Nunrâwnna, râwng taka mi chiltu chuan,
Kir lehna lamtluang reng a chhui mawlh lo,
Hringnun kal chhiar kim ni a awm ang maw?
Khuareiin nang thlah zai a rel lo’ng e.
Chinlem nei lo lunglênna thangvanah,
Hliamthla mi chhiah reh thei tawh lo tura’n,
Thinlai dam ni a her chhuak thei ang maw?
Nang ngaih banzai rel zawng ka thiam mawlh lo!
Aw nun hian engtin awmzia a neih ang?
I tel lo hringnun chhiar kim a har ngei,
Uitu nei lo va hmangaih thâmral tur,
Kei zawng ka ngai thiam thei mawlh lo va ni!
No comments:
Post a Comment