My loveliest muse...

     Manganna thla khawng ri a nat luat châng te, mahni inkhawngaiha ka kun tlawk tlawk châng te, khawharnain thlipui ang maia mi chhem châng te hian, suangtuahna mitthlaa nang nena lêng dunah inngaiin, hriatna ka hloh lo hram ţhin!

     Phiarruknain zan thim, sual zalen taka an chetna hnuaiah leh zel pawh, a hmêl hmang a la thup ţhin ang maiin hun liam ta theihnghilh theihna chu, ka lakah a inthup tlat a. A tlatna mual thim lutuk vangin ka zawng hmu zo mawlh lova ni!

      Hmangaihna mawlh hi, chhun ên vanglai ang maiin ka nunah a inlâr leh ţhin a. Khawngaihna nun chuan, ka mitin i hmel duhawm a tih vanga a thlir nin theih loh tluk zetin mi kalsan thei si lo.  

      I hlimthla mai pawh hian ruahphingphisiau a han sûr zawh a, chhimbal zâm kâr aţanga ni zungin lumna min thlen ţhin ang maiin, ka nunah nawmna min thlen châng hi chuan, khawvel hi a duhawm thar lehin nun hial pawh ka thlakhlelh zual phah ţhin.

Oᕼ ᗰY ᗰᑌSᕮ !

Hreawm tuar hnena dawhtheihna sawi chu,
Lazai pawh chhum tluka awlsam niin,
Mi vakvai hnena fimkhur thu sawi pawh,
Thlasik hnuaia sirva zai thawm ngaihthlak nen!

Khawhar tur renga tawnhriat a paltlang,
Inkiltawih reng renga khawsaktirtu,
A hnung lam hawia khawvel a hnuchhawn chhan,
Hriat fiahna nen amah i bel reng em?

Khuanu ţhalbe hnuaia enkawl a hmêl,
Arsi leh thla ênna hlipa an thuam,
Siamtirh khuavel duhawmna a chhawm nen,
Chuti chunga lungngai khawhar duhawm!

𝙻𝚞𝚗𝚐𝚕𝚎̂𝚗 𝚊 𝚣𝚞𝚊𝚕 𝚌𝚑𝚞𝚊𝚗𝚐 𝚎 !

Pang a dam lo lunglai a zîng ruai,
Chhun ni a rei zan mu lah ka chhing thei lo,
Min hnem ţhin Lalngo, khawiah i ţuan?

Chunglûm huivate, ka tir ang che,
Hmar tlângpui mawitu tawnah va hril ta la,
I zûn bân chhâwl ang a uai ti rawh.

Keia thinlai chhum ang zîng chiai e,
Ka lûngdi khan min la ngai ve ţhin tak maw e?
Ka biak loh khua reng a sei zo ta.

ᗰY ᗪᕮᗩᖇᕮST ᗰᑌSᕮ

Hun inchherchhuan laktlak loh thlir chângin,
Mi bik zinga chungnun ber, i ziarâng,
Mit la fal nalh chu chiang taka hmuin,
Langsâr taka tarlan i fuke kim,
I sam, hmui, mit, kâreh, leh chawnbante'n,
Hmakhawsâng ata hmêlţha an hril chu,
Tun huna hrilh lâwkna tidiktuah,
An lo chhuah reng che a ni zawk si a,
I kimtlang duhawm takte chu zanah,
Mumang hmanga hmuh lâwktira awmin,
Lehkhatui hmangin an puang a lo ni,
Kei zawng thiamna reng nei lo hla hriltu,
I hlimthla puang chhuak thiam ngai lo tur chu.

𝐏𝐚𝐭𝐡𝐢𝐚𝐧𝐭𝐞 𝐟𝐚𝐧𝐮 (Casa Laltlankimi Fanai)

Zing chhuak hlim ianga duhawm leh nalh chu,
Zan thim ngainatawm lohna la kiangtu;
Chawngtinleri let thuma duhawm chu,
Ţhuva nunnêm zaidam kimtlang putu.

A hmaifanga chhimbal zâm kai chiai chu,
A heh, cherry sen tai duhawm iang saw;
Saingho ang maia a vun var sár mai,
A ruangam, meihle kung iang tlawn nalh chu.

Tlâng chhipa ngainatna tui mal luang chuan,
Tuipui a panna kuang zauh thla zelin;
Ngainatna tui pung zelin an so phuan,
Tuipui chhûngril duhawm an thlen thlengin. 

𝐌𝐢 𝐦𝐚𝐰𝐥 𝐬𝐚𝐥𝐭𝐚𝐧𝐠

𝖠 𝗍𝖺̂𝗇 𝗍𝗁𝗎 𝖼𝗁𝗎𝖺𝗇 𝖺𝗐𝗆𝗓𝗂𝖺 𝗋𝖾𝗇𝗀 𝗇𝖾𝗂 𝗅𝗈𝗏𝗂𝗇,
𝖳𝗁𝗎𝗍𝗂𝖺𝗆 𝗉𝖺𝗐𝗁 𝗍𝗂𝗇 𝗍𝗁𝖾𝗋 𝗍𝗅𝗎𝗄𝗂𝗇 𝖺 𝗁𝗅𝗎𝗍 𝗅𝗈,
𝖠 𝗄𝖺̂𝗆 𝖼𝗁𝗁𝗎𝖺𝗄 𝖿𝖾𝗂𝗄𝗂𝖻𝖺̂𝗋 𝖺𝗇𝗀 𝗇𝗂𝗂𝗇,
𝖳𝗁𝗂𝗇𝗅𝗎𝗇𝗀 𝗁𝗅𝗂𝖺𝗆𝗍𝗎 𝖺 𝗇𝗂𝗁 𝖺 𝗂𝗇𝗁𝗋𝖾 𝗅𝗈.

𝖢𝗁𝗁𝖾𝖼𝗁𝗁𝖺𝗆𝗇𝖺 𝖼𝗁𝗎 𝗇𝖺𝗐𝗁𝖼𝗁𝗂𝗓𝗎𝖺𝗋 𝗍𝗂𝖺𝗆𝗄𝖺𝗆 𝖺𝗇𝗀,
𝖳𝗁𝗎 𝗍𝗁𝗅𝗎𝗇𝗇𝖺 𝗉𝖺𝗐𝗁 𝗉𝖺̂𝗇𝗀𝗅𝖺 𝖺𝗇𝗀𝖺 𝗇𝗀𝗁𝖾𝗍 𝗅𝗈,
𝖢𝗁𝗂𝗅𝗁 𝗄𝗁𝖺𝗐𝗆𝗍𝗎 𝗁𝗋𝗎𝗂𝗁𝗋𝗎𝖺𝗅, 𝗅𝖺 𝗓𝖺𝗂 𝗌𝗂̂𝗇 𝗍𝖺𝗄 𝖺𝗇𝗀,
𝖬𝖺𝗁𝗇𝗂 𝗂𝗇𝗄𝗁𝖺𝗐𝗇𝗀𝖺𝗂𝗁𝗇𝖺𝖺 𝗄𝗁𝖺𝗍 𝗅𝗂𝖺𝗆 𝖿𝗈!

𝖧𝗆𝖺𝗋 𝖺𝗋𝗌𝗂 𝖺𝗇𝗀𝖺 𝗇𝗀𝗁𝖾𝗍 𝗍𝗁𝗂𝗇𝗅𝗎𝗇𝗀 𝗇𝗀𝖾𝗂 𝖼𝗁𝗎,
𝖤𝗄 𝗅𝗎̈𝗇𝗀 𝖺𝗇𝗀 𝗆𝖺𝗂𝗂𝗇 𝗄𝖺 𝗍𝗁𝗂𝗇𝗁𝗋𝗂𝗄 𝗓𝗈 𝖺,
𝖭𝗂 𝖺𝗇𝗀𝖺 𝖽𝖺𝗇𝗀𝗅𝖺𝗆 𝗇𝗀𝖺𝗂 𝗅𝗈 𝗇𝗀𝖺𝗂𝗁𝗍𝗎𝖺𝗁𝗇𝖺,
𝖢𝗁𝗎 𝗇𝗀𝖾𝗂 𝖼𝗁𝗎 𝗄𝖺 𝖼𝗁𝗁𝗂𝖺𝗍𝗇𝖺 𝖻𝗎𝗅 𝖺 𝗇𝗂 𝗍𝖺!

𝖢𝗁𝖺𝗄𝗇𝖺 𝖼𝗁𝗎 𝗄𝖺̂𝗐𝗅𝖺𝗁 𝗇𝗂 𝖺𝗇𝗀𝖺 𝗅𝗂𝖺𝗆𝗂𝗇,
𝖳𝗁𝖺𝗁𝗋𝗎𝗂 𝗉𝖺𝗐𝗁 𝗓𝖺𝗇 𝗍𝗁𝗂𝗆𝖺𝗁 𝖺 𝖻𝗂𝖻𝗈 𝗍𝖺,
𝖫𝗎𝗇𝗀𝖼𝗁𝗂𝗆𝗇𝖺 𝖼𝗁𝗎𝖺𝗇 𝗅𝗎𝗇𝗀𝗍𝖾𝗇𝗇𝖺 𝖺 𝗁𝗋𝗂𝗇𝗀𝗂𝗇,
𝖫𝗎𝗇𝗀𝗇𝗀𝖺𝗂𝗁𝗇𝖺 𝖼𝗁𝗎𝖺𝗇 𝗍𝗁𝗂𝗆𝖺𝗁 𝖺 𝗁𝗇𝗎𝗍𝖼𝗁𝗁𝗂𝖺𝗁 𝗄𝗁𝖺!

𝐈 𝐤𝐧𝐨𝐰 𝐧𝐨𝐭𝐡 𝐭𝐡𝐞 𝐚𝐧𝐬𝐰𝐞𝐫 !

 

PHURRIT DUHAWM BER !

 

PEOTRY - XIX

Châkna chawpa boral mek ka hringnun,

Hma lam pan tura chakna reng nei lo,
Thlakhlelh nun, mitthi khuaa liam ta chu.

Duhthusam thâmral ta suangtuah nunah,
Beiseina mei talh êngtu vakvaiin,
Nguina thlarau chuan a chenchilh reng ţhin.

Aw ka nunna, chhel takin nghak fan rawh,
Aw ka thlarau, chau mai lovin ţang rawh,
Aw ka tisa, tlawmin peih lo mai suh.

Ka chakna hnûkpui ber chu ka ngai a,
Ka phûrna kawltu chu ka thlahlel ţhin,
Ka thlarau làmin amah a chák ni!