𝕎𝕙𝕖𝕟 𝕒𝕟 𝕠𝕝𝕕 𝕞𝕒𝕟 𝕔𝕣𝕚𝕖𝕤 !

 

Kum upatna leh vanglai nun insuih hnawk chu,

Lungrual taka tualchai dun theih a ni ngai lo;

Vanglai nun chu nelawmna nena tualchai a ni,

Upatna erawh rawh ngaihsak nunin a khat si;

Vanglai nun chu Favang ni tla tur ang maia duhawm,

Upatna erawh Thlasik khaw vïn thip hlùr a ni si;

Vanglai nun chu Nipui ang maia langsãr a ni a,

Upatna erawh Thlasik biru ang mai a ni si;

Vanglai nun chu eng lai pawha infiamna nun a ni a,

Upatna erawh a thaw a chham thuai thuai si;

Vanglai nun chu chhum ruah pai ang a ni a,

Upatna erawh chhum khawro ang mai a ni si;

Vanglai nun chu a huangtau a, thisen luma khat a ni,

Upatna erawh a chak lovin a chimlim hle si a;

Vanglai nun chu thunun loha thawveng a ni a,

Upatna chu zuainaa khat tlat a ni si;

Upatna chu ka lungten hle a ni,

Vanglai nun erawh ka ngaihlu si a;

Aw, ka hmangaihi chuan a vanglai nun a chen e,

Ka upatna erawh ânchhe dawngin awm rawh se.