μελαγχολία

Nguina thlarau ka hnena awm reng chu,
Tha tho lohna thahrui mi phuar rengtu,
Chawlawlna ninawm ka bâna kaitu,
Laktlâkna reng awm lo ka hringnun hi.

Sapui ţam takin ka ţam huam huam a,
Thlaler ang maia ka nun khaw rãmah,
Tuihna chik chhuah tur reng ka pai ta lo,
Ka chhawlhalna chhawktu pawh ka hmu lo.

Thangvan mû tê iang lêng del del ila,
Kâwlkil piah ramah chawlh ka nuam mang e,
Chutah chuan ka nun hahdamna tawngin,
Nun khawrãm chhawktu ka tawng dah law maw?