Hringnun - I

Thlir teh, partin mawi thar ten an vul lai hian,
Par hlui an til zel a piallei daihah;
Chhawkhlei parmawi rawn sintu hunbi thar hian,
Tleitir sang tam tak a liam pui dawn!

Mahse keimah nen lamtluang i chhui dun ang,
Than tum val tha kha zawng zawng mual liam tawh te;
Lungkham lo reng hian hun tha i hmang dun ang aw,
Khawvel parmawi hi hlimten chenin.

Lentu zing pal nem karah lamtluang zawhin,
Suihlung rual te hian chhun ni i leng zawk ang;
Chutah ringhlei leh ngur nun a dang chuang lo,
Piallei hi kan chan anih chhung chuan!

Hringnun kan chan chhung leh thih hnu chatuan pialral,
Lungkham reng reng hian sang tam an chi-ai e;
Keini erawh kan vawiin hmang tha in,
Lungrual ten chhun ni i leng zawk ang.