Ornate Cathedral, Boston, Thursday 12:30 PM, 2013 : ‘Kan zavaiin a nuam-ah pawh a hreawm-ah pawh kan ding za tlat zel ang, he khawpui hi kan hmangaih khawpui a nih ve tlat avangin’
Chu Pathian Biakin zahawm tak maiah chuan thutthleng zawng zawngah mi an thu khat vek a, bang nghengin mi engemawzat an ding bawk. Biakin dawhsan-ah chuan mihang pakhat, upat vang ni hauh lova sam tuak, hmai thawpsat leh tisa nunglo tak mai neitu (a hrisel loh vang emaw a vun dikloh vang emaw a ni lova, hna a thawh nasat avang leh a rilru a sen nasat avang zawkin a ni) chuan thu a sawi mawlh mawlh a. A changin mipuite chuan kut an beng dur dur a, a chang phei chuan an ding hial fo! Ngun taka mipui han en chuan an hmelah beiseina hmuh tur a awm a, chu an thil beiseia chu a lo thleng mek tih hai rual a ni lo!
Chu mihang pa tawngkam chhuak chuan mipuite thinlung ngui leh chau chu chhawk harhin, rilru leh taksa-ah chakna thar a pe tih hai rual a ni lova. Chupa avang chuan an rilru natnate chuan ziaawm lam a pan mek a, mipuite chuan ngaihthah an nih lohzia leh an lama tang an tamzia chupa kaltlang chuan an hre thei tlat a ni. An rilru natna thawidam turin an hmaa ding chuan tih theih a nei tih an hria a, amahah chuan beiseina lian em em an nei tlat a ni! A chhan chu an hmaa ding a, fuihna thusawitu chu khawvela mi thiltithei ber US President Barack Obama anih tlat vang a ni. Khuti tak maia mi pakhat lek chunga khutizat mipui ten hahchawlhna leh lungawina an nei thei khu Zoram mipuite tan chuan a mak em em a, a ngaihna kan hrelo hle!
US President chuan American mipuite hmaa thu a tiam tawh chuan a thutiam hlen turin theihtawp a chhuah ngei ngei thin a, hlawhtling turin a theihna zawng zawng a hmang thin. April 18, 2013 khan Boston, USA-ah chuan Marathon an tlan a, mipui sang chuangin he marathon hi an tlanpui a ni. An tlan tawpna thlen dawn tep tawh tihah chuan vawilehkhatah bomb a puak dur a, a khu luih a, mi pathum an thi nghal a, mi 170 chuang inhliam an awm bawk! Martin Richard, kum 8 mi, Krystle Campbell, kum 29 mi leh Lingzu Lu, Boston University a Graduate zirlai te chu he khawvelah nungdama hmuh tur an awm leh tawh ngai lovang!
Pressure Cooker chhunga bomb leh Metal Container chhunga bomb second 12 inkar dan leka puak dun chuan American mipuite a tithlabar em em a, mi tam takin awmngaihna an hre lova, awmloh ngaihna pawh an hre bawk hek lo! Chuta tanga rei vak lovah chuan khawvela sorkar thiltithei ber US Rorelna hmunpui Capitol Hill-ah chuan Senator pakhat lehkhathawnah rinhlehawm thil hlauhawm an hmuchhuak a, chumi hnu leh lawkah US President tana lehkhathawn ni ngei turah pawh thil rinhlehawm an hmu leh ta zel a ni.
Krystle Campbell-i nu tan chuan a fanu chunga thil thleng chu hriatthiam rual anih loh avangin a rilru-ah zawhna a lian em em a, hriatthiamna pawh a nei theilo reng a ni. Heng thil thleng zawng zawngte avang hian ram ropui America chu a rilru takin a rum vawng vawng a. Mipuite chuan hnemtu leh chhantu an ngai em em a, chung zawng zawng lak atanga chhanchhuak tur leh anmahni hnem tur leh inrintawkna pe let leh tur chuan mi pakhat chungah an mit a fu thup mai a ni. Tun mai ni lovin vawitam tak US hian beihna a lo tawk tawh thin a, chung ang hunah chuan US President te hian mipui an thlamuan thin a, an khua leh tui te an phatsan ve ngai lo reng reng!
Chuti tak maia Rinna an nghah ngamna Hruaitu neih hlutzia khu kan hrethiam ve ang em? Kan ramah hian Ram Hruaitu leh Roreltu inti engzat nge kan neih tawh a, a tu a te hi nge mipuite hian kan thlamuanpui a, a tu a hi nge kan manganna kan thlen ngamna leh a laka kan rilru hahna ten hahchawlhna an hmuh thin? TUTE MAH tih chhanna hian min kap na em em a ni. Rambuai atanga State kan nihna kum 27 a liam tawh hnuah pawh mipuiten kan Ram Hruaitute-ah beiseina kan nei chau em em a, an lakah Rinna kan nghat ngam thlawtlo! Thutiam tha tak tak min fah teuh teuh a, a tak engmah hmuh tur a awm ngai si lo! Mi rethei leh a bet a te chu an bet tlawk tlawk a, a hausa leh thiltitheite erawh an ding chang tulh tulh thung.
Ram dang hruaitute chuan a takin thil an ti thin a, a takin mipuite an hnem a, a takin mipui rawng an bawl a, hmalam panin an kal thin. Keini ram zawng a letling thawkin kan kal a ni ber mai si. Mi pakhat lek hian a duh phawt chuan ram tan hmasawnna a thlen thei tih kan chiang em em a, mi pakhat lek kaltlangin mipuiten hmasawnna rahbi kan rap thei tih pawh kan hai hek lo! Mahse kan ram hruaitute chuan an thei ve tlat si lo. America ramah chauh pawh a ni lo, India ram ngeiah pawh hian mi pakhat avangin State pahnihte chu India rama mipui, tluklehdingawn 1.5 zet a tam te mak tih khawpin an thang thei a, kum 5 chhung lekin an State leh a chhunga cheng mipuiten hma an sawn mawlh mawlh khu an sawi bang theilo a ni!
Chief Minister hian a duh phawt chuan a chenna State hi hmasawnna kawngah a hruai thei a, Chief Minister pakhat lek chungah mipuite hian kan rinna zawng zawng kan nghat ngam em em a ni. US President anga mipuite innghah ngamna leh rintlak, thlamuanna kawltu ni ve tur hian Pu Hawl, Pu Zoram, Pu Duhawm theihna in nei ve tih ka va han chiang tehlul em! Mahse chu dinhmun a ding ve tur chuan chan ngamna neih a ngai tih erawh in hrechiang e. Mi huat hlawh leh mi pawisawi ngam a ngai a, Yes tih aia No tih ngamna nun neih a ngai tih in hai bawk heklo.
Tun thleng hi chuan in la ti theilo tih kan hria, a tum pawh in tum ve ngei ang. Mahse tumna ngawt hi a taka chetna leh hmalakna tello chuan Darbenthek ri ang mai mai a ni. In chungah hian beiseina sang tak kan lo nei ve thin a, chu chu zawi zawiin a hniam tial tial a, tunah phei chuan lei hrulah a awm ta hial anih hi! Kan inthlang leh dawn, hun tha, insiamthatnan in nei leh dawn. Tunah erawh hi zawngin in thusawi a that poh leh mipui rilru-ah beidawnna a lian a, in Project DPR a ropui zawh poh leh hna pamtul a tam ting a ni mai a, rinhlehna mitmeng bak hmuh tur in neilo pawh hi a awm intih ve ngei ka ring.
Kan Rilru leh Thlarau a Zamlo! Mahse nangmahni-ah erawh hi chuan Rilru leh Thlarau a Zam lo theilo a ni zawk e!
Chu Pathian Biakin zahawm tak maiah chuan thutthleng zawng zawngah mi an thu khat vek a, bang nghengin mi engemawzat an ding bawk. Biakin dawhsan-ah chuan mihang pakhat, upat vang ni hauh lova sam tuak, hmai thawpsat leh tisa nunglo tak mai neitu (a hrisel loh vang emaw a vun dikloh vang emaw a ni lova, hna a thawh nasat avang leh a rilru a sen nasat avang zawkin a ni) chuan thu a sawi mawlh mawlh a. A changin mipuite chuan kut an beng dur dur a, a chang phei chuan an ding hial fo! Ngun taka mipui han en chuan an hmelah beiseina hmuh tur a awm a, chu an thil beiseia chu a lo thleng mek tih hai rual a ni lo!
Chu mihang pa tawngkam chhuak chuan mipuite thinlung ngui leh chau chu chhawk harhin, rilru leh taksa-ah chakna thar a pe tih hai rual a ni lova. Chupa avang chuan an rilru natnate chuan ziaawm lam a pan mek a, mipuite chuan ngaihthah an nih lohzia leh an lama tang an tamzia chupa kaltlang chuan an hre thei tlat a ni. An rilru natna thawidam turin an hmaa ding chuan tih theih a nei tih an hria a, amahah chuan beiseina lian em em an nei tlat a ni! A chhan chu an hmaa ding a, fuihna thusawitu chu khawvela mi thiltithei ber US President Barack Obama anih tlat vang a ni. Khuti tak maia mi pakhat lek chunga khutizat mipui ten hahchawlhna leh lungawina an nei thei khu Zoram mipuite tan chuan a mak em em a, a ngaihna kan hrelo hle!
US President chuan American mipuite hmaa thu a tiam tawh chuan a thutiam hlen turin theihtawp a chhuah ngei ngei thin a, hlawhtling turin a theihna zawng zawng a hmang thin. April 18, 2013 khan Boston, USA-ah chuan Marathon an tlan a, mipui sang chuangin he marathon hi an tlanpui a ni. An tlan tawpna thlen dawn tep tawh tihah chuan vawilehkhatah bomb a puak dur a, a khu luih a, mi pathum an thi nghal a, mi 170 chuang inhliam an awm bawk! Martin Richard, kum 8 mi, Krystle Campbell, kum 29 mi leh Lingzu Lu, Boston University a Graduate zirlai te chu he khawvelah nungdama hmuh tur an awm leh tawh ngai lovang!
Pressure Cooker chhunga bomb leh Metal Container chhunga bomb second 12 inkar dan leka puak dun chuan American mipuite a tithlabar em em a, mi tam takin awmngaihna an hre lova, awmloh ngaihna pawh an hre bawk hek lo! Chuta tanga rei vak lovah chuan khawvela sorkar thiltithei ber US Rorelna hmunpui Capitol Hill-ah chuan Senator pakhat lehkhathawnah rinhlehawm thil hlauhawm an hmuchhuak a, chumi hnu leh lawkah US President tana lehkhathawn ni ngei turah pawh thil rinhlehawm an hmu leh ta zel a ni.
Krystle Campbell-i nu tan chuan a fanu chunga thil thleng chu hriatthiam rual anih loh avangin a rilru-ah zawhna a lian em em a, hriatthiamna pawh a nei theilo reng a ni. Heng thil thleng zawng zawngte avang hian ram ropui America chu a rilru takin a rum vawng vawng a. Mipuite chuan hnemtu leh chhantu an ngai em em a, chung zawng zawng lak atanga chhanchhuak tur leh anmahni hnem tur leh inrintawkna pe let leh tur chuan mi pakhat chungah an mit a fu thup mai a ni. Tun mai ni lovin vawitam tak US hian beihna a lo tawk tawh thin a, chung ang hunah chuan US President te hian mipui an thlamuan thin a, an khua leh tui te an phatsan ve ngai lo reng reng!
Chuti tak maia Rinna an nghah ngamna Hruaitu neih hlutzia khu kan hrethiam ve ang em? Kan ramah hian Ram Hruaitu leh Roreltu inti engzat nge kan neih tawh a, a tu a te hi nge mipuite hian kan thlamuanpui a, a tu a hi nge kan manganna kan thlen ngamna leh a laka kan rilru hahna ten hahchawlhna an hmuh thin? TUTE MAH tih chhanna hian min kap na em em a ni. Rambuai atanga State kan nihna kum 27 a liam tawh hnuah pawh mipuiten kan Ram Hruaitute-ah beiseina kan nei chau em em a, an lakah Rinna kan nghat ngam thlawtlo! Thutiam tha tak tak min fah teuh teuh a, a tak engmah hmuh tur a awm ngai si lo! Mi rethei leh a bet a te chu an bet tlawk tlawk a, a hausa leh thiltitheite erawh an ding chang tulh tulh thung.
Ram dang hruaitute chuan a takin thil an ti thin a, a takin mipuite an hnem a, a takin mipui rawng an bawl a, hmalam panin an kal thin. Keini ram zawng a letling thawkin kan kal a ni ber mai si. Mi pakhat lek hian a duh phawt chuan ram tan hmasawnna a thlen thei tih kan chiang em em a, mi pakhat lek kaltlangin mipuiten hmasawnna rahbi kan rap thei tih pawh kan hai hek lo! Mahse kan ram hruaitute chuan an thei ve tlat si lo. America ramah chauh pawh a ni lo, India ram ngeiah pawh hian mi pakhat avangin State pahnihte chu India rama mipui, tluklehdingawn 1.5 zet a tam te mak tih khawpin an thang thei a, kum 5 chhung lekin an State leh a chhunga cheng mipuiten hma an sawn mawlh mawlh khu an sawi bang theilo a ni!
Chief Minister hian a duh phawt chuan a chenna State hi hmasawnna kawngah a hruai thei a, Chief Minister pakhat lek chungah mipuite hian kan rinna zawng zawng kan nghat ngam em em a ni. US President anga mipuite innghah ngamna leh rintlak, thlamuanna kawltu ni ve tur hian Pu Hawl, Pu Zoram, Pu Duhawm theihna in nei ve tih ka va han chiang tehlul em! Mahse chu dinhmun a ding ve tur chuan chan ngamna neih a ngai tih erawh in hrechiang e. Mi huat hlawh leh mi pawisawi ngam a ngai a, Yes tih aia No tih ngamna nun neih a ngai tih in hai bawk heklo.
Tun thleng hi chuan in la ti theilo tih kan hria, a tum pawh in tum ve ngei ang. Mahse tumna ngawt hi a taka chetna leh hmalakna tello chuan Darbenthek ri ang mai mai a ni. In chungah hian beiseina sang tak kan lo nei ve thin a, chu chu zawi zawiin a hniam tial tial a, tunah phei chuan lei hrulah a awm ta hial anih hi! Kan inthlang leh dawn, hun tha, insiamthatnan in nei leh dawn. Tunah erawh hi zawngin in thusawi a that poh leh mipui rilru-ah beidawnna a lian a, in Project DPR a ropui zawh poh leh hna pamtul a tam ting a ni mai a, rinhlehna mitmeng bak hmuh tur in neilo pawh hi a awm intih ve ngei ka ring.
Kan Rilru leh Thlarau a Zamlo! Mahse nangmahni-ah erawh hi chuan Rilru leh Thlarau a Zam lo theilo a ni zawk e!
No comments:
Post a Comment