𝑍𝑎𝑤𝘩𝑛𝑎 & 𝐶𝘩𝘩𝑎𝑛𝑛𝑎

 

Ka hmangaihna che thlipui hrâng nâ lutuk khân,

            a tihlau che em ni?

Chu chu em ni hnunglam hawi kir tawh lova,

            min kalsan chhan?

Ka atchilhna che sik leh sa nasa lutuk kha,

            i tuar zo lo em ni?

Chu chu em ni nang nena thu kan tiam dun,

            i sût chhan?

Chuti kaua hmangaihna inlumlet nasa vang chuan,

        i hlauthawngin min kalsan ta maw?

A pawi lo ve. 

Ka thinlung erawh kumkhua atân i liampui tel tih erawh,

        i hre reng ţhin dawn nia.

𝓡𝓲𝓵𝓻𝓾 𝓑𝓾𝓪𝓲𝓷𝓪 !

Nangmaha fel lohna, i hming chhiatna,
Ngêtin pangpâr a tihvuaina ngei chu,
Thiam taka thup boin i vûl ni le!

Lang thei duhawmnate'n i hliah khuh a,
I nihnaa puhtu puhna che làm,
Fakna hla mawiah i chhuah tak ţhin hi!

Nangmahah khawlohna chu nuamsain,
A tâna i siam biakbûkah chengin,
I duhawmnain i hliah bo hneh e!

Nimahsela, ka duh tak fimkhur rawh,
I pawn lam mawina i hman khawloh chuan,
Chem, a hriamna hloh ang mai i ni ang!