Rampum leiba chu an la rochung dawn si a"
"Mihring chu zalenna hmanga hrin a ni a,
Mihring nun erawh kawitinah hruaia phuarbeh a ni thung si"
"Mizoram Politiciante zawng zawngte hi,
Rihdil enkawlna hna pek an nih chuan,
KUm 5 chhungin Rilhdilah hian tui harsatna a thleng ngei ang"
"Kei zawngin Politics leh Indona chanchin ka zir a ngai si a,
Chumi a zarah ka fanu a ka fapate chuan Mathematics lreh Philosophy an rawn zir thei chauh ang;
Kan fate chuan Maths, Philosophy, Natural History, Architecture, Navigation, Commerce leh Agriculture;
An fate lehchhawng ten Painting, Poetry, Music, Statuary, Tapestry an zir theih nan an zir hmasak a ngai bawk si a"
"Mitin mai hian Politiciante selna anka an chhakchhuak thin a,
Khawi atanga Politiciante hi lo chawrchhuak nge an nih le?
Van atanga rawn tla thla an ni teh ngawt lova,
Thu tak tak Hamda kaltlanga rawn piang lah an ni hek lo;
Mizoram chhungtin leh nu leh pate atanga rawn chawrchhuak an ni zawk a,
Mizoram chhung tin te, sikul tin te, kohhran tin te, sumdawng tin te atanga;
Mipui ten duhtaka an thlan atanga lo piang an ni zawk si a,
Chuvang chuan kan politician te hi hneawm an nih ngai chuan;
Mipuite aia hnenawm an awm chuang lovang"
"Thuneitu thiltihtheihna chuan chapona hmun a pan laiin,
Hlahril chuan a thiltihtheih chin a hrilh hre thin a;
Thuneitu chakna chuan mihring inrawlh ve na a tihchep laiin,
Hlahril chuan mihring pianchhan, a hausakna leh a hahdamna a kawhhmuh thin,
Thuneihna a tlukchhiat hunah Hlahril chuan tlenfai hna a thawk thin"
"Mipui sorkar hi thinglung herhna atanga mi hnehchhiah taka lalna an chan lak atanga humhim tur chuan,
Mipuite thinlung a zau thei ang bera tihvarsak a,
Hun kal tawh ten enge zirtur min pek tih hriattir a,
Kum liamta leh Ram dang ten enge tawnhriat an neih tih hriattir an ngai a,
Chumi hmun atang chuan ropui umna kawnga tum sanna awmzia an lo hre mial thei a,
Chu hriatna atang vek chuan an theihna zawng zawng hmangchhuak turin chakna an nei mial thei dawn a ni"
"Mipuite hi chhia leh tha hriatna thiang tak hmanga,
Chhia leh tha hriatna avangin an chechhuak ngai lova,
Mipuite hi thinlunga zauthauna belebut sochhuak,
Chhia leh tha hriatna thiang awmlohna avang zawkin an che chhuak thin"
"Mimal leh mipui inkar emaw,
Mipui leh roreltu inkar emawa,
Inmillohna leh thu inkalh awm hi,
I tel lovin a damkhaw chhuah theihna a nei lo"
"Mipuite hi chhia leh tha hriatna thiang tak hmanga,
Chhia leh tha hriatna avangin an chechhuak ngai lova,
Mipuite hi thinlunga zauthauna belebut so chhuak,
Chhia leh tha hriatna thiang awmlohna avang zawkin an che chhuak thin"
"Mimal leh mipui inkar emaw,
Mipui leh roreltu inkar emawa,
Inmillohna leh thu inkalh awm hi,
I tel lovin a damkhaw chhuah theihna a nei lo"
"Mipui chunga roreltute an dik loh lai taka,
Dikna tana ke pen leh roreltute kalh ngam hi
thil hlauhawm tawpkhawk a ni"
"Mi tupawh thuneihna tlem tal a kutah pek a nih chuan,
Rin ngam tawk lohna thinlung ramri khamchin kan nei ngei tur a ni"
"Mihring tam zawkte nunah hian,
Thuneih chakna thinlung nghet taka tuhin a awm a,
Mi tam zawkte tan thuneihna hmansualna remchang a lo thlen a,
Thuneihna hmansual hi thil thleng pangngai ve reng a ni bawk"
"Mihringa taksa chakna ai chuan,
Mihringa phurna awm hi a pawimawh zawk a,
Ram hausakna ai chuan mipui fuat leh thathona a pawimawh zawk"
"Politiciante leh naupang mawng hrukna ten in anna pakhat an neih chu,
Mihring tan an tenawm tlat avangin thlak thuai thuai an ngai thin"
"Damchhung hun hnuhnung ber hmanlaia,
Zorama mi thiltithei ber berte hming chu;
Pu Hawla, Pu Zorama leh Pu Duhawma te an lo ni reng ang tih ka hlau ber"
"Sorkar hi chhia leh tha hriatna a ni lova,
Thusawi thiamna pawh a ni bawk hek lo,
Sorkar chu tharuma tihluihna hahthlak,
Fawng vuantu hlauhawm tak nei a ni zawk si a"
"Ram rorel thiam mi chuan chhuan lo la awm tur a ngaihtuah thin a,
Politics a eizawng mi chuan inthlan leh hun chiah a ngaihtuah thin"
"Midang awpbeh duhlo mite chunga hremna na ber thleng thin chu,
Mahni aia hnuaihnung zawkte awpbehna hnuaia kun hi a ni"
"Sorkar chu i mamawh apiang pe thei khawp che a a lian anih chuan,
I thil neih zawng zawng laksak tur che pawn a chak tawk a ni"
Mipui chen honaa mitin maite chu,
Mi tuemaw ngaihtuahna leh phungthlukna hnuaia rahbeha an awm tawh chinah chuan,
Sorkar leh a thuihhruaite chetlak dan dik tak te,
Sorkarin hlutna leh tangkaina a neihte leh,
Mimir rilru hrisel chen leh a ei leh bar dinhmun dik tak nen,
Hriatchian tak takna neih a har em em tawh thin"
"Khawvel sokar tinte hi mi dawheh tena an kaihhruai anih avangin,
An thusawi rintlak tur reng a awm chuang lo"
"Sorkar Laipui hi Thar thlaler enkawl turin dah ta la,
Kum nga a ral meuh chuan vaivut indaihlohna a thleng ngei ngei ang"
"Hun kal tawh chanchin inziak a chhiar hnu pawh,
Inzir finna leh thil tha zawk pawchhuak lo chu,
Hun kal tawh tihnawn leh anihnaah chuan,
Thiamchanna reng a nei lovang"
"Nite chu a lo nguai a,
Beisei bo an pangawinzial tup tup a, Zante pawh thim thuahsawma chhaha a lo thim hun chuan,
He kan chenna van therengah hian chakna thahrui,
Sualna chhumpui chhemkiang a,
Ni thalo leh zanthim laka eng zung chhuah tura beitu a awm tih i hria ang u!
No comments:
Post a Comment