Nimin lawk khan Jt NGO chuan thuchhuah siamin Mizoram Sorkar hian Ruihhlo tawlhru thinte chungah a na thei ang berin Action la rawhse an ti! Kan Zoram Khawvel hi a danglam chakin Dan leh Dun lekkawh kawngah a lekkawhtute fuih an han ngai ta hial mai hi a mak pawh kan ti em em tawhlo em ni chu tih theih a ni ta. Champhai lamah ka han awm chinah ka theih ang angin Ruihhlo tawlhruk chungchang hi ka chhui ve ta a, thuchiang (Facts) ni si lo, thuthang (Rumors) hriat ka ngah hle a, ka la finfiah theih chiah loh avangin heta tarlan chu a rem chiah rih lovang, mahse chhui chhuah hun chu Pathian zarah la awm turah ka ngai.
A hmasa berah chuan ruihhlo tawlhruk, a bik takin Pseudoephedrine tawlhruk hi a lo hlawk em em mai tih ka han hmuchhuak chiang hle a. Chu chu awtin mi zahawm tak tak ten an hming tha tawhsa pawh sualna bawiha awm turin an hralh phal reng a ni. An duhber chu pawisa, chak tak leh awlsam taka neih thur thur kha a ni a, khawvel thil taka ngaihtuah chuan engemawchenah a hriatthiam theih viau mai. Mahse ram tana rawngbawlna kawnga thui tak lo pen tawh leh hausa sa te leh nihna hial pawh lo nei tawh te an inhnamhnawih erawh hi chu ngaihdam tur an ni ngai lovang!
Met (a tawi zawngin) hlauhawmzia kan Cable ten an pechhuak chuai chuai a, ruihhlo dang ngaihtuah chuan a va’n rapthlak chiang tak em! Vawikhat tihah darkar 12 chuang an ruih theih avangin a ruih a man em em a, vawikhat tih tawh vaih chuan a zunah an uai tlangpui bawk a. Kum 20-30 inkar vela upate hian an han tih tak tak chuan pitar putar hmel an pu bawih tawh a, an ha a balin a bal nasa a, damni leh nuamtih ni hmel an hmu ngai tawhlo reng reng ang a ni. Sap ho Rehab changkang ber bera lutte pawn kum khat chuang an nghei hnuah pawh nitin hian he ruihhlo bawihah hian an la tang reng tih an pha lova, nitin hian tih leh an chak em em reng mai a ni. Chutiang chiah chuan vawikhat lo kheh intemvir laklawh tawh chuan khehpuam nawn leh hi an chak em em bawk si!
Khiti khawpa na a kan thalaite sawisak duhtu mihring hi Dan leh Dun hnuaiah hian a na tawp thei ang bera hrem tur an ni tawp mai a ni. Hausaknan leh sumpai hmuh nana kan thalai rualte thisen leh an taksa ui na reng reng kan neilo anih chuan a tawrh pawh kan tuar tur a ni reng a ni. Heti taka thil serious kan hmachhawn laia a Sorkar a mi pawimawh an han inhnamhnawih duh hi thil zahthlak tawpkhawk a ni bawk. Chuti chung chunga heng mite a na thei ang bera hrem tura Sorkar nawr kal an ngai phei hi chu mipui zahlohna lian ber tawpkhawk a ni, sawi ngaihna a awmlo. Eng anga hmasawnna tha pawh tu Sorkar hian thlen mahsela, a chen tu tur kan thalaite thisena ei kan zawn hreh chuan siloh chuan Hmasawnna Thawheng kan tih hi kan chan tur a ni a, a ropuina kei chuan ka hre teh hreplo a ni!
Inchhir hmel chu sawiloh, pawiti hmel pawh pu miah lova Ruihhlo tawlhruk avanga an man ten Court an la pan ngam hi eng thlarau nge an chan ang aw ka ti bawk. TV-ah kan lo en a, zah chu sawiloh, chapo hmel takin an la han hawikual ngamte kha Setana Thlarau pawlna an chang a ni ngei ang, tiang taka mipui zah nachang hrelo Party hruaitute zingah an awm theite hi Party thuneitute hian beng an chhu ngawng reng dawn em ni? Chu chu anmahni kan thlantlin avanga kan hlawh tur chu? Lalna leh thuneihna chang turin kan thlang a ni lova, kan aiawha ro min relsak tur leh hmasawnna hna min thawhsak tura kan thlante an ni zawk tih i chiang thar leh ang u. Tlawn tur an ni lova, chhiahhlawh hnathawh kawr ha tur zawk an ni tih i hrilh hre leh teh ang u.
Chutih rual chuan mipuite zingah anmahni tan zawng leh an huatthu sawi zawng leh an chunga Dan ang taka rorel anih duhtu kan tamlo anih vaih chuan in ngaihtuah chiang ang u khai! Chutiang anga kan lo awm anih vaih chuan khua leh tui tha awmdan tur a ni ngailo. Nu leh pate u, tuna damdawi an tawlhruk hi damdawi dang ang a ni lo a ni tih hre mawlh teh u. In fate nunnna lak paha hausak tumte hi in dim ang maw? Nu leh pa tha awmdan tur niin kei chuan ka ngai lovang. He damdawi ruihhlo hlauhawmzia hi in la hrelo anih chuan a hria zawt ula, ngaihtuahna seng rawh u. No. 4 emaw Proxyvon ang mai mai a ni lo tih hi hre mawlh teh u. He damdawi hi Mizoramah lo la thlenglo a in ngai anih ngat chuan in va tisual chiang em! A lo thleng tawh a, kan thalai ten an ti tan mek tawh a sin, in fate kha an him chiah ang maw? Tihchhin mai mai chi a ni ve lova, tichhin chuan an tihlen tlangpui tlat a ni.
Kan ram hruaitute i in endik teh ang u. NGO nawr ngai khawpin misual hrem kan hreh a maw? Chuti anih ngat chuan nakinah chuan heng ruihhlo tawlhru tute nen hian ang khat rengin thangthar zual leh nu leh pa beidawngte hian an la dem ang che u a. In chungah chung Pathian hian zahngaihna, rorel hunah chuan a thlen bik hauh lovang. Dan leh Dun anihna anga lehkawh anih theihlohna tura thuneihna inhmang diklo anih ngat chuan in tan inphatmar theih a ni bik bawk hek lovang. Kan Party a mi chu tupawh lo ni sela, hetianga inhnamhnawihte ensan leh mipui hriat pawha demna awka kan la chhuahlote hi zahthlak a ni tih i pawm ngam ang u. Zahthlak anih piahlamah hian min thlangtu mipuite zahlohna lian tak a ni.Mipui Moral chhe tawh lutuk siamthat tum lova, tanghmahai (advantage) atana kan lo la zel hi Ram Hruaitu tha awmdan tur leh tihtur niin kei chuan ka hre ngai lovang.
Tunlai thalai zingah hian a remchang apiang tiduh leh englai pawha rilru chawl lova nawmsakna ngaihtuah an pun nasat tawhzia hi kan ngaihtuah tawh ngai em? Khawtinah hian hmun bik a awm a, chutah chuan nitin tih theih hian thalai rual tam tak an fuamkhawm a, an tisa chakna hrikthlakna tur anih phawt chuan tih hreh an nei lova, tihduhloh pawh an nei bawk heklo! Chuti khawp chuan kan chhe mek a, chhiat lehzualna lam kan panna kawnga a sulsutu leh tha thawhtu kan lo ni ve anih vaih chuan he leiah hian hremna kan tawklo anih pawhin Lalpan kan chungah zawng a thinrimna berhbu chu a la leihbaw mawlh ang. Chutih hunah chuan kan nuihsawhin kan khawngaihna in tan a tawk tawh ang.
A hmasa berah chuan ruihhlo tawlhruk, a bik takin Pseudoephedrine tawlhruk hi a lo hlawk em em mai tih ka han hmuchhuak chiang hle a. Chu chu awtin mi zahawm tak tak ten an hming tha tawhsa pawh sualna bawiha awm turin an hralh phal reng a ni. An duhber chu pawisa, chak tak leh awlsam taka neih thur thur kha a ni a, khawvel thil taka ngaihtuah chuan engemawchenah a hriatthiam theih viau mai. Mahse ram tana rawngbawlna kawnga thui tak lo pen tawh leh hausa sa te leh nihna hial pawh lo nei tawh te an inhnamhnawih erawh hi chu ngaihdam tur an ni ngai lovang!
Met (a tawi zawngin) hlauhawmzia kan Cable ten an pechhuak chuai chuai a, ruihhlo dang ngaihtuah chuan a va’n rapthlak chiang tak em! Vawikhat tihah darkar 12 chuang an ruih theih avangin a ruih a man em em a, vawikhat tih tawh vaih chuan a zunah an uai tlangpui bawk a. Kum 20-30 inkar vela upate hian an han tih tak tak chuan pitar putar hmel an pu bawih tawh a, an ha a balin a bal nasa a, damni leh nuamtih ni hmel an hmu ngai tawhlo reng reng ang a ni. Sap ho Rehab changkang ber bera lutte pawn kum khat chuang an nghei hnuah pawh nitin hian he ruihhlo bawihah hian an la tang reng tih an pha lova, nitin hian tih leh an chak em em reng mai a ni. Chutiang chiah chuan vawikhat lo kheh intemvir laklawh tawh chuan khehpuam nawn leh hi an chak em em bawk si!
Khiti khawpa na a kan thalaite sawisak duhtu mihring hi Dan leh Dun hnuaiah hian a na tawp thei ang bera hrem tur an ni tawp mai a ni. Hausaknan leh sumpai hmuh nana kan thalai rualte thisen leh an taksa ui na reng reng kan neilo anih chuan a tawrh pawh kan tuar tur a ni reng a ni. Heti taka thil serious kan hmachhawn laia a Sorkar a mi pawimawh an han inhnamhnawih duh hi thil zahthlak tawpkhawk a ni bawk. Chuti chung chunga heng mite a na thei ang bera hrem tura Sorkar nawr kal an ngai phei hi chu mipui zahlohna lian ber tawpkhawk a ni, sawi ngaihna a awmlo. Eng anga hmasawnna tha pawh tu Sorkar hian thlen mahsela, a chen tu tur kan thalaite thisena ei kan zawn hreh chuan siloh chuan Hmasawnna Thawheng kan tih hi kan chan tur a ni a, a ropuina kei chuan ka hre teh hreplo a ni!
Inchhir hmel chu sawiloh, pawiti hmel pawh pu miah lova Ruihhlo tawlhruk avanga an man ten Court an la pan ngam hi eng thlarau nge an chan ang aw ka ti bawk. TV-ah kan lo en a, zah chu sawiloh, chapo hmel takin an la han hawikual ngamte kha Setana Thlarau pawlna an chang a ni ngei ang, tiang taka mipui zah nachang hrelo Party hruaitute zingah an awm theite hi Party thuneitute hian beng an chhu ngawng reng dawn em ni? Chu chu anmahni kan thlantlin avanga kan hlawh tur chu? Lalna leh thuneihna chang turin kan thlang a ni lova, kan aiawha ro min relsak tur leh hmasawnna hna min thawhsak tura kan thlante an ni zawk tih i chiang thar leh ang u. Tlawn tur an ni lova, chhiahhlawh hnathawh kawr ha tur zawk an ni tih i hrilh hre leh teh ang u.
Chutih rual chuan mipuite zingah anmahni tan zawng leh an huatthu sawi zawng leh an chunga Dan ang taka rorel anih duhtu kan tamlo anih vaih chuan in ngaihtuah chiang ang u khai! Chutiang anga kan lo awm anih vaih chuan khua leh tui tha awmdan tur a ni ngailo. Nu leh pate u, tuna damdawi an tawlhruk hi damdawi dang ang a ni lo a ni tih hre mawlh teh u. In fate nunnna lak paha hausak tumte hi in dim ang maw? Nu leh pa tha awmdan tur niin kei chuan ka ngai lovang. He damdawi ruihhlo hlauhawmzia hi in la hrelo anih chuan a hria zawt ula, ngaihtuahna seng rawh u. No. 4 emaw Proxyvon ang mai mai a ni lo tih hi hre mawlh teh u. He damdawi hi Mizoramah lo la thlenglo a in ngai anih ngat chuan in va tisual chiang em! A lo thleng tawh a, kan thalai ten an ti tan mek tawh a sin, in fate kha an him chiah ang maw? Tihchhin mai mai chi a ni ve lova, tichhin chuan an tihlen tlangpui tlat a ni.
Kan ram hruaitute i in endik teh ang u. NGO nawr ngai khawpin misual hrem kan hreh a maw? Chuti anih ngat chuan nakinah chuan heng ruihhlo tawlhru tute nen hian ang khat rengin thangthar zual leh nu leh pa beidawngte hian an la dem ang che u a. In chungah chung Pathian hian zahngaihna, rorel hunah chuan a thlen bik hauh lovang. Dan leh Dun anihna anga lehkawh anih theihlohna tura thuneihna inhmang diklo anih ngat chuan in tan inphatmar theih a ni bik bawk hek lovang. Kan Party a mi chu tupawh lo ni sela, hetianga inhnamhnawihte ensan leh mipui hriat pawha demna awka kan la chhuahlote hi zahthlak a ni tih i pawm ngam ang u. Zahthlak anih piahlamah hian min thlangtu mipuite zahlohna lian tak a ni.Mipui Moral chhe tawh lutuk siamthat tum lova, tanghmahai (advantage) atana kan lo la zel hi Ram Hruaitu tha awmdan tur leh tihtur niin kei chuan ka hre ngai lovang.
Tunlai thalai zingah hian a remchang apiang tiduh leh englai pawha rilru chawl lova nawmsakna ngaihtuah an pun nasat tawhzia hi kan ngaihtuah tawh ngai em? Khawtinah hian hmun bik a awm a, chutah chuan nitin tih theih hian thalai rual tam tak an fuamkhawm a, an tisa chakna hrikthlakna tur anih phawt chuan tih hreh an nei lova, tihduhloh pawh an nei bawk heklo! Chuti khawp chuan kan chhe mek a, chhiat lehzualna lam kan panna kawnga a sulsutu leh tha thawhtu kan lo ni ve anih vaih chuan he leiah hian hremna kan tawklo anih pawhin Lalpan kan chungah zawng a thinrimna berhbu chu a la leihbaw mawlh ang. Chutih hunah chuan kan nuihsawhin kan khawngaihna in tan a tawk tawh ang.
No comments:
Post a Comment