Collection of Quotes

"Heti fakauva finna a san tawh lai leh,
Nitin thil thar an sim chhuah reng tawh lai hian,
Hringfa thiamna chuan ngaih berte ngaih lohna damdawi,
Khawl emaw tal an la hmuhchhuah miau loh avang hian,
Hmeichhia! I hming chauh pawh ngaihlai reng ka bang thei lo chu a ni si maw?"

"Tahna Mittui reng tla tur a awmloh chinah chuan,
Mitmeng a lo chau tihna a ni a,
Thinrimna awrawl reng chhuak tur a awmloh pawh hian,
Thinlung a lo chau zo ta a lo ni e"

"Lungngaihna thupbo thei mi meuh pawh,
Hmangaihna hmel thupbo kawngah chuan,
Pawisa ngaina mi ang maiin dawhtheihna reng a nei lo"

"A mi leng ngaihna avanga chhingmittui far a ni love,
A mi leng ngaia hringnun hman duh lohna avang zawka chhingmittui luang a ni si a"

"Mobile hriattirna rimawi lo awm thin chuan,
Tisa phurna nen mi khawsak tir chuk chuk thin a,
I hnen atanga ngaihhruina reng hmuh tur awm si lo hian,
Thlarau nun rawihna nen piallei dai mi fantir si a maw!"

"Relna thuthang lengvel chu Huatna thinlung atanga chawivulin,
Mi phut khat ten tlang tinah an pu darh a,
Mi mawl ten thinlung zawngin an lo awih thin"

"A chak lohna hre ngam khawpa huaisenna nei mi chu,
Chakna thahrui leh mi rilru huaisen a ni a,
A nuna sawisel tur awm hmufiah thiam khawpa finna nei mi chu,
Mi a zawnga mi duhawm leh hmeltha ber a ni bawk,
A thil tihsual hrechhuak mai lova inzirna atana hmang thin mi chu,
Mi zawng zawng ngaiha mifing an ti si a!"