Lawrkhawm Quotes

"Mi ropui rapthlakte chuan suangtuahna mitthla an sawiho thin a,
Mi vantlang chin erawh chuan thil lo thleng thin an sawi thung a;
Ngaihtuahna zim nei mite erawh chuan Mi chungchang an sawi thin"

"Vantirhkoh iang chu ka ni lova,
Thatna them erawh ka pai ve bawk e;
Sualna tinreng ka dai ve tawh a,
Hremhmun lalpa erawh ka ni lo;
Khawvel zau puiah hian mipa naupang te takte ka ni a,
Hmangaih pui tur zawngin ka vakvel ruai a ni zawk e"

"Nang ngaih a zual tak tak hi zawngin Lenmoi,
Eng hla pawh ngaithla i la;
I chungchang thu an hril vel hian ka hre si thin"

"Thla ai chuan Ni chu chak zawkah i ngai ang maw?
Ni chuan zanthim chu sual a tih avanga hliahkhuhah i ngai a,
Thla meuh pawh chhun engah chuan tawmimah i ngai ang maw?
Zan thim nena an lendun loh zawngin,
Thla hian mawi duhawm chungchuang taka enna reng a nei lo a ni zawk e"

"I hringnun chu hlauhthawnna, khawharna leh lungngaihnaa khat a ni maw?
Ding la, thil siam tinreng parvulna hmun;
Leilung mawina tinreng lan theihna hmunah chuan,
Ngawi rengin leilung nen i hun va hmang ang che;
Chu hmun atang chuan thil engkim mai hi an nih tur ang vekin,
Ruahmanna fel tak hnuaiah an lo chawrno tih i hmuthiam ngei ang"

"Va hmangaih hmasak chu hmangaih let loh hlauhthawn lawk vang a ni a,
Va beisei hmasak chu tawrh hlauhthawn lawk vang a ni bawk;
Va beih chiamna chu hlawhchham hlauhthawn lawk vang a ni si a,
Nimahsela, hlauhthawnna tello hringnun a awm thei lo ve;
Khawvela hlauhthawnna nunrawng ber chu engmah hlauthawng lo tura chetchhuah loh hi a ni zawk si a"

"Thihna chu vawikhat bak a awm thei ngai em ni?
Chumi hlau chuan mi huaisen ber ber pawh a khur ru ang maw?
Thihna piah lamah chuan engpawh lo awm ang hmiang,
Vawikhat i tem tawh chuan hlauh nawn tur reng a awm lo a ni zawk ang"

"Thinlung ril bera mi dawihzep chu nitin a thi lawk thin a ni ngai,
Mi huaisen tan erawh vawikhat thihna bak a awm ngai lo ve"