙𝑢𝑛 𝑙𝑎𝑘𝑠𝑎𝑘 𝑎𝑛 𝑛𝑖𝘩 𝑑𝑎𝑛 𝑙𝑒𝘩, 𝘩𝑛𝑎𝑚 𝑑𝑎𝑛𝑔 𝘩𝑛𝑒𝑛𝑎 𝑝𝑒̂𝑘 𝑎 𝑛𝑖𝘩 𝑑𝑎𝑤𝑛 𝑡𝘩𝑢 𝑙𝑎𝑙 𝐼𝑠𝑢𝑎’𝑛 𝑎 𝑠𝑎𝑤𝑖 𝑡𝑖𝘩 𝑎𝑛 𝘩𝑟𝑖𝑎𝑡 𝑓𝑖𝑎𝘩 𝑛𝑔𝑒𝑖 𝑝𝑎𝑤𝘩, 𝑘𝑒𝑖𝑛𝑖 𝑐𝘩𝑢𝑎𝑛 𝑘𝑎𝑛 𝘩𝑟𝑒 𝑡𝘩𝑖𝑎𝑚 𝑡𝘩𝑒𝑖 𝑡𝑎 𝑙𝑜 𝑎 𝑛𝑖𝘩 𝘩𝑖! 𝑃𝑒𝑛𝑖𝑒𝑙 𝘩𝑚𝑢𝑛𝑎 𝐽𝑎𝑘𝑜𝑏𝑎’𝑛 𝑃𝑎𝑡𝘩𝑖𝑎𝑛 𝑡𝘩𝑢𝑡𝘩𝑙𝑢𝑛𝑔 𝑙𝑎 𝑡𝑢𝑟𝑎 𝘩𝑟𝑢𝑎𝑖𝑎 𝑎 𝑎𝑤𝑚 𝘩𝑟𝑎𝑛 𝑑𝑎𝑛 𝑐𝘩𝑎𝑛𝑐𝘩𝑖𝑛𝑡𝑒 𝑝𝑎𝑤𝘩𝑖𝑛, 𝘩𝑒 𝘩𝑛𝑎𝑚 𝘩𝑖 𝑎 𝑏𝑒𝑛𝑔 𝘩𝑎𝑟𝘩 𝑧𝑜 𝑡𝑎 𝑙𝑜 ţ𝘩𝑖𝑛 𝑟𝑒𝑛𝑔 𝑎 𝑛𝑖𝘩 𝘩𝑖!

             𝑃𝑎𝑡𝘩𝑖𝑎𝑛 𝑛𝑖𝘩𝑛𝑎 𝑡𝑒, 𝘩𝑛𝑎𝑚 𝑡𝑎̂𝑛𝑎 𝑘𝑎𝑤𝑛𝑔 𝑎 𝑏𝑢𝑎𝑡𝑠𝑎𝑖𝘩 𝑡𝑒, 𝐵𝑎𝑖𝑏𝑢𝑙 𝘩𝑟𝑖𝑎𝑡 𝑡𝘩𝑖𝑎𝑚𝑛𝑎 𝑙𝑒𝘩 𝘩𝑛𝑎𝑚 𝑎𝑛𝑔𝑎 𝑚𝑖𝑛 𝑑𝑖𝑛 𝑐𝘩𝘩𝑎𝑛𝑡𝑒 𝘩𝑖, 𝑀𝑖𝑧𝑜 𝑎𝑛𝑔 𝑡𝑎𝑘𝑎 𝘩𝑟𝑖𝑎𝑡 𝑓𝑖𝑎𝘩 𝘩𝑢𝑛 𝑘𝑎𝑛 𝑛𝑒𝑖𝘩 𝑛𝑖 𝑎 𝑙𝑎 𝑡𝘩𝑙𝑒𝑛𝑔 𝑛𝑔𝑒𝑖 𝑎𝑛𝑔 𝑡𝑖𝘩 𝑎 𝑟𝑖𝑛𝑎𝑤𝑚. 𝐸𝑛𝑔𝑘𝑖𝑚 𝑙𝑎𝑛 𝑓𝑖𝑎𝘩 𝘩𝑢𝑛 𝑝𝑎𝑤𝘩 𝑘𝑎𝑛 𝘩𝑚𝑎 𝑙𝑎𝑤𝑘𝑎𝘩 𝑎 𝑎𝑤𝑚 𝑛𝑔𝑒𝑖 𝑎𝑛𝑔. 𝐴 𝑐𝘩𝘩𝑎𝑛 𝑝𝑎𝑤𝘩 𝑎 𝑛𝑎𝑤𝑙𝑝𝑢𝑖 𝑎𝑛𝑔𝑖𝑛 𝘩𝑒 𝑡𝘩𝑢 𝘩𝑖 𝘩𝑟𝑒 𝑡𝘩𝑖𝑎𝑚 𝑙𝑜 𝑓𝑎𝑖 𝑣𝑒𝑘 𝑘𝑎𝑛 𝑛𝑖 𝑠𝑖 𝑙𝑜 𝑎! 

Self Sin !

A Blank Verse !

Hun bi khat chhûng hmangaihna saltanga,

Khawvel hmaa inchhal a lungmawl lua!

Hmangaihna; hun bi hnuaichhiah ni lovin,

Mahni zawk intihchhiatna nun nei chu!

Kum khat chhûng hripui veia inchhal chuan, 

Kum a vei hmain a  nun a thlah ang,

Chuvang, a kamchhuak tu’n an awih lo ang,

Kum khat daih hri vei nun nei hek lo i!

 Lungngaihna dangte chuan laizawn neiin,

Lungngai tak chungin an lungchhiat theih hi,

Manganna hrang hrangte paw’n hringnunah,

A panin min pan zawk ţhin a ni ngai.

Hmangaihna erawhin zawl a nei lo,

Laina leh chhûngkhat kual hnaivai nen làm!

Mahse, thirhip angin min hip tlat a,

Kan pumin a kâ-ah min lem zawk ţhin. 

Chuti hmangaihna chu hlimthla ni se,

Ka thinlungah eng thil nge lo thleng ta?

Hmangaihnain mi tuamhlawm ni ta la,

Thinlung kehsawmin mi hnutchhiah lo tur!

Hmangaihna chu lungngaihna phirpui mai,

Natna vawrtawp nena inlaichin tlat,

Chhiat vekna nena rual taka ke pen,

Hlimna tluantling la hmelhriat ngai lo chu!

Hmangaihna Tuipui Fawn

(Forgotten Memoirs)

          Chu hun dangdai tak, leilung mawina leh duhawmna zawng zawng an tualchai hunah chuan; Thla chu tuipui kotlang aţangin muang fân raihin, vanlaizâwl pan turin khawvel pang leh lama a chawlh hahdamna hmun ata a rawn chhuak páw pheu a. Mitin a thlir phak chin tui thûk tak, dum kûk mai chu êng zùng hrang hrangte’n mawi takin an rawn chhun harh ta a!

       Ni thlârin tui fawn a chhun ên sep septe chu, bung hrang hrangah inţhen darhin, hmuhnawm êm êmin tuipui zau takah chuan an fawn darh ta siau siau mai a. Tui thûk lam pana tui fawn phei thliah thliahte chu êng zùng, râwng hrang inpawlh chiatte’n inchawih taka an chei laia khawvel mawina chu, mihring ţawnga sawi chhuah thiam rual loh khawpa hmuhnawm a ni. 

        Chu hun duhawm zual lai tak chuan; Ni pawh chuan kâwlkil tawp atangin min mangţha ve niawm takin, vawi khat chu a êng a rawn chhuah leh zuai a. Kâwlkil tawp aţanga vanlaizâwl thlenga van inkhawh chhuak chu, van kawngkâ rawn in hawng aţangin Siamtu ropuina leh mawina an rawn luang chhuak ta emaw tih mai turin, râwng sen, a sendâng leh a engte’n an pawlh ta chiat a!

        Tuipui fawn velte pawh chu râwng var, tle sep sep angin hmun tinah an in kap darh ta séng séng a. Kâwla ni thlâr lan dang danglam ang zelin, tui fawn lan dante pawh an in thlak danglam chhawk ta a. He huna Siamtu’n râwng chi hrang hrang a siamte’n, ngaihnobei taka min awmtlei dan leh ka mit hmuhna min rûksak vek dan chu sawi fiahna ţawngkamin a  sawi fiah zo mawh lo!

        Leilung siam tirh, hun bul inţan laia Siamtu’n a thil siam tinreng, lungawi taka a duhthusam an nihzia min hrilh ang mai kha a ni ta ve ang! Tichuan, ni pawh chu kâwlkil pang leh lamah hahchawl tawh turin, muangchangin a tawlh liam ta riai riai a. Darkâr khat lek pawh khawvelin mawina a hloh ngaingam lo niawm takin, zan lalnu duhawm ber chuan a zawlpui ni liam ta ai a rawn awh ta thuai a.

          Vanlaizâwl panna kawng zawha a êng no chék mai chu, nula duhawm takin lemchan dawhsâna ke a chhep ang maiin, a nozia sawi fiah thiam chi a ni lul lo! Zan boruak chu remna thlifimin a rawn tuam chho ta nghal bawk a. Arsite chuan ri mawi chhuah si lovin, an ênna kaltlangin thlain vanzâwl a panna thlasik ţumkawngte chu an lo kâp de neuh neuh a, vanzâwlah lam an thai tlang ta!

         Chu zan hun hriat reng hlawh tawh turah chuan, tlâng chhipa phul hmun zawl duaia ka âwm nghengtu hmeichhia chu, duat takin ka kuah nghet sauh a. Ka hmui pianzia nena inhmeh kumkhua tura Siamtu’n a bik taka mi siamsak nia ka hriat, a hmui kual no tak ka han fawh laite chuan, arsite chu lo hnai thar ta riau hian ka hria a. Van pawh chu ban phak maia hnaiah a rawn inhnuk hniam niin ka hre ta hial a!

Lingering Memoirs

       A hun thu hlaah chuan Favang hun nuam takin thlasik lam pana a hun a singsak lai vel niin boruak pawh a vawt nuam ţan khawp mai.

        Tlai lam niin kan piahah chuan Reiek tlang a cham phei duai a. Kawt zawl, phul hring cham diai chunga kan lên laia ngaihngam taka ka kawnga min kuah a, ka dara muang taka a lu nghattu chuan lung a tiawi hliah hliah mai a ni.

        A ţawng sep septe chuan daifimin phaitual hnimte hnena an mamawh a phuhruk sak ţhin ang maiin ka thinlung an tiharh thar zual a. A ţawng paha a der ni hauh lo va a han nui her herte chuan ni zûngin pangpâr hnena chaw a pe ang maiin chakna thar diai min pe a nih kha.

         Khawvel mawina tizual tur tawk chiahin a rim a tui a, rim dang reng hre tawh ngai lo tur pawh ni ila, ka vui ngaiin ka inring lo. Hlimna dik leh hmangaihna tak zawnga zinkawng thui tak zawh a, beidawng taka hun ka hman liam ţhin laia ka hnena chu angel rawn tirtu chu thlarau sual pawh lo ni mah se, lawmthu ka hrilh tho ngei ang.

         A sam a ţawn bu leh siau ţhinte chuan lungawina hmunah min chentir a. A mitmeng lian lam dum ţha takah chuan khawvel thar ka hmu ţhin. A kâreh zau nalh tak mai han nui mawizia kha aw! A bula ka awm phawt kha chuan thil engkim mai khan awmze duhawm tak an nei vek kha a ni a! Kâwla tlai ni tla êng mawi ber aia hmuhnawm chu ka en kham thei mawlh lo va ni.

         Amah vangin hma lam hun ruahmanna chuan awmze dik an neiin naktuk thlirlawkna pawh a dik vel vek a nih kha. Kâr lo awm tur leh thla lo thar turte chu nghahhlelhawm takin awmzia an nei vek hian a hriat a. Nitin kha a bulah chuan hun nuam ber an ni vek ta ţhin a ni. A ni, kha mi ni leh zanah khan a vawi khat nân ka nunah hmangaihna zia dik tak, a nihna duhawm ber leh nawmna azawnga nuam ber mai chu ka tawn a, ka tem tak ni.

     Tunah erawh hmân an ni ta mai si a.