Hringnun Sawifiahna!

"Mihringa chhia leh tha hriatna atanga Hriatthiamna hi,
Nghapui ang mai an ni zo ta,
An pahnih hian boral hlenna kawng an pan mek a ni si a"

"Ngawi teh, Bawnghnute hian chakna min pe an ti maw?
Bawnghnute No thum han in la, i in bang kha nawr chet han tum teh!
Zu nopui thum han in ve thung la,
I in bang chu amahin a chesawn mai a ni zawk lovem ni?"

"Inneihna hi chu Thil Chhe Siam Thatna Hmun a ni a,
Mipain hna a thawk a, Hmeichhia-in mamawh leiin a hun a hmang liam thin"

"Damchhung ni a rei lo an ti maw?
Chutih a nih zawngin i ha hmai an la to za lai ngei khan,
Nui tam la, zau tak takin then thin ta che"

"Nula hnena Thurawn :
Lal Hmeltha, Darthlalang hmaa i din chang ni hian,
I hmaifang mawina ringawt thlir lovin,
I rilru dik tak hmufiah thiam ang che,
Chutah chuan i mawina thuruk a awm si a"

"Hmangaihna hi Zalenna nena an tualchai hi zawngin,
Mawina hian par a chhuang thin a,
Hmangaihna hi Mahni Intodelhna nena an lendun erawh chuan,
Chhiatna hian min chhiatkhum reng mai zawng a lo ni e"

"Inneihna hi ramngaw kara Zukchal rual zing a,
Zukpui pakhat chiah kah phalna an pekchhuah ang a ni"

"Pa chuan a fapa hnenah Pawisa thawhchhuah a zirtir tur a ni,
Nu berin a fanu hnenah Pawisa hmanral bak a zirtir si lova"

"Mite chuan Nuih hi Damdawi tha ber an tia!
Enteh duhtak, i hmai hian khawvel damna a thlen hial tawh lo maw?"

"I thian tha chuan nangmah maiin thil thalo a tihpui ngai hauh lovang che,
I thiantha ber erawh chuan i tellovin thil atthlak reng a ti ngai lovang"

"A diklohna a hriat chhuah ve leha ngawih nachang hria chu mifing an ti a,
A dik lohna reng a awmlo chung pawha a ka reng la anglo erawh nupui pasal nei an ti thung!"

"Mi tumah tha famkim reng an awm lo an ti a,
Chutih rualin nitina tih thanna hian that famkimna a siam an ti bawk si,
An rilru hi siam fel thuai se ka ti ngawt mai"

"Thian tha inkarah inrel tawnna a awm ngai lo,
An pahnihin phur takin mi an rel tlang thin a ni zawk"

"Nuih hi Damdawi tha ber an ti maw?
Chhan nei lova i nuih anih zawngin,
Damdawi i mamawh reng zuk nia!"

"Ngati nge hmeichhe chhailai neilo hian,
Di lem nei lo ve bawk hnen atang hian thurawn a lak thin le?
Stveve Wonder-an Ray Charles-a hnena motor kawng a kawhhmuh ang chauh a ni awm si a"

"Miin lungte hmanga an vawm che anih chuan,
Pangpar hmangin chhanglet ve mai la,
Pangpar erawh a khawina tel ngei ni thung rawh se"

"Enteh, ka haw em em hran hauh lo che,
Hetia i lo awm ve teh ngawt avang hian ka phur ta hluai lo mai zawk a ni"


"Nitin vartiana tho ziah a,
Mite an la mut thup laia insawizawi thatna zawng chu,
Mite aia hrisel chungchuang taka Pialral pan tlan mai hi a lo ni e"

"Hrilhhaithlak :
That leh Fel chhuah avang chauh biangbiak laia,
Nulat tlangval kawnga inchhai emaw an tih hi"

"Van hnuaiah hian ka nuih tiza em emtu thil pakhat ka hria e,
Ka hringnun kawngzawh hrechiang lo apiang hian,
Ka hringnun kawngzawh sawi tur an hre ber thin hi!"

"Nileng thak maia laikhum zal hi a diklo anih zawngin,
Dik an tih hi kei zawngin hriat ka chak lem love!

"Mi mawl zah kai tur chuan,
Finna thu leh hla fah chiam chuan sawtna reng a nei love!
An milpui nungchang leh tawngkam tawmpuina nun atang chauhin,
I thu leh hla an ngaithla thiam ang a,
An zah i hlawhin nangmahah rinna an nghat ngam chauh dawn a lo ni"

"Ka kalna hmun apiangah duhtu ka tawng thin titu Hmeichhia chuan hei hi hre rawh se,
Thil man tlawm apiang dawrtu an tam thin tih hi"

Hmeichhe Nihna Pakhat!

"Aw Hmeichhia!
I hmel mawina phenah chuan Rulpui tur kha a inphum ru si a maw,
Nunrawng hmeltha an sawi leh Vantirhkoh rilru chhe ber i lo ni e,
Thuro, choak nungchang pu, Beramno, Sihal thinlung pu mi,
Pathiante Thianghlimna kara bawlhhlawh tenawm ber mai,
Hmelhmang landan duhawmna phena hmelma hlauhawm ber,
Mithianghlim hremhmun kal tur, Mi suaksual zahawm i lo ni e”

Hmeichhe Khawvel

"Hmeichhiate khawvel chu Lemchan dawhsang ang a ni a,
Chu dawhsanah chuan Lan Nga-in a nunchang a lantir thin:
Sikul naupang anih lai chuan Beramno,
Fel tak leh ngawichawi tak angin a inlan thin a;
Thiante zinga a awmlai chuan,
Tawngkam tlahawlh takin Thuhriltu angin a inlan thin;
Chhungkaw zinga a khawsak lai chuan,
Sakhi note sual la hmelhriat ngai lo angin a inlan thin a;
A bialpa bula a awmlai erawh chuan,
Thuro ang maia nunnem leh thianghlimin a inlan thin a,
Mahni chauha a awmlai erawh chuan,
Sakeibaknei riltam angin a inlan thung thin"

Funny, Real, Laugh Quotes Collections

"Hmaihnawih hi nunphung ralmuanglo nen a inhen tawk renga,
Hmeichhiain a hmaihnawih a hman nasat leh,
A nun a ralmuang lo tih mitin hriat atan a tarlang a lo ni e"

"Khuaipui zu meuh pawh hi,
Ei tam luat chuan luak tichhuak mai a chang thin;
Hmangaih luat avanga hmanhmawhna chuan,
A chanvo tikhawtlai turin vanduaina a ruai thin a;
Hmangaihna par zu thlum dawt chak luatah,
A duhloh dan berin a tlai chhe thin;
Chuvangin rei tin khum hmangaihna vawnghim turin,
A vantlang tawk chauhin hmangaihna ke chhep thin ang che"

"Mipa mit chu thil siam mawi thlir nana siam a ni lovem ni?
Hmeichhia! I hmelthatna leh mawinaa thlir avanga,
Mawlna baka phawk chan chang ngam Vala duhawmna chu,
Hmusit lovin a hlutna hrethiam zawk ta che!
Uicho chawimawi leh chawisan hlawh ai zawngin,
I anpui chu a thlannahawm zawk hle si a"

"Phai khawlum vanglai taka,
Ice Cream dawra Vanilla Ice Cream,
Duhthawh tak maia ka en vawng vawng anga,
Min entu ka va duh em"

"Ka tawngelna che hi i ngaina lo maw?
Nangpawh, i mawl luatna hi ka ngaina bik hlei nem"

"Mi fing chungchuang kan tihte meuh pawh hian,
Mi mawl leh lutuk zawhna hote chhan theih hauhloh chang a nei zu nia"

"Eng ang pawn fing mahla,
Mi mawl chu a mawl a ni tih i awihtir thei ngai lovang"

"I hun tawn tam zawka tahni a lo thlenin, 
Tuman i mittui a tla tih an hre ngai lo,
I hun tawn tam zawka lungngaihniwa lo thlenin,
Tuman i rilru chhungril natna an hriatpui ngai lo che,
I hun tawn tam zawka hlimni a lo thlenin,
Tuman i hlim nui hmel an hmuhpui ngai lo che,
Mahse tum khat chauh i vawih palh erawh chuan,
Mi zawng zawngin an hre si thin"

"Thuruk vawn kawngah chuan rualkhum tlat mi ka ni,
I thuruk min hrilh atanga minute nga a liam meuh chuan,
I thuruk mi hrilhruk reng reng ka theihnghilh hman zel vangin"


"Facebook-ah hian Relationship Status thlak theih zat bituk sela,
Vawi thuma thlak hnuah chuan a Status-ah,
Automatic-in NGHET LO tih lo awm zel tawh rawh se"

"Facebook a Lemchan entur a tam uchuak lai hian,
Tu chuan nge in lama en tur Television la mamawh ang ni?"

"Facebook hi ka atchilh reng reng lo,
Hunawl ka nei chang chauhin a ni zawk ka khawih thin ni;
Ka hunawl neihlaite chu-
Zing thawh hlim, chaw eikham hlim, chawhma leh chawhnu hun,
Tlai awl lai, zanriah eikham, mut lai,
Chumi hun, kha mi hun, saw mi hun,
Englai pawn ka hman a ni zawk e"

"Zirlai hlawhtlinna phenah hian,
Facebook Account Deactivate thawm hriattur a awm si a"

"Mangtha biahthu zawng mi hlan lul suh,
Mangtha nun awmzia chu inkalsan tihna a ni a,
Kalsanna nun awmzia chu theihnghilh a ni si a"

"Ka kalna hmun apiangah duhtu ka tawng thin titu Hmeichhia chuan hei hi hre rawh se,
Thil man tlawm apiang dawrtu an tam thin tih hi"

"Mi mawl zah kai tur chuan,
Finna thu leh hla fah chiam chuan sawtna reng a nei love!
An milpui nungchang leh tawngkam tawmpuina nun atang chauhin,
I thu leh hla an ngaithla thiam ang a,
An zah i hlawhin nangmahah rinna an nghat ngam chauh dawn a lo ni"

Love & Relationship Quotes

"Mipa i nih zawngin i duh chuan i aia u ngaizawng la,
A neih erawh nei lul suh ang che!
Hmeichhia chuan a rual u ngei nei sela,
A thangmawi atan tal an inmawi ngai e,
Hmeichhiate kan duhna hi zawng,
Duhna a sosan nasat poh leh zauthau a na a,
Chu chuan hun rei a daih si thin lo!
Duhnain a tlin loh hun aiin zauthauna hian min peihlohsan hmasa thin si a,
Hmeichhia hi zawng Rose par ang mai an ni a,
An vul a rei hma lawk hian par khat bak daih lovin,
Fur khat em pawh tlin lovin an til zel a,
Vul tha leh turin an chuai nge nge zel a lo ni"


"Mipa chuan a thisen lumna hmachhuanin a tiam zung zung thin a,
Hmeichhia erawh chuan rilru dai riai-in a thinlungah a vawng reng thin,
Mipa chuan lungpuamna nena inhrikthlak chiam a nuam a,
Hmeichhia erawhin sihhnip takin a tuar dai zawk thin,
Mipa chuan hmanhmawh takin a lunglen khawhar a tlangaupui a,
Hmeichhia chuDawhthei takin a lungngai thin!"

"Ka nungchang leh zia reng a zawiawi e,
Chu chu ka pianpuizia ve reng atana ka tih a ni,
Hmangaihnaa thuam leh nunnema thanglian ka ni nangin,
Hei erawh hre reng ang che:
Thian tha leh chhungkaw venhim chungchang thuah hi zawngin,
Ka thinlung luahtu chungchangah lek phei chuan,
Mi chhaihkawl ting suh ang che,
Ramsaa zawnga ramsa kawlh ber hlauh reng nei lo leh,
Ka sa pelh kawnga zuai ngai reng reng lo thinlung nei mi ka ni si a"

“Hmangaihna chu a nem in ti maw?
Hmangaihna chu a thap hruk a,
Hmangaihna chu a hawihhawm lo hle;
Hmangaihna chu thunun rualloh buaina thlentu a ni a,
Hnim hling neiin mi khei ang maiin natna a thlen a ni zawk e”

Hringnun Quotes

"Zantlai nema ngaihtuahna fim thlazar hnuaiah chuan,
I vawiin hun hman liam taka i mi tawnte zingah,
Hmelthat kawnga tlang khum i tawnte ai chuan,
Rilru leh thinlung taka i chunga thatna lantirtu hmel,
Chung mite ngei chu i hriatreng zawka te an ni fovang"

"A hmaifang mawi zual tura a nui duhawm phenah chuan,
Thinlung hrang ber mai thuhrukin a awm thin a,
En ninawmloh chhingmit no ber mai chuan,
Lungngaih mittui to ruah iang a sur tir thin,
A nungchang mawitu thinlung nem ber pawh chuan,
Thinlai thlipui hrang anga na a tuar ngun hle si a"

Political Quotes

"Thihpui tham sual 7 an awm a:
Hnathawk lova Hausakna,
Chhia leh tha hriatna tello hlimhlawpbawlna,
Mihrinna tello Science thiamna,
Nungchang mawi tello Hriatna ril,
Politics tum bulbal nei lo,
Nunphung dik tello Sumdawnna,
Inhlanna tak tello Chibai buknate an ni"

"Ram tana Rinawmna chu englai pawhin,
Politician laka Rinawmna chu an phu ang zelin"

"Engtik hun emaw chuan miin a duh emaw duhlo emaw,
Tanhmun a siam a ngai dawn a,
Chu a tanhmun chu hmun him a ni tih a hre lo thei a,
Politics thil tak emaw Lar hluaina tur pawh a ni kher lo thei,
Nimahsela, amaha a chhia leh tha hriatna thiang tak chuan,
A tanhmun khawhna chu a DIK a ni tih a hrilh dawn a ni"

"Ram leh hnam hmangaih luat avanga,
A thim a var thliar theilo khawp tumah an awm lo,
Tu thiltih pawh ni sela, eng pawh a tihchhan ni rawh se,
Dik lo chu diklo a ni mai,"


"Kan Legislatorte hian eng dikna hmachhuan hian nge ni a,
An duh an maka thenkual mai mai paha,
A tul an tih thluk ngang avang chauha,
Dan siam leh ngawt thin nge an nih chu le?"


"Mipa leh mipa, hnam leh hnam,
ram leh ram,
Ropui zawk inchuh avangte,
Ram chunga roreltu nih duh vangte,
Thuneihna chan duh vangin an lo indo tawh thin,
Mahse kei erawh chuan Hmangaihna avanga,
Mipa leg hmeichhe thinlunga Indona lo thleng,
Chu tluka indona zahawm leh ropui,
Hriatreng tlak tih reng ka nei love"

"Indonate chu Thalai tha chakna hmanga bei nimahse,
Hnehna erawh Putarte chan leh titi a ni zawk si a"

"Khakna hi Zenna chi khat a ni a,
Hmangaihna erawh sualna khura tlu lut tura mi fuihtu bul ber a lo ni"

Quotes

"Hrungnun a ni emaw Sumdawnna a ni emaw a lem chuang lo,
I hun peipun tuma i hun hmanralna i thlan kawngah;
Fimkhurna leh hriatchianna nen lo chuan hmalakna nei hlek suh,
Pawisa khawhral mai mai ai chuan;
Hun khawhral thlawn hi a pawi hle zawk si a"

"Ngaihluat vanga chhingmittui hul zo tawh,
Thinlai leh chuan ngaihna awm leh tawh chuang lova thinlairuk,
Thawk lak apianga Amah ngaihna thlifimina min chhem ngei ten,
Amah ngaih a zual chuang bik em ni tih mahni inzawh lai tak mai a,
Hnunglam sabarh ang maia min han thawng hi zawng,
Thinlung phut zawkna lo thlenga zawnga dawnsawn hreawmlo ber a lo ni chiang e"

"Kum vei khat zet chhung hahchawlh nei lek lovin,
Mahni indemna leh insit reng renga hun hmang liamin,
Mahni inhlutna bo vekin sawngsawhlawtna i tawng si lo!
Mahni inngaihhlutna nen hmalam panin i kechheh siam rem thung la,
Duhawmna leh hnehna nun nen kum i vei ngei tawh ang"

"Sawilawk rualloh hun danglam bik,
Lungloh vang ni lul lova thenna kawl a herchhuak palh a,
Tangnem belh tawn hmangaih kuangkuah a rem ngai tawhlo anih chuan,
Thapui, i thinlung phekah ngei chuan Hmangaih ziakfungin,
Ka sakhming thai rang la,
Kumkhuain tuman an thai reh ngai lovang"

SARFAESI ACT hi enge ni ?

Tunlaiin Mizoram Chanchinbu lian tham deuh deuhah chuan State Bank of India Thuchhuah, chumi khami chuan a Housing Loan lak a rulh that loh avangin ni chumi khami chhung a a loan lak leh a pung nen chumi chhunga a pektlak zawh loh chuan a in leh lo lilam emaw laksak emaw a ni ang tih kan chhiar thin ang. Loan lak huai, rulh lam kawnga dawihzep riau Mizo mipuite hian he Dan hi kan hrechiang lova, enge anih pawh kan man thiam chiah rihlo a ni mai thei. Mahse kan hriat ngei ngei a ngai si a, chuvang chuan hriat ang ang ka han chhawpchhuak dawn a ni.

Bank-in pung awma pawisa a pekchhuah hian Loan latu chuan dahkham (Security) a nei ngei ngei tur a ni a. A loan lak a rulh that loh chuan a Security hi laksak theih a ni ta a ni. Chumi atana Dan tlawhchhan a neiha chu Securitisation and Reconstruction of Financial Assets and Enforcement of Security Interest Act, 2002 kan tih hi a lo ni ta a ni. He Danah hi chuan Court/Tribunal inrawlh a ngai lova, Bank leh Loanee inkar a ni a, Dan hmanga khin theih a ni lo, amah hi ‘Laksak leh Titawp’ tura Thuneihna pek a ni a, chu taka chu kan hriatchian a ngai em em a ni. 

He dan hnuaiah hian Intiamkamna, Intuksak leh Dahkhamna chi reng reng a huap vek a, Bank tan liau liaua invenhimna, Sorkarin a siamsak a ni a, namnul ngawt a thiang lo reng reng a ni. He Dan hnuaiah hian miin a loan lak a rulh that loh chuan :

1. Court hriatpuina leh inrawlh ngai miah lovin Agricultural Land tih loh dahkham dang zawng zawng chu a chhuhsak hmiah thei.
2. He Dan hi Secured Loan kan tih reng rengah chuan hman theih a ni.
3. He dan hmang hian mi, sumdawnna neitu nihna chhuhsak a theih a, a duh chuan midang a hawh chhawn tir thei a, a duh chuan a sumdawnna a hralh sak thei bawk.
4. Court inrawlh theihna awmchhun chu a thil dahkham kha a nih tur ang a lo nih loh chauhin a ni bawk. 
5. He Dan kengkawh tur hian a duh chuan mi tupawh Bank hian a ruat thei.

Chuti taka Dan khirh hnuaiah chuan Loan puktu hian dikna chanvo a nei ve a;

1. Loan puktu hian hun tiam ral hmain a ba a rul vek thei a, a security kha a vawnghim zui thei.
2. Authorised Officer lamin diklo taka thiltih an nei anih chuan Dan anga a chunga Action lak theih a ni.
3. Chutiang anga hmalakna a awm anih chuan Loan puktu hnenah zangnadawmna pek tur a ni.

Loan petu Creditors te tan pawh Condition a awm ve leh a;
1. Secured Loan/Debt a ni tur a ni.

2. He loan hi Non-Performing Assets a ni tur a ni.
3. Outstanding Dues (Ba la pek loh) hi nuai khat a tling tur a ni a, Principal Loan amount atanga 20% aiin a tam bawk tur a ni. 

Heng hi a pawimawh zuala ka hriatte an ni a. RBI hnuaia thiltih anih avang hian State thuneihna atanga khin chi a ni lova. RBI hnuaiah hian Bank lian tak tak ten Pawisa an peipun remtih a ni a, chumi hnuaia In Register-te bakin he Dan hi an hmang thei lo thung a ni. Bank a a pung awma lak, rulh that loh anih chuan Bank hian ziakin Loan latu hnenah Hriattirna ni 60 chhunga a leiba rul tura tihna a chhuah ngei ngei tur a ni a. Chumi zawh hnu chuan Bank hian a Security kawlah hian a duh ang thalin hma a la tawh mai dawn a ni.

Loan kan lak reng rengin kan fimkhur a tha a, Ba neih hun chhung sawi a awm lova, Default a awm tawh phawt chuan Bank lam hian he Dan hi an hmang thei a ni ngawt mai a. Mizoramah hian inhriatthiamna sang tak Bank ten an neih avang hian chutiang taka hmalakna a la awm em em lo a ni mai zawk e. Hmanni lawka kan lo hmuhte pawh kha, an leiba khan Vaibelchhia a hawlh tawh a, Bank tan chuan hmalak mai loh chu tihtur a vang ta a ni a, chuvanga khatiang taka hmala ta pawh kha an nih a rinawm.

Loan lak hi hlauh tur a ni lova, rilru nei tak chung leh hmathlir nei chunga Loan erawh lak thin tur a ni. Mi pangngai, Eirukna emaw Sumdawnna liana inhnamhnawih lo tan chuan In leh lo dahkham a Housing loan pukte a ngai thin a. Ruahmanna fel tak hnuaiah chuan engmah hlauhawm a awm reng reng lo tih pawh kan hriat a tha. Mahse loan la ve uk si, pe tha leh duh chuang si lo an pun thur thur avang hian he Dan lo awm hi Bank lam tan chuan chanchintha tak a ni a, hmansual theih erawh a ni bawk. Chuvang chuan he Dan hi i zirchiang ila, tullova buaina tur kan pumpelh phah thei ngei ngei bawk ang.

CAG Report - VII

"Tunlai hriatna pung nasa lutuk kara,
Nitin a thar zela hriatna thar lo pung karah hi zawngin;
Pianpui finna hmanga thil hmuh leh hriatthiamna neih chu,
Lunghlu tha mi kawl nen a pawimawhna reng a nep bik si lo"

Social Sector kan kai hma lawkin District Council Affairs Dept lam chan hi i han hrut zawk teh ang. LADC chiah Audit Report-ah hian a lang a, Council dangah pawh diklo tak tak chu a tam tho ang tih ring ta ila, a sual tampui awm love. Mizoramah hian Alu chin hun tha chu Jan-Feb leh Oct-Nov thla hi a ni a, Alu tuh tlai avangin Rs 1 Cr chuang chu engmah lovah kan chan reng a lo ni a, a pawi ngawt mai. Kum 2010-11 khan LADC hian Mizoram Sorkar kaltlangin Alu Chi lei nan Rs 1 Cr a hmang a. Hengte hi a thlawnin Loneitute 544 te hnenah sem a ni a, 357 acre hmunah chin tura tih a ni.

Beisei dan chuan Alu Chi, 7 qtl tuh tur, 1 Acre hmunah hian Alu 40 qtl thar tur a nih lai hian Alu hi 6-7 qtl chiah thar an ni a. Tichuan, a pumpuia 1428 tonnes thar tura beisei anih laiin 250 tonnes chiah Alu hi thar a ni ta a ni. Loneitute chuan Alu Chi an dawn tur hi an dawng tlai hlein an sawi a, chumi avanga Alu thar pawh hi beisei ang pha lo anih thu an sawi a ni.

Hriat theih china Report kan ziah tawhah chuan TLAI tih hi kan hre reng mai zawng a ni a, heti tak maia kan Sorkar hnathawkte an che muang hi an thatchhiat vang anih loh chuan Hotu lian lam atanga tih tlaina a awm a ni ngei ang!

Tunah chuan Social Welfare Dept chan hi in lo bihchiang dawn teh ang. ICDS chungchang bik hi SCSS hnuaia awm niin 2nd Oct 1975 atanga kalpui tan a lo ni tawh a. Point 6 kan tarlang ang a, a sawifiahna chipchiar erawh chu tun tum atan chuan kan hmaih rih mai ang.

Kum 2008-13 chhung khan Central atanga Tanpuina lo kal zat chu Rs 199.98 Cr zet a tam a ni a, Sorkar lam erawh chuan Rs 183.17 Cr chiah hmanna tur a hria! Heng pawisate hi ICDS leh Supplementary Nutrition atana hman tur a ni. Kumtina pawisa hmanralna leh Utilisation Certificate a la inmil lo zui bawk.

ICDS bikah hian Central Assistance lo kal zaqt hi Rs 106.18 Cr anih laiin Sorkar lam hian Rs 94.29 Cr hmang angin a Expenditure Statement a siam a. Mahse a UC-ah ve thung hi chuan Rs 106.18 lai hmang zovin Statement an nei lawi si!

Supplementary Nutrition atan hian Rs 93.80 Cr Central atangin a lo kal a, Sorkar hian Rs 88.88 Cr hmang angin in tarlang mahse an UC Reportah thung chuan Rs 93.80 Cr an hmangral leh lawi bawk! Heti anih chuan a taka pawisa hman hi a tam zar zar tihna a ni a, Accounts lamah hian engti tiha pawisa tlem zawk tarlang thei nge an nih a, chutih laia Accounts Records lam aia pawisa hman tur tam ta hi khawi a mi nge tih zawhna lianpui a awm thei dawn tihna a ni.

Receipt & Payment Rules, 1983 ang chuan Sorkar leh Dept hian pawisa a dawn reng reng a hmanna turah a pe chhuak thuai thuai tur a ni a, a kutah sum hlawm kawl a nei tur a ni lo tih a ni. Audit lama a landan chuan, Kum 2008-13 chhung khan Dept hian Rs 37.21 Cr a draw chhuak a, chu chu Bank lama Civil Deposit Accounts-ah a dah lut nghal a. Thla 2-11 a liam hnuah Rs 21.71 Cr a draw chhuak chauh a ni. Pung awmin pawisa a dah hian a tuartu chu mipui, Fund lo kal chhan a te kan ni zel a ni.

Dept lam hian Tender an chhuah a, Tender Rate hniam ber an pawm duh loh avangin Rs 1.90 Cr zet chu kum 2010-13 chhunga Food Item 3 lakchhuahna tur an chawi ngawt bawk! Rate hniam zawk a awm laiin Rate sang ber ber hmangin thil a lei a, chumi avang chuan heti zat pawisa hi a chawi thlawn ngawt mai a ni. He thilah hian Director hming a langsar ber a ni. Rate hniam pawm lova Rate sang zawk an pawmchhan hi sawifiah thei pakhatmah an awm lo bawk!

AWC (Anganwadi) reng reng hian naupang 40 a dawl zo tur a ni a. ICDS lam hian AWC 19880 chu Central atanga tanpuina nen kum 2008-12 chhung khan sa zo angin a in report a. Mahse AWC 108 lek an check-ah pawh hian 54 zette chu NGO Buildingah an lo khawsa mai mai tih hmuhchhuah a ni a. AWC a bungrua awm tura tih, Indoor/Outdoor Activities tihna hmunawl, Playing materials, Electric leh tui lam reng reng pakhatmah an awm lova, siam an ni lo a ni. SNN lam bikah pawh hian hmanrua kimlo a tam em em leh zel a ni! Naupang ho hian an dawn tur ang leh hmanraw neih tur ang nei ni sela, changkang tak tak, manto tak taka nau awmtlei hi a lo ngai hauh dawn lo a lo ni reng mai!

Naupang hria hun (Feeding days) inkar rei zawng hi ni 15 atanga ni 192 a ni tih hmuhchhuah a ni bawk a. Kum 2011-13 chhung khan hun tihkhawtlai engmah Sorkar lam hian a awmlo an ti chungin an han enchian chuan a lo awm teh meuh mai a lo ni a. Food Items an lei reng reng hi pekchhuah mumal a lo ni miah lo a lo ni! Khawiah tak chuan awm ang maw?

Supplementary Nutrition hnuaia Eitur reng rengte hi an that leh that loh check vek tur anih lai hian chutianga hmalakna awm reng reng hmuhchhuah a ni lo bawk.

Tun tumah chuan duhtawk leh ta phawt ila, a dawt lehah chuan chipchiar deuhin School Education kan bihchiang ho leh dawn nia.

Political Quotes

"Politics :

Hlawkna chan duh avanga innghirnghona,
Hmaithinghawng vuaha dikna chetchhuahpui tura inkhinna,Mimal hamthatna atana mipui kaihhruai tumna mai a ni e"

"Mipui ten Roreltu hlauhna an nei anih chuan,
Thuneihna hmansual a thleng tihna a ni a;
Roreltu ten mipui zahna an nei a nih chuan,
Mipui ten hnenah zalenna a thleng tihna a ni thung"

"Thim tan thimna tih en rual a ni lo,
Thimna chu eng lakah eng ual a ni si lo,
Huatna thinlung pawh huatna veka hneh theih a ni lo,
Hmangaihna erawh chuan engkim a ti thei si a"

"Mihring hi mi chi thuma then kan ni,
Chesawn Thei lo, Chesawn Thei leh Chechhuak thin mihring"

"Remhriatnain Thilbul chhuichhuah a luahlanna khawvelah kan cheng mek a ni"

"A tirah chuan an ngaina lo satliah mai ang che,
Nimahsela, hnialkhan dik i chhakchhuak tam tial tial ang a,
Satliah mai ni tawh lovin namenlovin an duh lo tawh ang che"

"Politics inhnialna zawng zawng phenah hian,
Mathei lovin mi mawl, a mawlna avanga ngawih tum si lo an awm ziah"

"Thurawn fing taka langte pawh hian,
Dikloh hulhual chang an nei thin,
Thil awmdan sawilawk thiam rual lohva a inher danglam chang a awm a,
Mi a-te bakin huai takin engmah an sawi lawk ngamloh hun nen,
Chuvang chuan mi a kan tihte pawh hian,
Endikna leh Ngaihtuah honaah chanvo an nei leh tlat thin"

"Inhnial hona atana chhawpchhuah zawhna sawiho hi,
Zawhna sawiho tur chhanna sawiho hrep a,
Inhnial buai ai chuan a finthlak zawk mang e"

"Thil engpawh Dawt thu lengvel in a phuar khawm tawh chu,
A rei emaw reilo emaw engtik emaw chuan vuak thiahin an awm ngei thin"

"Inthlan apiangin mipui chuan mi tha ber hnenah,
A vote hlu ber pek a duh ziah,
Inthlan apiangin mipui tana vote tur,
Mi tha ber ding erawh an awm ngai lo"

"Hmun tinah Politician chuan danglamna reng an nei lo,
Lui zawh kan ngai awm lohna hmunah leh zel pawh,
Lei dawh turin mipuite hnenah thu an tiam tlang a ni si a"

"Politician ten chuan ziak loh dan pakhat an nei e,
Eptu lama i awmlaia i thusawi reng reng,
Roreltu lama i awm hunah sawi suh!
I sawi anih ngai si chuan i duhlo chung,
Lehlamin tihmi rual lohva an ngaih i tih ngei a ngai dawn si a"

"Engkim mai a danglam zo ta!
Mipuite chuan Fiamthu thiamte an ngaihlu tawh a,
Politiciante erawh an nuihzatbur ta si a"

"Hei hi kalphung pangngai danglam thei lo chu a ni,
Thil man a pung a, mipui an thinrim thin.
Politician ten a chhan chhuichhuah hna an thawk a,
Danglamna reng a thleng ngai lo"