Ka lungpui nghet Lalpa

Manganna tawpkhawk, tuman min hriatpui loh ka tawn chang te,
Beidawn em em, tuman an hriat ve loh ka neih chang te,
Lungngaihna vawrtawp, a ruka ka tawrh chawrh chawrh lai te,
Tumah hrilh tur pawh ka bula an awmloh buaina ka tawh lai ten.

Hlimna tlangsang ber ka chuan lai te,
Khawvel mawina tinreng ka hmaa an inhun lai te,
Ka duh apiang ka nei zawt zawt hunlai te,
Ka tana engkim a kaltluan em em lai te pawn.

Nang chuang i banin min lo chelh reng a,
Ka ding leh veiah i vantirhkoh i hung reng a,
Ka pensual, ka boral tur, ka nat min lo veng reng si a,
Aw Lalpa, ka lungpui nghet, nghing ve ngai lo i lo va ni em!