Lalpa laka vuina!

Sipaihote Lalpa, thu ka zawt leh hram ang che,
Ni hnuaiah diklohna tinreng nen,
Hlemhletna zawng zawng leh bukna dik lo nen,
Mi rethei chanai chhuhsakin,
Nuam tinreng an tawl a,
An chungah engmah reng a thleng si lo,
An thlahtute mal i sawm a,
Anni zawngin nangmah an tih che a,
An thinlung zawng zawngin an chawimawi thin che,
Mahse an thlahte hian nangmah tihna leh,
Nangmah zahna reng reng nei lovin an nun an hmang a,
An lakah i thinurna reng a thleng si lo!
Chutih laiin mi nun ngil leh i thu zawm thinte erawh,
An hmuingil lova, chhiatna leh manganna tinreng,
An chungah i thlentir lawi si,
I mit thianghlim leh thinlung sual ngai thei lo hian,
Enge i thil tum hriatphak rual a ni love!

Lalpa chhanna:

Lal Davida vang chauhin Solomona nunna ka zuah kha,
A pa vang chauh a ni a chungah hremna ka thlen tir loh kha,
Mahse Solomona thih hnu khan a ram leh neih zawng zawng,
Engtin nge ka tih i hria a lawm,
Ka mifelte tana hahchawlhna ka siam hi ka remruat a ni,
An tawrhna hi an tan malsawmna a ni tih i hre lovem ni?
Ka remruat hi a fel vek a, tha lo leh famkim lo remg a awm lo,
Ka mifel chu tlu mahsela a tho zel dawn si!