Khaw nge ka awmna hmun hi ni ta ngai?
Lei nge van tih reng ka thliar hrang thiam lo.
Tuipui hnรขwng kรขr nge meipui vรขm chheh kรขr zawk?
Tun hi eng hun darkรขr bi nge ni le?
Hah rimtawngna nge lu sรปnna hmun zawk?
Thih nawmna nge Dam thlakhlelhna nun zawk?
Nunna meuhin thihna a zar buai a,
Thihna chu nung taka a lawm tak hi!
Vawi khat mai ni lo mi tihhlum tak hi,
Mitmeng remhriatna phena thinlung sak;
Cheksawlhna leh entleuna pai chunga,
Bumna tinrenga chawivul inlemna!
Ka thinlung pachhiatna laka hnehtu,
Ka khawhmuh lamin an chawimawi Lalnu;
I kรขm chhuak rimawi tinreng zingah te,
Khawngaihna ri mawi thawm a reh ta si!
I heh thianghlimna pรขrzรป ka tlan chuan,
Eng intiamkamna khawlhkham nge a ken tel?
Mahni lam insalbeha intiamna,
Chu chuan lungawina zawng mi thlen ngei e.
Nang erawh chuan sal angin mi lei ta a,
Hnuaichhiah nun mi hnawn ta hlauh zawk si hi;
Hralh suma mi tlanna avangin,
Ka kรขm chhuak tih tlawma phuarbeh a ni.
Vawi tam tak i mi fawhnate ngei chuan,
Thinlung lei khek hmunah chanvo neiin;
Nawmchennain a man mi ลฃhing si a,
Vawi tam mi khawih chingpenna chu eng nge?
Kawlphe tluka rang, nawmna pai si lo,
Batna lehkha phek tichhah zualtu;
Rulh zawh loh tur thlenga tam bat belhna,
Vawi za fawh pawha intlanna awm lo!
No comments:
Post a Comment