Hmatiang sawnzai kan rel e,
Kan thiam kan finna zawng kan hmang;
Ram leh Hnam veina, hmangaihna theihtawk nen,
Lungrual kan pen za, ka ngai vawng vawng!
Hlauh neilo mi hrang lanu valrual,
Ke kan pen, a khu hip pha an hak zel;
Kan tlawm love, hmelma tawnah,
Kan vullai ni erawh a liam, ka ngai vawng vawng!
Kan fang, kan run, hmaih reng kan nei lo,
Kan tawnah Sorkar a tlawm, mi hrang an duai zo ve!
Thiam thai chitin nen thlem tawkin,
Tlawm zai kan rel mawlh lo, ka ngai vawng vawng!
Kan zarah chauh zawng,
Rethei pachhia ten muanna an hmu;
An hmela hlimna eng chuan,
Thinlai a fan ngei e, ka ngai vawng vawng!
Tuantulna leh damchhung khawsak vang chauh maw,
Lenna tlang a dan zawh tak?
Engtikah khuanu zarah tawnni herchhuakin,
Lungrual ke kan pen leh ang? Ka ngai vawng vawng!
No comments:
Post a Comment