𝐊𝐚𝐧 𝐏𝐡𝐮 𝐓𝐚𝐰𝐤 𝐑𝐚𝐦 𝐇𝐫𝐮𝐚𝐢𝐭𝐮 𝐊𝐚𝐧 𝐍𝐞𝐢 !

            Kan ram chanchin chuanna phek kan thlir chuan, hun kha leh chen sawrkar apiang duh khawp lohna leh sawiselna, pen tui sena thai rânin phek tin a khat tlat emaw tih mai tur a ni! Mahse, engvangin nge mi pangngai nia kan ngaih, Zoram hmasawnna duh tak taktute nia kan hriatte pawhin, nula hmaifang mâm taka khuavang chhinchhiah dum tluka langsâr thiltih bawlhhlawh an neih tlat lawi si, tih erawh mi tam zawk ngaihtuah duh loh a ni thung!

 

            ‘𝑷𝒐𝒍𝒊𝒕𝒊𝒌 𝑺𝒊𝒂𝒎𝒕𝒉𝒂𝒓 𝑳𝒆𝒉𝒏𝒂’ tih lehkhabu pân tê, phek 60 emaw leka chhah hi Mizorama MLA kan neih tawhte intelkhawmna; Former Lagislator’s Association (FLAM) chuan, kum 2005 daih tawhah khan an buatsaih ţhin a. He lehkhabu tluka Zoram Politik dinhmun tarlang chiangtu leh tarlang dik, lehkhabu dang a awm leh tawh chuangin a rinawm loh! Anni tluka Politik Khawvela Zoram mipuite nihna hre chiang an awm thei tawh chuang lo ang. Zep leh ih nei miah lovin heti kan nihna an puang ta a :

 

            ‘𝑇𝘩𝑙𝑎𝑛𝑔𝑡𝑢 𝑚𝑖𝑝𝑢𝑖 𝑙𝑒𝘩 𝑝𝑎𝑤𝑙 𝘩𝑟𝑎𝑛𝑔 𝘩𝑟𝑎𝑛𝑔, 𝑘𝑜𝘩𝘩𝑟𝑎𝑛 𝑡𝑒̂𝑛𝑎𝑢 𝑑𝑒𝑢𝘩 𝑙𝑒𝘩 𝑖𝑛𝑓𝑖𝑎𝑚𝑛𝑎 𝑙𝑎𝑚𝑎 𝐴𝑠𝑠𝑜𝑐𝑖𝑎𝑡𝑖𝑜𝑛/𝐶𝑙𝑢𝑏 𝑙𝑒𝘩 𝐶𝑎𝑛𝑑𝑖𝑑𝑎𝑡𝑒-𝑎 𝑠𝑖𝑎𝑚𝑡𝑢 𝑃𝑎𝑟𝑡𝑦-𝑎 𝑚𝑖𝑡𝑒 𝑛𝑔𝑒𝑖 𝑝𝑎𝑤𝘩𝑖𝑛, 𝐶𝑎𝑛𝑑𝑖𝑑𝑎𝑡𝑒 𝑙𝑎𝑘𝑎𝘩 𝑠𝑢𝑚 𝑎𝑛 𝑏𝑒𝑖𝑠𝑒𝑖𝑖𝑛 𝑎𝑛 𝑑𝑖𝑙 𝑛𝑔𝑎𝑤𝑖𝘩 𝑛𝑔𝑎𝑤𝑖𝘩 𝑡𝑎𝑤𝘩 𝑎! 𝐻𝑒𝑡𝑖𝑎𝑛𝑔 𝑘𝘩𝑎𝑤𝑝𝑎 𝑠𝑢𝑚 𝘩𝑖𝑎𝑛 𝑀𝑖𝑧𝑜𝑡𝑒 𝑛𝑢𝑛𝑎𝘩 𝑖𝑛𝑡𝘩𝑙𝑎𝑛 𝑙𝑎𝑖𝑎 𝑟𝑜 𝑎 𝑟𝑒̂𝑙 𝑐𝘩𝑢𝑎𝑛, 𝑖𝑛𝑡𝘩𝑙𝑎𝑛 𝑙𝑜𝘩 𝑙𝑎𝑖 𝑝𝑎𝑤𝘩 𝘩𝑖𝑎𝑛 𝑘𝑎𝑛 𝑛𝑖𝑡𝑖𝑛 𝑛𝑢𝑛 𝑙𝑒𝘩 𝑘𝘩𝑎𝑤𝑡𝑙𝑎̂𝑛𝑔 𝑛𝑢𝑛𝑎𝘩 𝑚𝑎𝑤𝑖 𝑙𝑒𝘩 𝑚𝑎𝑤𝑖 𝑙𝑜 𝑝𝑎𝑤𝘩 𝑛𝑔𝑎𝑖𝘩𝑡𝑢𝑎𝘩 𝑡𝑎𝑤𝘩 𝑙𝑜𝑣𝑎, 𝑠𝑢𝑚 𝘩𝑚𝑢𝘩 𝑛𝑔𝑎𝑤𝑟 𝑛𝑔𝑎𝑤𝑟 𝑡𝑢𝑚𝑛𝑎 𝘩𝑖 𝑎 𝑙𝑖𝑎𝑛 𝑐𝘩𝘩𝑜 𝑧𝑒𝑙 𝑑𝑎𝑤𝑛 𝑎 𝑛𝑖’  tiin, kum 20 hma lam khan hrilh lawkna rintlak ber tur thu an lo chham daih tawh!

 

            ‘𝐾𝑢𝑚 𝟧 𝑐𝘩𝘩𝑢̂𝑛𝑔 𝑠𝑎𝑤𝑟𝑘𝑎𝑟𝑎 𝑡𝘩𝑢𝑛𝑒𝑖𝑡𝑢 𝑛𝑖 𝑡𝑢𝑟 𝑙𝑒𝘩, 𝑑𝑖𝑛𝘩𝑚𝑢𝑛 𝑝𝑎𝑤𝑖𝑚𝑎𝑤𝘩𝑎 𝑘𝑎𝑛 𝑑𝑎𝘩 𝑐𝘩𝘩𝑢̂𝑛𝑔𝑖𝑛 𝑚𝑖𝑝𝑢𝑖 𝑡𝑎̂𝑛 𝑒𝑛𝑔𝑚𝑎𝘩 𝑎𝑛 𝑡𝘩𝑎𝑤𝑘 𝑛𝑔𝑎𝑖 𝑐𝘩𝑢𝑎𝑛𝑔 𝑙𝑜. 𝐼𝑛𝑡𝘩𝑙𝑎𝑛 𝑐𝘩𝘩𝑢̂𝑛𝑔 𝑛𝑖 𝟤𝟢 𝑣𝑒𝑙 𝑙𝑒𝑘𝑎 𝑎𝑛 𝑛𝑒𝑖𝘩 𝑘𝑎𝑛 𝑙𝑜 𝑐𝘩𝑒𝑛𝑠𝑎𝑘 𝑣𝑒 𝑐𝘩𝑢, 𝑒𝑛𝑔 𝑛𝑔𝑒 𝑖𝑛𝑡𝘩𝑖𝑎𝑚 𝑙𝑜𝘩𝑛𝑎 𝑘𝑎𝑛 𝑛𝑒𝑖𝘩 𝑙𝑒𝑚 𝑎𝑛𝑔? 𝑚𝑖𝑝𝑢𝑖𝑖𝑛 𝑎𝑛 𝑙𝑎 𝑡𝑖𝘩 𝘩𝑢𝑛𝑎𝘩 𝑐𝘩𝑢𝑎𝑛, 𝑠𝑖𝑎𝑚 ţ𝘩𝑎𝑡 𝑟𝑢𝑎𝑙 𝑙𝑜𝘩𝑖𝑛 ţ𝘩𝑒𝑛𝑎𝑤𝑚 𝑆𝑡𝑎𝑡𝑒 ţ𝘩𝑒𝑛𝑘𝘩𝑎𝑡𝑡𝑒 𝑑𝑖𝑛𝘩𝑚𝑢𝑛𝑎𝘩 𝑎𝑛𝑔𝑎𝘩 𝘩𝑖𝑎𝑛 𝑘𝑎𝑛 𝑑𝑖𝑛𝑔 𝑡𝑎𝑤𝘩 𝑎𝑛𝑔’ an tih ang takin thil a lo thleng dik ta a nih hi! Hei hi zep leh thup rual loha Zoram mipuite nihna a nih tawh laiin, mipuite zawk dem lova Politician-te chauh demtu, nang Kristian suak, harh rawh!

 

            ‘𝐻𝑒𝑡𝑖𝑎𝑛𝑔 𝘩𝑢𝑛𝑎𝘩 𝘩𝑖𝑎𝑛 𝑚𝑖 𝘩𝑎𝑢𝑠𝑎 𝑒𝑚𝑎𝑤 𝑚𝑖 𝘩𝑎𝑢𝑠𝑎 𝑠𝑢𝑚 𝘩𝑚𝑎𝑛𝑔𝑎 𝑡𝑙𝑖𝑛𝑔𝑡𝑒 𝘩𝑖, 𝑚𝑖 𝑓𝑒𝑙 𝑙𝑒𝘩 𝑟𝑖𝑛𝑡𝑙𝑎𝑘 𝑏𝑒𝑟 𝑏𝑒𝑟 𝑝𝑎𝑤𝘩 𝑙𝑜 𝑛𝑖 𝘩𝑙𝑎𝑢𝘩 𝑠𝑒, 𝑠𝑢𝑚 𝑡𝑎𝑚 𝑡𝑎𝑘 𝘩𝑚𝑎𝑛𝑔𝑎 𝑡𝑙𝑖𝑛𝑔 𝑎𝑛 𝑛𝑖𝘩 𝑚𝑖𝑎𝑢 𝑎𝑣𝑎𝑛𝑔𝑖𝑛, 𝑎𝑛 𝑇𝑒𝑟𝑚 𝘩𝑢𝑛 𝑐𝘩𝘩𝑢̂𝑛𝑔 𝑛𝑔𝑒𝑖𝑎 𝑎𝑛 𝑠𝑢𝑚 𝑠𝑒𝑛 𝑘𝘩𝑎, 𝑎 𝑙𝑒𝑡 𝑡𝑎𝑚 𝑡𝑎𝑘 𝑠𝑎𝑤𝑟𝑘𝑎𝑟 𝑎ţ𝑎𝑛𝑔𝑎, 𝑎 𝑑𝑖𝑘 𝑒𝑚𝑎𝑤 𝑑𝑖𝑘 𝑙𝑜 𝑒𝑚𝑎𝑤 𝑡𝘩𝑙𝑖𝑎𝑟 𝑡𝘩𝑒𝑖 𝑙𝑜𝑣𝑎 𝑎𝑛 𝘩𝑚𝑢𝘩 𝑙𝑒𝑡 𝑙𝑒𝘩 ţ𝘩𝑖𝑛 𝑎 𝑛𝑔𝑎𝑖𝘩 𝑑𝑎𝑤𝑛 𝑎𝑣𝑎𝑛𝑔𝑖𝑛, 𝑚𝑖𝑝𝑢𝑖𝑡𝑒 𝑐𝘩𝑎𝑛𝑎𝑖 𝑐𝘩𝘩𝑢𝘩𝑠𝑎𝑘 𝑎 𝑛𝑔𝑎𝑖𝑖𝑛 𝑠𝑎𝑤𝑘𝑎𝑟 𝑠𝑢𝑚 𝘩𝑚𝑎𝑛𝑛𝑎 𝑘𝘩𝑎 𝑑𝑖𝑘 𝑙𝑜, 𝘩𝑙𝑎𝑤𝑘 𝑡𝑎𝑘𝑎 𝑠𝑖𝑎𝑚 𝑟𝑒𝑚 𝑎 𝑛𝑔𝑎𝑖 𝑡𝑎 ţ𝘩𝑖𝑛 𝑎 𝑛𝑖’ tiin, an dinhmun khawlhzia thup thei tawh lovin an inpuang ta râwih a nih hi!

 

            He ngaihdan avang hian kan Politician-te leh Party-te rilru ngei pawh a lo danglam zo ta! Inthlan dawn hnaiha insengso ngam lo tân, Politician hlawhtling tak a nih theih loh tlukin kan khawlohna a nasa ta a nih hi. Zoram hmasawnna duhtu leh, a taka hna thawk \hin RK Lianzuala (Fâm)-te meuh pawh hnawlin an awm phah ta a nih kha! Benjamin Disraeli-ate’n hman hmanah, ‘𝑻𝒉𝒆𝒓𝒆 𝒊𝒔 𝒏𝒐 𝒈𝒂𝒎𝒃𝒍𝒊𝒏𝒈 𝒍𝒊𝒌𝒆 𝒑𝒐𝒍𝒊𝒕𝒊𝒄𝒔!’ an lo tih tawh ang ngeiin, Zoram Politik chu Inthâpna hmunah kan chhuah zo ta a nih hi!

 

            Khawvel puma hrilêng vanga ram tina hnam tin chungah thihnain thla a zar mek lai leh, ei leh bara harsatna, chhûngkaw khawsak buaina leh nunphunga harsatna a lo thlen mek lai hian, kan hma lawka LC/VC Inthlan lo awm tur thlir ran chungin, MNF sawrkar pawhin hmun hrang hrangah hma lain, hmasawnna hna an thawh dan chanchinte chu Minister/MLA rualte’n uar takin kan hnenah an puangzar a nih kha. Hetiang zawnga ke pen lo thei lova Party leh an Candidate-te siamtu chu mipui kan ni tlat a ni!

 

            A hnuaia hnathawkte hlawh batsak hial ngai khawpin a ei bel phai mah se, sawrkar lai tâna LC/VC Inthlana hnehtu nih zawh loh tluka tlawm thlak a awm miau loh avangin, hming chhiat pawh huamin hmasawnna hna a thawk mawlh mawlh hi dem lem suh! Congress hun lai pawhin an tihdan ve tho a ni tlat! Sawrkar lai tân inthlan dawn hnaiah hmuihmer tel miah lova an bialte tâna sa ruhkawl nen chauha ruai buatsaih chu, mahni lû zawrh tluka dinhmun hlauhawma dinna a ni tlat tih an hai lo a ni zawk.

 

            Zoram mipui tam zawk; duham vanga khua reng hmu thei lo, huamhap luat vanga rinna hralh duh hial, nawmsakna tlem tê thlakhlelh vanga mahni pawh inhralh hreh miah lote hian, kan phu tawk reng ram hruaitu kan nei tih hi, mahni hnar tlukin i hre chiang tawh ang khai! Chuvang chuan a ni, inthlan dawn hnaih apianga hmalakna kan hmuh ziah tak reng ni! Buaithlak zual ta êm êm chu, Politician zingah mipui nungchang thlak danglam tuma bei ngam an awm lo leh zel hi a ni!

 

            Anthony Trollope-a’n lungphâng tak chunga, ‘𝑀𝑖𝑝𝑢𝑖 𝑡𝘩𝑙𝑎𝑛 𝑟𝑜𝑟𝑒̂𝑙𝑡𝑢𝑡𝑒 𝑧𝑖𝑛𝑔𝑎 𝑚𝑖 𝑎𝑛 𝑛𝑖𝘩 𝑡𝑎𝑤𝘩 𝑝𝘩𝑎𝑤𝑡 𝑐𝘩𝑢𝑎𝑛, 𝑎𝑛 𝑙𝑢𝑛𝑔𝑎𝑤𝑖𝑛𝑎 𝑡𝑢𝑟 𝑧𝑒𝑙𝑎 𝑡𝘩𝑖𝑙𝑡𝑖𝘩 𝑎𝑛 𝑡𝑎̂𝑛 𝑡𝘩𝑖𝑎𝑛𝑔 𝑡𝑎𝑤𝘩 𝑡𝑙𝑎𝑡𝑎𝘩 𝑚𝑖𝑝𝑢𝑖𝑡𝑒’𝑛 𝑎𝑛 𝑛𝑔𝑎𝑖 \𝘩𝑖𝑛’  a lo tih ang tak kan ni zo ta a nih hi. Chuvang chuan a ni, ‘𝑾𝒆 𝒇𝒐𝒓𝒈𝒆 𝒕𝒉𝒆 𝒄𝒉𝒂𝒊𝒏𝒔 𝒘𝒆 𝒘𝒆𝒂𝒓 𝒊𝒏 𝒍𝒊𝒇𝒆’  tia Charles Dickens-a’n a lo sawi tawh ang ngei khan, mi nawlpui zinga a tam zawkte hi chuan, kan phu tawk ang tak ram hruaitu kan nei tih hriain, i phunchiar lo ngam tawh ang u!

 

            Politik hi a bawlhhlawh êm vanga inhnamhnawihna tlaka ngai lotu nu leh pa, \halai leh upate pawhin hei hi hre reng \hin tawh ang che u. ‘𝑷𝒐𝒍𝒊𝒕𝒊𝒌-𝒂 𝒊𝒏𝒉𝒏𝒂𝒎𝒉𝒏𝒂𝒘𝒊𝒉 𝒅𝒖𝒉 𝒍𝒐𝒉 𝒓𝒂𝒉 𝒄𝒉𝒉𝒖𝒂𝒉 𝒄𝒉𝒖, 𝒎𝒊 𝒍𝒂𝒌𝒕𝒍𝒂𝒌 𝒍𝒐𝒉 𝒛𝒂𝒘𝒌𝒕𝒆 𝒂𝒘𝒑𝒆𝒉𝒂 𝒂𝒘𝒎 𝒕𝒉𝒐 𝒕𝒉𝒐𝒏𝒂 𝒂 𝒏𝒊!’ tia Greek mi fing Plato-a’n chutiang mite a deusawhna thu hi! Kurt Vonnegut-a’n, ‘𝑻𝒉𝒆 𝒍𝒂𝒔𝒕 𝒕𝒉𝒊𝒏𝒈 𝒊 𝒆𝒗𝒆𝒓 𝒘𝒂𝒏𝒕𝒆𝒅 𝒘𝒂𝒔 𝒕𝒐 𝒃𝒆 𝒂𝒍𝒊𝒗𝒆, 𝒘𝒉𝒆𝒏 𝒕𝒉𝒆 𝒕𝒉𝒓𝒆𝒆 𝒎𝒐𝒔𝒕 𝒑𝒐𝒘𝒆𝒓𝒇𝒖𝒍 𝒑𝒆𝒐𝒑𝒍𝒆 𝒐𝒏 𝒕𝒉𝒆 𝒘𝒉𝒐𝒍𝒆 𝒑𝒍𝒂𝒏𝒆𝒕 (𝑴𝒊𝒛𝒐𝒓𝒂𝒎) 𝒘𝒐𝒖𝒍𝒅 𝒃𝒆 𝒏𝒂𝒎𝒆𝒅 𝑩𝒖𝒔𝒉, 𝑫𝒊𝒄𝒌 𝒂𝒏𝒅 𝑪𝒐𝒍𝒐𝒏 (𝑷𝒖 𝑯𝒂𝒘𝒍𝒂, 𝑷𝒖 𝒁𝒐𝒓𝒂𝒎𝒂 𝒍𝒆𝒉 𝑷𝒖 𝑫𝒖𝒉𝒂)’ a lo tih hi kan chungah a thlen ve ka hlau hle si a!