Hun kut 'râwngin a nuai chhiat ka hmuh a,
Hausakna chapo phum bova awmin,
In ropui tlusawp chhe tate zawng nen,
Biak in laichhuatah hringfa ruang zalhin,
Tuipui mangang rum thawm lûngchhiatthlâkah,
Thil nihpung inthlak danglam ka hmuh khân,
Thil reng reng ţawih ral ta ka ngaihtuah a,
Tlâkchhiatna chuan nâ taka min ţhialin,
Hun chu rawn hrângin ka hmangaih ngei chu,
A la rawn la bovin, duhthlanna pawh,
Hnuaichhiahin chân hlauhna vanga mittui,
Ka ngaihtuah, chu bak thlan tur awm loh hun.
No comments:
Post a Comment