Dawt ngaina lo mah se dawt mamawhin,
Duhsakna lawm mah se a tlanchhe ţhin,
Thu khâl tak hmanga a nun hliahkhuhin,
Thu mai mai lakah a vuivai si ţhin,
Inrintawkna nun chaponaa thuam,
Insumtheihnaa a kâ ţhui ping chu.
Ngainep taka hmangaihna chêksawlhin,
Nuihsawh chunga a lûng tilian mi chu,
Khawhar takin a birûkna hmunah,
Khawngaih mamawhin a inhre mawlh lo,
Hmeichhe duhawm chhe thei tawp ni bawk chu,
Hmeichhe duhawm ber a lairil luahtu!
No comments:
Post a Comment