𝕯𝖎 𝕰𝖓𝖈𝖍𝖎𝖒𝖑𝖔𝖍!

 

Ka lunglênna khawharthlak khawhar chu,

Thlasik vanglai taka thinghnah tlakawlh,

A zâr bel ţhin sirva leh a zai thawm mawi,

Khaw lum lam pana an hnutchhiah thing mal tla!

Thlalera hnimbùk ţo ri rë ang ka ni,

Tuihna reng pai lo vut khawro ang chu,

Ţhalchar chhum, ruah reng pai lo va lêng chu,

Natnate'n lungchim taka an tuam chhuah!

Ka natna kawltu ka damna neitu chu,

Hriat thiam lohna thlipuiin a nuai chiam a,

Hriat fiahna pawh a hnenah a awm lo,

Chuti'n a lêng e, lunglam vai ruaiin!