Ka di lênna tlâng

Chhingkhual lungdi ngaih ka bang thiam lo,
Aitenâwnpâr mawi lênna kâwlrâwn panin,
Phei lai vawr ruai ruai ka nuam mang e.

Saw tê, a lang chiai ka di lênna,
Lawma hlima nau ang kan ţuanna tlâng saw,
Tah tê sáwn chhingmit a lêng dun ţhin.

Kan lênna chhingkhual a kâr vangin,
Ka lûngdi hian hriat loh chhingkhual val tiin,
An rûn kai nân ţhuam ang mi do maw?

Ka ring lo ka biangnotê duatin,
Kal lai khâmin kan tuah sa zawng dâwn kirin,
Nui hiau sakhmâl mawi min chhawn ngei ang.